Nafarroako haur eskola publikoak doakoak izango direla iragarri du Gimenok
27.900 eurotik beherako errentak dituzten gurasoek zein familia gurasobakarrek 0-3 urteko zikloan ez dutela ordaindu beharko aditzera eman zuen Hezkuntza kontseilariak otsailean eta, datorren legealdiari begira, unibertsaltasuna du helburu. Gobernuak euskara “sustatzen” jarraituko duela esan du, baina D ereduko eskaintza “mantenduta”.
Nafarroako haur eskola publikoak doakoak izango dira lau urte barru, asko jota, Carlos Gimeno Hezkuntza kontseilariak zin egin duenez. Pasa den otsailetik 27.900 eurotik beherako errentak zituzten gurasoentzako ezarritako neurria 0-3 urte bitarteko seme-alabak dituzten familia guztiei zabalduko die modu honetan Foru Gobernuak.
Legealdi berriaren hezkuntza arloko lan ildo nagusiak aurkezteko batzordean, Gimenok gehitu du kurtsoa errepikatzearen eta eskola uztearen tasak “are gehiago” murriztea dituela helburu. Izan ere, nafar ikasleen %5,7k ez ditu amaitzen derrigorrezko ikasketak, “historiako daturik baxuena”, nabarmendu du kontseilariak.
Helmuga horretara heltzeko, Foru Gobernuak Nafarroaren BPGaren %5 hezkuntzara bideratuko duela esan du kontseilariak. Honekin, “landa eremuetako” behar espezifikoak artatzea espero du, hala nola, “Pirinioetako zonaldean Batxilergoko eskaintza handitzea” eta Sesma, Antzin, Zudaire edota Oronoz-Mugaireko ikastetxeetan eraikinak egitea. Irakasleen baldintzen inguruan, “oposizioetan ahalik eta postu gehien” eskainiko direla adierazi du, “egonkortzea indartzeko” asmoz.
D ereduaren "eraisketa isila"
Euskarari dagokionez, gobernuak haren “erabilera hezkuntza arloan sustatzen jarraituko duela” esan du Gimenok. Dena den, helburu hori praktikara eramateko zer egingo den ez du argitu, “dagoeneko D eredua ezarrita duten udalerrietan” eskaintza “mantendu” egingo dela adierazi baitu, baina ez da mintzatu hura handitzeaz.
Gogoratu beharra dago pasa den legealdian Nafarroako Hezkuntza kontseilaritzak eragile euskaltzaleen partetik kritika gogorrak jaso zituela, ez soilik UPNren garaietan bezala zonifikazioa mantentzeagatik, baita zonalde mistoan hizkuntza eskubideak urratzeagatik ere. Adibide gisa, iaz Mañerun gertatutakoa, non D eredua ezartzeko bertako udalean zein gizarte mailan adostasun betea egonik ere, PSN kontra agertu zen.
Zentzu horretan, Euskalgintzaren Kontseiluan ez dute aldaketa handirik espero Gimenoren lan sailaren hizkuntza politikan. Halaxe mintzatu da Kontseiluko idazkari nagusia den Idurre Eskisabel: "Nafarroako Hezkuntza sailetik etengabe diote euskara sustatuko dutela, baina hori kontraesankorra da eskaintza mantentzearekin. D ereduaren isilpeko eraisketa da benetan egiten dabiltzana. Epe luzeko estrategiak behar dira euskara sendotzeko plangintza egin ahal izateko. Baina jakin badakigu hezkuntzan euskararen teknikariak beste funtzio batzuetara bideratu dituztela. Haien ordez, euskara irakasleak txandaka jarri dituzte, euskararen trataera profesionalizaziotik urrunduta".
"Era berean, pasa den legegintzaldian PAI Ingelesez Ikasteko Programen eredua sendotu egin da, eta horrela eredu horretarako berezko lanpostuak iraunkortu", azpimarratu du Eskisabelek. "Horrek D ereduaren ahultzea dakar, seme-alabak euskaraz ikastera bidaltzen zituzten guraso askok orain ez baitute aukera hori".
Epez kanpoko eskolatze prozesua aho batez kritikatu dute sindikatuek
Sindikatuak, halaber, oso kritiko agertu dira Gimenorekin epe arruntaz kanpoko matrikulazioen kudeaketaren harira, gehienbat familia etorkinei eragiten diena. Steilas, ANPE, Afapna, LAB, SEPNA, UGT, ELA eta CCOO sindikatuek, sektorean ordezkaritza duten guztiek, hilaren 19an parlamentuaren aurrean elkarretaratzea egin zuten kontseilariak ganberaren barruan bere programa aurkezten ari zen bitartean.
Ohar baten irakurketaren bidez gobernuari leporatu zioten kurtsoan zehar gertatzen diren eskolatze prozesuetan langileriaren ordezkarien presentzia gutxitu izana. Horregatik, salatu zuten eskola kontzertatuko patronalak sarritan bere interes ekonomikoen arabera erabaki dezakeela zein ikastetxera bidaltzen dituen ikasle berriak, familiari benetan komeni zaiona kontuan hartu gabe.
Ugaritu diren “txiringito pribatuei” muga jartzeko asmoz, unibertsitate berriak sortzeko baldintzak gogortu nahi ditu Espainiako Gobernuak. Euskal Herrian polemika artean jaio zen azken unibertsitate pribatuak adibidez, Gasteizko Euneizek, gaur gaurkoz ez ditu... [+]
Nafarroa Behereako Arberoa ikastola erre zen pasa den urrian. Administraziotik laguntzarik jaso ez duten arren, herritarrek berehala erantzun dute. Astelehenean, hain zuzen, elkartasuna eta berotasuna jaso dute Gipuzkoako Ibarran. Elkartasunak eraikitako sarea da gakoa.
ARGIAri jakinarazi diotenez, 40-50 irakasle inguruk Eusko Jaurlaritzaren Lakuako egoitzaren pareko belardian igaro dute gaua. Dozena bat kide identifikatu ditu gauerdian Udaltzaingoak.
Gaurko greba deialdiak %75eko jarraipena izan du sindikatu deitzaileen arabera... [+]
Bai ikastetxeek antolaturiko eskolaz kanpoko jarduerek, bai aisialdiari loturiko ekintzek eta udalekuek desgaitasunen bat duten haurrak kanpoan uzten dituzte maiz, eta hain justu, jarduera horiek bereziki onuragarriak dira premia bereziak dituzten haurrentzat. Hala dio... [+]
Hezkuntza Sailak EITBri azaldu dioenez, ikastetxe bakoitzean izan beharreko baliabideak batzar teknikoetan negoziatu partez, mahai negoziatzailean landu beharko lituzkete. Bihar eta etzi greba egingo dute EAEko ikastetxe publikoetako irakasleek.
Seaska Sarean inklusio egoeran dauden 165 ikasleei laguntza bermatzeko hasi dute kanpaina, antolaketa propioa eratuta. Frantziako Hezkuntza Ministerioaren jarrera salatu dute kanpaina aurkezteko prentsaurrekoan, behar bereziak dituzten haurren inklusiorako baliabide... [+]
Hezkuntzari buruzko legediak, Ekonomia Lankidetza eta Garapenerako Erakundearen eta planetako jaun eta jabeen aginduei jarraituz, ikasleek ikasketa etapa bakoitzaren amaieran “irteera-profil” jakin bat izatea bilatzen du. Ez pentsa profila zerbait itxia eta bukatua... [+]
Non daude talka handienak eta zenbateraino dago gertu akordioa, EAEko hezkuntza publikoko irakasleentzat? Greba ziklo luzeari amaiera emateko sukalde lanaren eta gakoen inguruan mintzatu gara, STEILASeko bozeramaile Haizea Arbiderekin. “Grebak bertan behera utziko... [+]
Nolako esperientzia eta ondorioak izan dituzte iraganean bateratu ziren ikastetxeek? Zein berme eskatzen dituzte orain fusio fasean murgilduta daudenek? Bi ikastetxek bat egiteko prozesuan, aintzat hartu beharreko gakoak zein diren aletu ditugu, etorkizunean fusioen politikak... [+]
Astelehen arratsalde-gaueko negoziaketa bilera luzearen ostean aurreakordiorik lortu gabe, EAEko hezkuntza publikoko irakasleak grebara deituak izan dira berriz ere; urtea hasi denetik bosgarren greba eguna izan da asteartekoa. Lanuzteek %75eko jarraipena izan dutela adierazi... [+]
Gure Haurrak ere Badira ekimenak deituta, Israelek azken egunetan Gazan hildako gehienak haurrak direla salatu dute. Gobernuei eta erakundeei Israelekin harreman oro etetea ere exijitu diete, "genozidio honen aurka argi eta tinko" lerratu daitezen.
Hezkuntza Sailarekin hainbat aldiz bildu dira hezkuntzako sindikatuak irakasleen lan baldintzak negoziatzeko. Hitzarmena berritzea, baina, ez dute lortu, eta martxoko eta apirileko bost greba egunetarako deialdia egin diete irakasleei. Lehenengoa astearte honetan izango da.
Nafarroako Ikastolen Elkarteak lehendakari berria du. Oier Sanjurjok hartu dio lekukoa Elena Zabaleta Andresenari. Beste zazpi kide izanen ditu alboan Sanjurjok.
Hezkuntza eredu propioa "ezinbestean" independentziatik etorri behar dela adierazi dute, eta sistema propio hori "publikoa eta komunitarioa" izatea nahi dutela. Ikamak deituta, goizean zehar piketeak egin dituzte Euskal Herriko hainbat hezkuntza zentroetan.
EAJk, EH Bilduk eta PSE-EEk ekimen bat adostu dute Eusko Legebiltzarrean Hezkuntza Sailari eskatzeko Iradi software libreko hezkuntza plataforma hedatzen jarraitzeko. Zenbait ikastetxetan ezarri da Iradi orain arte. Baliabide partekatuak, komunikazio zerbitzuak (e-posta eta... [+]