Nafarroako Torturatuen Sareak biktimen errolda ahalik eta zehatzena egiteko prozesua abiatu du
Segurtasun indarrek torturatutakoei eta senideei dei egin diete sarearekin bat egitera. Erakundeei eskatu diete biktimei dagokien aitortza eta erreparazioa emateko.
Egiari Zor fundazioak eta Nafarroako Torturatuen Sareak batera aurkeztu dituzte elkarteak dituen helburuak: segurtasun indarrek Nafarroan torturatutakoen bozgorailu izatea, biktimen errolda ahalik eta zabalena eta zehatzena egitea eta pertsona horien guztien aitortzaren eta erreparazioaren alde lan egitea. Dei egin diete estatuaren tortura eta tratu txarren biktimei edota haien senideei ekimenarekin bat egitera. Horretarako, abenduan eta urtarrilean formulario batzuk zabalduko dituzte Nafarroako hainbat gunetan, testigantzak eman ditzaten.
@EgiariZor: "EHko erakundeei deia luzatu nahi diegu, EHn tortura pairatu dutenei dagokien aitortza ematea posible izan dadin beharrezko urratsak eman ditzaten; eta, tortura jasan duten pertsonei ere dei egiten diegu, @Torturatuak abian jarriko dituen ekimenekin bat egin dezaten" pic.twitter.com/g4i4iKbAbK
— Nafarroako Torturatuak (@Torturatuak) December 11, 2021
Salatu dute “bereziki gogorra” dela torturatuek jasaten duten diskriminazioa, aitortza “oso urria” delako. Gogorarazi dute datu bilketek erakutsi dutela 1961-2012 urteen artean mila pertsona inguru torturatu dituztela estatuko segurtasun indarrek, fisikoki edota psikologikoki. Orain, ordea, Nafarroako biktimen errolda zehatzagoa egiteko prozesua abiatu dute. EAEn 2016an egin zuten 1960-2013 artean tortura jasandakoen txosten zehatza, Eusko Jaurlaritzaren eskariz.
Instituzioei eskatu diete aitortzarako eta erreparaziorako behar diren urratsak emateko. “Tortura jasan zutenen aitorpen ofiziala ezinbestekoa da bizikidetza demokratikoaren mesedetan, baina baita gertatutakoaren memoria eraikitzeari begira ere”, azpimarratu du sareak.
Uztailean ARGIAk argitaratu zuen Xabier Letonak Nafarroan torturaren biktima izandako hiru emakumerekin egindako erreportajea, eta Nafarroako Torturatuen Sareak dituen eskakizunak sakonago aztertu zituen. Hemen irakurgai:
Altsasuko Iortia Kultur Guneko Areto Nagusiaren harmailak jendez beteta zeudela egin da asteazkenean Arg(h)itzen dokumentalaren estreinaldiko emanaldia. Torturak Sakanan utzi duen aztarnaren kontakizuna da film hau, eta egun aproposa aukeratu dute lehen aldiz publikoki... [+]
Nafarroako Torturatuen Sareak jakinarazi du hemeretzi biktima berri onartu dituela Nafarroako Gobernuko Aitortza eta Erreparaziorako Batzordeak, horietariko bost 2005-2011 urte artean torturatu zituzten Mikeldi Diez, Iker Aristu, Oihan Ataun, Garbiñe Urra eta Mikel... [+]
Presoak lotuak dituzte etengabe, pixoihalak jantzita eta jipoiak jasotzen. Hamaseko kideak diren susmopean ehunka pertsona bahituak dituzte sionistek, The Guardianen iturrien arabera.
Torturatu zuten Iratxe Sorzabal presoa eta haren ama ditu protagonista Bi arnas dokumentalak. Duela bi urte abiaturiko prozesua borobiltzeko ekitaldia egin dute eta bide horretan lortutako etekin ekonomikoak bi elkarteri eman dizkiote: Harrera eta Axut! Ekitaldiak une... [+]
Tarteka bizitzak ekarrarazten dizkizu ahaztuta nahiko zenituzkeen oroitzapenak. Xafan-ekin geratu naiz gaur kafea hartzeko, Xabier Mendigurenen Oso latza izan da liburuari buruzko solasaldia dugulako gero, eta konturatu naiz inoiz ez diodala ezer galdetu aztnugal hitzarekin... [+]
1993ko abuztuaren 20an Juan Calvo bilbotarra hil zen Arkautiko Ertzaintzaren komisarian, atxilo zegoela. 2023ko uztailean ARGIAk heriotzaren inguruko informazio eta datu berriak argitaratu zituen, agerian uzten zituztenak Calvok jasotako tratu txarrak zein Poliziaren gezurrak... [+]
Torturapean hil zuten zizurkildarra gogoratzeko ekitaldia egin dute igandean. Tortura aitortu eta erreparatzeko bitarteko gehiago eskatu dituzte.
.jpg)
Euskal Herriko Torturatuak Saretzeko Talde Sustatzaileak aurkezpen agerraldia egin du Bilbon. Torturatu guztiak batuko dituen sare bat osatzeko lan egingo dute, eta topaketa bat iragarri dute urtebete barrurako. Torturaren aitortzan torturatuak agente aktibo izate aldarrikatu... [+]
1999ko martxoan Aiztondo bailaran jazotako gertaera latzak ez ziren eraso isolatuak izan, Espainiako Estatuak Euskal Herriaren aurka emandako beste urrats errepresiboaren zati baizik. “Todo es ETA” (Dena da ETA) doktrinaren menpean, atxilotu eta inkomunikaziopean gu... [+]
Zazpi urtez landu ondoan, bere tesia aurkeztu du Pauline Guellek, zuzenbide publikoan doktore bilakatuz. Urte luze hauetan "torturaren zigorgabetasuna" landu du, Euskal Herriaren adibidea hartuz, Francoren garaitik 2022 urtera.
Espainiako Polizia Nazionalaren 200 urteurren ekitaldia egin dute Gasteizen larunbatean. Polizia Nazionalak Betoñun edo Olagibel kalean bere egoitzetatik kanpo, kalean, ekitaldi publiko bat egiten duen lehen aldia da azken urteetan. Bertan izan dira, besteak beste, Maider... [+]