Nafarroan zaharren egoitzen sektoreko lehen hitzarmena sinatzea lortu nahi dute, eta horregatik ari dira borrokan. Hitzarmenak 4.500 langile baino gehiagoren lan-baldintza hobetzea ekarriko luke.
Asteazkenean egindako agerraldiaren bidez, beste greba egun bat deitu dute Nafarroako zaharren egoitzen sektorean ELA, LAB, UGT eta CCOO sindikatuek. Urtarrilean abiatutako mobilizazioei segida emango die, hitzarmena sinatzea lortu asmoz, urtarrilean hasi baitzituzten mobilizazioak: urtarrilaren 11n elkarretaratzea gauzatu zuten Nafarroako Parlamentuaren aurrean, eta handik bi egunera, urtarrilaren 13an, greba egin zuten. Otsailaren 23koa, beraz, bigarren greba eguna litzateke.
Nafarroan zaharren egoitzen sektoreko lehen hitzarmena sinatzeko ari dira borrokan langileak. Helburu horrekin, iazko maiatzean, aipatu sindikatuek proposamen bateratua aurkeztu zieten Nafarroako Gobernuari eta patronalei. Alabaina, "patronalen blokeoa" eta "Nafarroako Gobernuaren pasibotasuna" izan da jaso duten erantzuna, sindikatuek salatu dutenez. Horrexegatik egin dituzte mobilizazio deialdiak.
Lortu nahi den hitzarmenak Nafarroako 70 egoitza baino gehiagotako 4.500 langiletik gora barnebilduko lituzke, eta horien lan-baldintzen hobetzea ekarriko luke. Zehazki, ondoko aspektuetan emango lirateke hobekuntzak: kalitatezko kontratazioak, segurtasun- eta babes-neurri eraginkorrak, sektorean putre-funtsak eragoztea, zerbitzuen kudeaketa publikoa, sistemaren prestakuntza eta profesionalizazioa, eta ikuskapenak indartzea.
"Diru publikoarekin sostengatzen den sektorea da, eta, beraz, administrazio publikoek kalitatezko zerbitzuak emateko erantzukizuna hartu behar dute beren gain, eta mendekotasunaren sektorea babestu behar dute, adineko eta mendeko pertsonen arretarekin hain funtsezkoa den zerbitzuarekin bateraezinak diren enpresa-ereduetatik", egin du irakurketa ELAk.
Orain arte kudeaketa zeraman enpresa pribatuarekin kontratua eten eta Patronatuko Batzordeak erabaki du Zaintza Lanak SL udal enpresa publikoren esku uztea egoitza. Eraikinean obrak egingo dituzte eta egoiliarrentzako lekua murriztuko dute eraberritze lan horien ondorioz.
Milaka pentsionista atera dira kalera astelehenean, txistulariekin eta konpartsekin batera, Bilboko Aste Nagusiaren oihartzuna aprobetxatuz. Hainbat erreibindikazio egin dituzte, hala nola 1.080 euroko gutxieneko pentsioa.
Urkulluk askotan aldarrikatu du sistema kapitalistaren muinean dagoen publiko-pribatu elkarlana, baina lotura hori gaur zertan den azaltzeko inolako asmorik gabe. Publikoa osagarria eta menpekoa denean, ezin dituenean merkatuaren interesak zanpatu, eta lege bidez inposatutako... [+]
Maiatzaren 23 eta 24an grebara deitu dute Arabako zaharren egoitza pribatu eta etxebizitza komunitarioetako langileek. Patronalaren “blokeoa” salatu dute ELAk eta LABek, eta soldata igoera eta lanaldi murrizketa jasoko dituen lan hitzarmena eskatu.
Otsailaren 1ean zortzi eguneko greba abiatu zuten Bizkaiko erresidentzietako eta eguneko zentroetako langileek. Lan baldintzen hobetzea eta zentroetan eskaintzen den arreta ereduaren errotiko aldaketa exijitzen ari dira. Asteazkena dute azken greba eguna, baina ez dute... [+]
Ikusgarriak dira berriz ere metalgintzako sektoreko grebak Bizkaian azken bi asteetan utzi dizkigun irudiak. Badago langile borrokaren amaieraz aritzen denik Euskaldunako garaiak nostalgiaz gogoratuz, baina errealitatea da lan gatazken kopuruak gora egin duela Euskal Herrian... [+]
Hitzarmenak eta egoerak ezberdinak dira lurralde bakoitzean, baina lan baldintza duinen eskean dira zahar etxeetako langileak. Grebak antolatu dituzte Nafarroan, Bizkaian, eta Araban, eta Gipuzkoan LABek elkarretaratzea egin du UGTk adostutako akordioak “egoera... [+]
55 urtetik gorako pertsonen bizi-baldintzak aztertzeko EAEn egin duten inkestaren arabera, asebeteta dagoen jende aktiboa da gehiengoa, zahartzaroaz sarri eman ohi den irudi ezkor eta infantilizatutik urruti.
Irailaren 17an manifestazio jendetsua egin zuten Madrilen, Beste zaintza eredu bat posible da lemapean. Estatuko Plataforma osatzen duten zaharren egoitzetako senideen elkarteek deitu zuten, tartean Zaintza Babesten federazioak. Instituzioei zein herritarrei argi utzi diete... [+]
Hitzarmen kolektiboaren negoziazioa geldituta dago 2021eko otsailetik. ELAk eta LABek negoziazio mahaitik altxatzea erabaki zuten orduan, patronalak plataformako edozein artikulu aldatzeari uko egin ziola arrazoituz. Besteak beste, sindikatuek ez zuten onartu patronalak egiten... [+]
Elizondoko zahar etxeko langileek prentsaurrekoa egin dute asteartean, iragartzeko azkenean hitzarmen kolektiboa berritzeko akordioa lortu dutela, hainbat greba egun eta mobilizazio ugari egin ostean. Langile batzordeak aho batez onartu du akordioa.
Arabako erresidentzien sektoreko lehen hitzarmena lortzeko ari dira borrokan. Orain hiru urte hasi ziren mobilizazioak. Hala ere, patronalak negoziazio blokeatzen jarraitzen duela salatu dute sindikatuek.
Salaketa jarri dute LAB eta ESK sindikatuek Bizkaiko Foru Aldundiko Ikuskaritzan. Greba hasi dute asteartean berriro Orozkoko Ibarra auzoko egoitzako langileek, lan baldintza duinen defentsan.
Bederatzigarren liburua argitaratu du Ahoztar Zelaieta Zamakona ikerketa kazetariak, Txalaparta argitaletxearekin: Residencias SA. El negocio de los cuidados en Euskal Herria (Egoitzak SA. Zaintzaren negozioa Euskal Herrian). Azken 30 urteetan zaharren egoitzen sektoreak izan... [+]
Bilbon, Gasteizen eta Donostian Foru Aldundien aurrean egin ditu elkarretaratzeak LAB sindikatuak, "EAJ interpelatzeko"; Iruñean, berriz, PSNren egoitza aurrean egin du protesta.