Nafarroako Parlamentuak legealdiko laugarren aurrekontuak onartu ditu
Chiviteren Gobernuaren aurreko hiru urteetan bezala, PSN, Geroa Bai, Podemos eta Izquierda-Ezkerrak alde bozkatu dute, Navarra Sumak aurka eta EH Bildu abstenitu egin da.
2019ko Foru hauteskundeen ondoren lauko gobernuan sartu ez bazen ere, EH Bilduren eskuetan egon da aurrekontuen giltza urtez-urte Chiviteren agintaldian barrena. Guztietan emaitza berdina izan da: ezker abertzaleak kritika leunak egin ditu “legealdia alferrik galdutako aukera” bilakatzen ari zela esanez, baina abstenitu egin da eta onarpenari bide eman dio. Ondorioz, Navarra Suma aurkako bozkarekin bakarrik gelditu da, PSN, Geroa Bai, Podemos eta Izquierda-Ezkerrak alde bozkatu dutelarik.
María Jesús Valdemoros Navarra Sumako bozeramaileak esan du “Chivitek aniztasun itxura eman nahi izan” duela, baina “itxurakeria” baino ez dela izan, ez baitu Javier Esparzak gidaturiko alderdiarekin hitz egin. “Argi zeukan ez zuela gurekin negoziatuko, Espainiako Gobernua babesten duten alderdiek hala agindu diote eta”.
“Foru Gobernuaren propaganda kanpainak alferrikakoak dira, ezin baitute ezkutatu Nafarroa haiek aurkitu baino okerrago uzten dutela, pobreagoa eta etsipenez beteta”. Vldemorosen iritziz, etsituta utzi ditu, besteak beste, “foruzainak, osasungintzako langileak, nekazariak, abeltzainak, autonomoak edota ETAren biktimak”. “Horregatik soilik ezezko botoa eman genezake, ezetz esanez Nafarroa desagertzea nahi duen EH Bildu bezalako alderdia zuritzeari”.
Gainerako alderdiek haien arteko adostasuna azpimarratu dute. PSNko Ramón Alzórrizek “Nafarroako Gobernuaren egonkortasuna” aipatu du, eta “EH Bildu baztertzeko Navarra Sumaren txantajea” kritikatu du. “Politikariok akordioak eta irtenbide eraikitzaileak bilatu beharko genituzke, eta ez neurri suntsitzaileak”.
Podemoseko Mikel Builek azken bi legealdien irakurketa orokorra egin du: “Aurrekontu hauek jarraipena eman diote 2015ean aldaketaren gobernuarekin hasitako ibilbideari”, orain arte egindakoa “nahikoa” iruditzen ez bazaio ere. Izquierda-Ezkerrako Marisa de Simonek argitu nahi izan du bere alderdiaren aurrekontuak “ez diren arren, egoera sozioekonomiko konplexu honetan garrantzitsua dela familia askoren eros ahalmena mantentzen lagunduko dutela”.
Bestalde, EH Bilduko Laura Aznalek adierazi du “aurrekontuak adostu ahal izateko elkarrizketarako asmoa” positiboa dela. “Jarraian eginiko zortzigarren aurrekontuak dira, eta eskuinak ezin du hori bera esan agintzen duen tokietan, adibidez, Iruñeko Udalean”.
Onartu diren 2023ko aurrekontuak Nafarroan inoiz izan diren handienak dira: 5.749 milioi euro, 2022an baino %9,9 gehiago. Datorren urterako diru horretatik, 510 milioi euro, hau da, %9, zor publikoa ordaintzeko izango dira.
Hego Euskal Herriko lau hiriburuetan egin dituzte manifestazioak. Israelek Palestinan egin duen eta aurrera daraman genozidioarekin kolaboratzen duten enpresei laguntza publikoa emateri uzteko eskatu diete Nafarroako Gobernuari eta Eusko Jaurlaritzari.
Itxaron zerrendak gutxitzeko Osasunbideak hartutako estrategiak gaitzetsi ditu Plataformak
Haurreskolara beharrean, 0-3 urte bitarteko umea zuzenean ikastetxera bidaltzea, Haur eta Lehen Hezkuntza osoa (12 urtera arte) hartzen dituen zentro berera. Hori da Nafarroako Hezkuntza Sailak Burlatako Hilarion Eslava ikastetxean martxan jarriko duen proiektu pilotua eta... [+]
Geroa Baiko lehendakari eta Nafarroako lehendakariorde izandakoa enpresa bati 2,6 milioi euroko diru-laguntzak ustez modu irregularrean emateagatik zegoen auzipetuta, Davalor auzia deiturikoan. Nafarroako Probintzia Auzitegiak erabaki du auzia behin betiko artxibatzea, legalki... [+]
Ostegunean egoera hori ikertzeko eta zuzentzeko eskatu dio EH Bilduk Nafarroako Gobernuari legebiltzarreko osoko bilkuran. UPNk eta PPk bat egin dute eskaerarekin, eta Osasun Departamentuak urtebete du ikerketa gauzatzeko.
Ilbeltzeko igande goiz batez jo dugu Baztanera. Eguzkiak oraindik ez du Lekarozko plaza argitu; bertan elkartu gara Garbiñe Elizegi Narbarte, Itziar Torres Letona eta Ernesto Prat Urzainkirekin. Itzaletan hotz egiten du eta umorez goxatu dugu lehen agurra, hogei urtean... [+]
Haurrak dituzten familiei egiten diete deia, bereziki. Seme-alabentzat onena nahi dugulako, etorkizunerako aukerak zabaltzea litzateke euskara ematea. "Eleaniztasunaren aldeko hautua egiteko gonbidapena da, euskara ematea batzea delako", esan du Ana Ollo Euskara... [+]
Irakasle hau egokitzen zaielarik, 6-9 urteko haurrengan beldurra, amesgaiztoak, antsietatea, negarra… orokortzen direla salatu dute Atarrabiako Atargi ikastetxeko gurasoek. Urtetako arazoa konpontzen ez dela-eta, haren klaseei planto egitea erabaki dute. Guraso elkarteko... [+]
Osasun Legea aldatzea beharrezkoa dela adierazi du Nafarroako Osasun kontseilariak, hala nola Osasunbidea enpresa-erakunde publiko bihurtzea, bestela “luze gabe sistemak porrot” egingo duela argudiatuta. Sindikatuak ez daude formula horrekin ados.
.jpg)
Entitate sozial honen langileek Etxebizitza, Gazteria eta Migrazio Politiken batzordean agerraldia egin dute haien lana azaltzeko. Hizlariek etxebizitza duinak, bizileku zein lan baimena erraztea eta osasun mentaleko baliabide publiko gehiago eskatu dizkiote Foru Gobernuari... [+]
Nafarroako "eremu mistorako" deialdi bakoitzean, banan-banan, zehaztu beharko da euskarari zein atzerriko hizkuntzei ematen zaien puntuazioa, eta eremu ez euskaldunean ez da euskara baloratuko. Nafarroako Gobernuaren "jarrera euskarafobo, atzerakoi eta... [+]
Etxebizitzaren arazoari irtenbidea ematea du helburu Nafarroako Gobernuak hasitako prozesuak. Tentsio handiko eremu izendatu nahi dituzten udalerrien artean daude, besteak beste, Iruñea, Tutera, Lizarra, Tafalla, Corella, Noain, Cintruénigo, Baztan eta Altsasu... [+]
EH Bilduk seigarren urtez jarraian Chivite lehendakariaren aurrekontuak ahalbidetuko ditu, abstentzioaren bidez. Egungo akordioa mantenduz gero, abenduaren 19ko Osoko Bilkuran gauzatuko da proposamena.
Hitzarmenak 1.035 euroko gutxieneko errenta bermatuko du eta euskara, osasuna eta etxebizitza izanen ditu konpromiso estrategiko nagusi. Hamargarren urtez jarraian, UPNk ez du batere eraginik izanen aurrekontuetan, urteroko legerik garrantzitsuenean.