Erreforma fiskala barne hartzen duen pobreziaren aurkako plan estrategikoa sortuko du Nafarroako Legebiltzarrak
Foru erkidegoko biztanleriaren %14,7 zaurgarritasun egoeran dago, pandemiaren aurretik baino %2,4 gehiago, AROPE tasaren arabera.
Foru Parlamentuko alderdiek pobrezia eta gizarte bazterketaren aurkako plan estrategiko berriaren ildo nagusiak erabaki dituzte, Nafarroako Pobreziaren eta Gizarte Bazterkeriaren Aurkako Sareak bultzatutako osoko bilkuran. Horien artean esanguratsuena da zehazteke dagoen erreforma fiskala, PSNk berak ere babestu duena.
Aipatutako Sarea esku-hartze sozialaren esparruan lan egiten duten 33 erakundek osatzen dute, eta urriaren 17an, Pobrezia Errotik Kentzeko Nazioarteko Egunean, Legebiltzarrean bertan egin zuten diagnostiko latzaren ondorioz ospatu da bilkura. “Desabantailarik handienak dituzten pertsonei zuzendutako lege eta neurrien epe laburregiak gainditu, eta zeinu politiko guztiak itun bakar batean bat egitea” eskatu zuen Myriam Gómez-García Sareko lehendakariordeak.
Pobrezia neurtzen duen AROPE tasaren arabera, pandemiaz geroztik 20.000 nafar gehiago daude zaurgarritasun egoeran. Biztanleriaren %12,3 ziren txiro 2020an, eta %14,7 gaur egun. Hau da, pobrezia %2,4 hazi da, eta “egoerak okerrera egingo du Ukrainako gerra eta honek eragindako inflazioaren ondorioz”, deitoratu du Carmen Maeztu Eskubide Sozialen kontseilariak.
Navarra Sumaren proposamena, laguntzak murriztea
Alderdi guztiak plana ahalik eta lasterren garatzeko beharrean bat datozen arren, batez ere neguari begira, osoko bilkuraren debateak kutsu elektoralista hartu du hasiera-hasieratik. Zentzu horretan, planaren edukieraren garapenean baino, alderdien arteko kritikan eta norberaren politiken defentsan zentratu da eztabaida.
Jorge Esparza Navarra Suma koalizioko bozeramaileak, pobrezia tasaren hazkundea oinarri, gogor kritikatu du gobernuaren kudeaketa. PSNko Nuria Medinak eta Geroa Baiko Isabel Aranburuk, ordea, Nafarroak estatu mailan pobrezia tasarik txikiena duen erkidegoa dela nabarmendu dute, eta 2014an UPNren agindupean historiako daturik okerrena izan zela gogorarazi dute, biztanleriaren %14,7 pobrezia egoeran zegoenean.
Ildo beretik, alderdi guztiek Navarra Suma gaitzetsi dute, Esparzaren interbentzioa eta haren alderdiak egindako ekarpenen arteko kontraesanak mahaigaineratuz. Izan ere, eskuineko koalizioaren hiru proposamenetatik bik errenta bermatua jasotzeko neurriak zorroztea zuten helburu, eta bestea etxebizitza gehiago eraikitzearen aldekoa zen, publikoak ala pribatuak ote ziren zehaztu gabe. Navarra Sumaren proposamenek haien 20 parlamentarioen sostengua soilik eskuratu zuten.
Aldiz, PSN, Geroa Bai, Izquierda-Ezkerra eta Ahal Duguren proposamen guztiak onartu dira: kalitatezko enpleguen sorrera, errenta bermatua handitzea, laguntzetan perspektiba feminista txertatzea, adingabekoak gehiago babestea, paperak eskuratzea erraztea edota aberastasunaren banaketa justuagoa, eta abar. EH Bilduren hiru proposamenak ildo berekoak izan arren, esate baterako hitzarmen kolektibo guztietan gutxieneko soldata bermatzea, guztietan PSN abstenitu egin da eta Navarra Sumak kontra bozkatu du, proposamenak bertan behera utziz.
Orain ikusteke dago zein neurrian zehaztuko den planaren garapena. Hauxe da oposizioaren kezka, Marisa de Simón Izquierda-Ezkerrako bozeramailearen hitzetan: “Ez dakit erreforma fiskala iruzurra izango ez ote den, hiru urteren ostean gobernuak ez baititu ukitu ere egin enpresen gaineko zergak”.
181 milioi haur inguru bizi dira egoera larrian eta gobernuz kanpoko erakundeak dio hilgarria izan daitekeen desnutrizio-motaren bat jasateko %50 aukera gehiago dutela. Desberdintasunak, gatazkak eta krisi klimatikoa dira arrazoi nagusiak.
Pobreziaren eta gizarte-bazterketaren kontrako Nafarroako sarearen arabera, Nafarroan bizi diren pertsonen %17,2 bazterketa edo pobrezia egoeran dago.
Ipar Euskal Herriko biztanleriaren %12 pobrezian bizi da. Hori dio INSEE Frantziako estatistika institutuak iragan urrian egindako ikerketa batek. Horrek erran nahi du gure lurraldeko 35.000 herritar 1.102 euro azpiko hilabete sariarekin bizi direla.
Diru-Sarrerak Bermatzeko Errentaren legea martxoan onartu zuen Eusko Jaurlaritzak, eta bertan aurreikusitako neurrietako bat jarri dute orain martxan: 19 ikuskatzailek osatutako Kontrol Unitatea, Lanbideren baitan. Iruzurrik apenas dagoen prestazioaren bueltan pobreak... [+]
Nafarroako Gobernuak pobreziari eta desberdinketa sozialari buruzko zazpigarren txostena kaleratu berri du. Datuak adierazgarriak dira: Erriberako herriek pobrezia arrisku handiagoa dute, %40 iparraldeko herriek %10. 2021ean urtean 12.000 euro jasotzen zituzten herritarrak... [+]
Populazioaren %10,9 bazterkeria egoeran dago, eta %14,5 arriskuan, biak Espainiako Estatuko daturik txikienak Arope tasaren arabera, Unai Hualde Foru Legebiltzarreko lehendakariak azpimarratu duenez.
2022an, egoera hori jasaten zuten ia hogei milioi haur eta nerabe zeudela kalkulatu du Eurostatek. Espainiako Estatuak Europar Batasun osoko hirugarren markarik altuena du, %32,2koa.
Etxerik gabeko pertsonen aldeko eta bizileku-bazterketaren aurkako BesteBi plataformak, azken asteetan Santurtzin eta Bilbon hil diren etxerik gabeko emakume eta bi gizonen heriotzak salatu ditu.
Iruñeko Arrotxapea auzoko Plazaolako tunelean aurkitu dute astelehenean 44 urteko gizonezkoaren gorpua. Martxoan Jesus eta Maria aterpetxea itxi zuten eta zazpi elkartek salatu egin zuten. Iruñean gutxienez 40 lagunek egiten dute lo kale gorrian urte osoan.
EAEko parlamentuan aurrera egin du Inklusiorako eta Diru Sarrerak Bermatzeko Euskal Sistemaren lege aldaketak. Badago zer aztertu legearen eztabaidak, aldaketa egiteko ezker zein eskuin egin den akordioak, eta legeak ekartzen dituen berrikuntzak izan duten oihartzun eskasari... [+]
Teorian pobreak egoera horretatik ateratzea helburu duen Diru-Sarrerak Bermatzeko Errentan aldaketak adostu dituzte EAJ, PSE eta Elkarrekin Podemos-IUk, eta indarrean sartu da lege berria. Jende asko kanpoan uzten duela, pobrezia egoeratik ateratzeko ez duela balio eta txiroak... [+]