Nafarroak Ikurren Lege berria eduki dezake ostegun honetan
Nafarroako Legebiltzarrean tramitazio konplikatua izan ondoren, ostegun honetan eztabaidatuko dute Foru Erkidegoko Ikurren Lege berriaren inguruan. Eskuinak proposaturiko legea guztiz urardotuta, PSNren baiezkoa aurreikusten da.
Nafarroako Foru Erkidegoa berriz ere Ikurren Legea edukitzeko atarian dago. Uxue Barkosen gobernuak aurreko araua ezabatzea onartu eta hiru urtera, Parlamentuak ostegunean bozkatuko du Navarra Sumak udan egin zuen proposamena, eta tramite korapilatsu baten ondoren argia ikustear dago.
Hori bai, testua ez da inondik inora eskuinak hasiera batean nahi zuena, isunen araubide zorrotza diseinatu baitzuen –150.000 eurorainoko zigorrak sinboloen legea berriz urratzen zuten udalen aurka– eta artikulu askotan kutsu identitario nabarmena baitzeukan –herrietan eta eskoletan banderari omenaldiak egitea aurreikusten zuen–. Horrek mugiarazi zituen PSN, Geroa Bai, EH Bildu, Ahal Dugu eta I-E, batzordean lege proposamenaren edukia murriztera, "banderen gerra" saihesteko.
Legea oso deskafeinatua izanik, itxura guztien arabera, PSNk alde bozkatuko du eta testuak argia ikusiko du. Chiviteren alderdiak uste du legea onartzeak sinboloen inguruko eztabaida ixteko balio dezakeela: eskuinak, 2003ko legea indargabetu zenetik, Nafarroako bandera desagertuko dela iragartzen dihardu –arrakasta handirik gabe–, eta horren aurkako protesta gisa lauko Gobernuaren aurkako manifestazioa ere deitu zuen.
Orain onar daitekeen legea berriz, eskuinaren hasierako asmoetatik oso urrun dagoen arren, benetan aurrera atera daiteke eta ez du ikurrina kontuan hartzen. Gainerako alderdiek berriz, aurka egin ahal izango diote ikurrinaren erabilera arautzera ausartzen ez delako, baina gutxienez, lege berriak ez du isunik aurreikusten ikurrina jartzeagatik. Hala eta guztiz ere, osteguneko eztabaidan nagusituko den tonuak erakutsiko du zein den benetan Navarra Sumaren asmoa gai honetan: benetan Ikurren Lege berri bat edukitzea ala Chiviteren gobernua deseroso jarri ahal izateko gai bat edukitzea.
Gure Esku eta Nafarroa Berriz Altxa elkarteek ekimenak antolatu dituzte lasterketa Euskal Herritik igarotzen denerako. "Euskal Herriaren erabakitzeko eskubidea" aldarrikatu eta "muga artifizialak" auzitan jarri nahi dituzte, besteak beste.
Klubeko Zuzendaritza Bartzordeak adierazi du "oso larria" izan zela gertatutakoa. Urtarrilean ikurrina, Nafarroako bandera eta pankarta bat kendu zituen Espainiako Poliziak Sadar futbol zelaian.
Eneko Compainsi segurtasun indarrek Sadarren jarritako banderak “modu txarrean eta bortitzean” kendu zizkiotela salatu du sare sozialetan. Compains Osasunako zalea eta Konstituzio Zuzenbideko irakaslearekin hitz egin dugu Metropoli Forala saioan.
Joan den abenduan Buruntza mendiaren tontorrean zegoen gurutze frankista handia eraitsi ondoren, ikurrina erraldoia paratu du toki berean Andoaingo gazte talde batek. Ernaik aldarrikatu zuen abenduko ekintza, eta horren ondorioz antolakundearen ordezkaria epaitegietara... [+]
Aurten dagoeneko zazpi aldiz baino gehiagotan egin diete eraso Donostiako Ikatz kaleko Herria taberna kanpoan jarritako ikurrinari, arrano beltzari eta presoen ikurrari. Oraingoan, baina, gertatutakoa grabatu dute.
Aberri Egunaren bezperetan farol batetik ikurrina bat zintzilikatzeagatik Mozal Legea aplikatu zien Gasteizko Udalak hiru herritarri. Astebeteren buruan, zigortuek 300na euroko isun bana jaso dute "erabilera edo zerbitzu publikoko ondasun higigarriak edo higiezinak"... [+]
Aberri Egunaren ataritan farola batetik ikurrina zintzilikatzen ari zirela identifikatu zituen hiru pertsona Gasteizko Udaltzaingoak. Mozal Legea aplikatu diete, eta 100 euroko isuna jarri bakoitzari.
Aurreko legealdian aldaketaren lau alderdiek 2017an desegin zuten 2003ko Ikurren Legea berriz itzuli da Nafarroara. Garai hartan, UPNren eta PSNren corralitoa indar betean zegoen eta bi alderdiek Ikurren Legea atera zuten aurrera funtsean ikurrina udaletan jar ez zedin.
Ez dirudi Navarra Sumak babes nahikorik izango duenik bere Ikurren Legea indarrean sartzeko: Nafarroako Legebiltzarreko alderdiek aurkeztutako zuzenketek adierazten dute gehiengoa ez dagoela alor horretan arau murriztaile eta zigortzaileen alde.
Bandera handiekin sartzea debekatzen zuen agindua ez betetzea egozten diete sei gazteei.
"Banderak trapuak besterik ez dira”, aldarrikatzen dute munduko hiritarrek, inongoak ez, eta toki guztietakoak direnek. Bitxia da, baina halakoak beti izaten dira estatua daukaten banderapekoak.
Gurean ere zabaldu da jarrera hori sektore independentista batzuetan... [+]
Enrique Maya Iruñeko alkateak egin ahalak egin zituen ikurrina eta bestelako aldarrikapenak sanferminetako txupinazoan egon ez zitezen, baina ez zuen lortu, horretarako bitarteko ugari jarri bazituen ere.
Korrikalari talde batek udaltzainek astearteko entzierroan izandako jarrera kritikatu du agerraldi batean. Poliziek hiru pertsona identifikatu, horietariko bi atxilotu eta laugarren bat zauritu zuten.
Udaltzaingoak Iruñeko entzierroko korrikalari bat identifikatu du larunbateko txupinazoan ikurrinekin izan zen arazoarekin lotuta. Identifikazioagatik kexu ziren beste bi pertsona salatu ditu Udaltzaingoak, eta hirugarren pertsona bati ukabilkada jo dio udaltzain batek.