Nafarroako Gobernuak, lehen aldiz, ofizialki ospatuko du Euskararen Nazioarteko Eguna
Euskararen aldeko adierazpen instituzionala egin du Nafarroako Gobernuak eta larunbaterako kultura ekitaldi ugari prestatu ditu.
Heldu den abenduaren 3an Euskararen Nazioarteko Eguna izanen denez, Nafarroako Gobernuak adierazpen instituzional hau onetsi du:
“Abenduaren 3a, Nafarroaren eguna, Euskararen eguna ere bada. Oroitzapen hori 1949an sustatu zuen Eusko Ikaskuntzak.
Hala bada, abenduaren 3an Nafarroak zer ospatu handia du. Foru Komunitatearen egunak eta haren berezko hizkuntzetako baten egunak bat egiten dute eta biak batzen dira. Izan ere, Nafarroaren historia euskararen historiari loturik doa, historian zehar nafar jendeak hizkuntza hori bere izan duela agertzen baita
Batze edo elkartze hori da Nafarroako Gobernuak euskararen irudia hobetzeko abiatu berri duen kanpainan sustatu nahi izan duen mezua: “Sin el euskera, Navarra no se entiende” / “Euskara gurea, denona”.
Aurten, abenduaren 3an, Nafarroako Gobernuak estreinako aldiz, Euskararen Nazioarteko Eguna ofizialki ospatuko du. Ospakizunak Nafarroako hiru hiritara zabalduko dira: Iruñera, Altsasura eta Tuterara.
Nafarroako Gobernuak berretsi nahi du euskararekin bai eta nafar gizarteari hizkuntza hori normaltasun osoz baliatzeko aukera ematearekin ere duen konpromisoa. Hala berean, berretsi nahi du gure hizkuntzen elkarbizitzarako gizarte adostasuna erdietsi beharra dugula, herritarren hizkuntza eskubideak bermatzea xedea dela.
Hori horrela, Nafarroako Gobernuak herritarrak Euskararen Nazioarteko Eguna ospatzera animatzen ditu, Nafarroaren Egunari gehitzen zaion eta oroitzapen hura aberasten duen ospakizuna izaki.”
Abenduaren 3an Altxatu taldea eta Oihan Vega Iruñean
Euskarabidea-Euskararen Nafar Institutuak Iruñeko Udalaren lankidetzarekin antolatu ditu hiru ekitaldi: Antoniutti parkean eginen dira. Txantxariak ikuskizuna, haurrentzako musika eta dantza emanaldia, 11:30etik 13:30era. Toki berean, iluntzean, Irunberriko Altxatu taldeak kontzertua eskainiko du, gazteei zuzendua, 20:30etik 22:00etara;
Gauean, 23:00etatik aurrera, Oihan Vega DJ ezagunak -jaialdi musikala eskainiko du Sarasate Pasealekuan.
Albiste hau Euskalerria Irratiak argitaratu du eta CC-by-sa lizentziari esker ekarri dugu ARGIAra
“Ez da posible hiri guztia zeharkatu behar izatea seme-alabak hemengo jatorriko hizkuntzan murgiltzeko” salatu dute guraso askok. Euskarazko plazak ere “oso urriak direla” salatu dute familia askoren artean eginiko bideoan.
Euskarari Puzka azken kanpainan 16.000 saski saldu dituzte, eta euskararen alde lan egiten duten elkarteentzat bideratuko zaie lortutako etekina.
“Ikae” edo “igae” bezala transkribitu ditu aurkituriko ikurrak Nafarroako Gobernuko Kultura Zuzendaritza Nagusiko ikertzaile taldeak. Duela 2.000 urteko "baskoierazko" idazkun bat izan daitekeela diote ikerleek, baina garai hartako hizkuntzei... [+]
Premiazko txostena eskatu dio Nafarroako Kontseiluari. Behin betiko onartzeko aurretiazko urratsa da, Nafarroako Justizia Auzitegi Nagusiak aurreko dekretuaren zati batzuk baliogabetu eta bost urtera.
Barañaingo EH Bilduk salatu du Barañaingo Udalak haur eskoletarako hezitzaileen deialdian euskarazko eta gaztelaniazko azterketak egun eta ordu berean jarri dituela, eta hala, hautagaiak hizkuntza bat aukeratzera behartzen dituela.
Euskaltzaleen Topaguneko kideek euskara sustatzeko jarreren inguruko datu kezkagarriak hauteman dituzte. Hori dela eta, Gero eta aldeko gehiago gizartean ikerketaren bidez, herritarrak euskarara hurbiltzeko estrategia berriak landu dituzte. Horretaz mintzatu dira, apirilean,... [+]
Hezkuntzak aurreikuspena zuzendu eta onartu du institutuak Zientzia, Humanitate eta Gizarte Zientzien Batxilergoko lehen mailan bi talde izaten jarraitzea.
Barañaingo Alaitz institutuko 26 ikasle batxilergoko zerrendatik kanpo gelditu dira, Nafarroako Hezkuntza Sailak gela bat murriztu duelako. Murrizketa salatzeko mobilizazioa egin dute.
Administrazioan Euskaraz taldeak Nafarroako Kontseiluaren jardun euskarafobikoa salatu du ekintza baten bidez. Nafarroako Gobernuak euskarako dekretua prestatzen bost urte eman ondoren, Nafarroako Kontseiluari zirriborroa aurkeztu dio.
Atzo eguerdian, Mañeruko herriko plazan egindako ekitaldian, diploma bana eman zieten zortzi eta hamabi urte arteko ibarreko 45 haur euskaldunei. Horretaz gain, Oskar Alegriak umeokin ondutako film laburra estreinatu zuten.