Nafarroako Gobernuak Kantauri-Mediterraneoko korridorean nahi du AHTa
Manu Aierdi Garapen Ekonomikoko presidenteordearen proiektua babestuko du Barkosek. ADIFek zor dituen 45 milioiak berreskuratzeko, auzi-errekurtsoa jarri dezake Nafarroako Gobernuak.
Espainiako Estatuaren konpetentzia izaki “ezer aurreratzea zail ikusten” duen arren, Nafarroako AHT sarea Kantauri-Menditerraneo korridorearen zati izatea nahia du Uxue Barkos Nafarroako presidenteak, euskal Y-arekin lotura izateaz gain. AHTa ezartzeko proiektuaren egungo egoeraren berri izateko batzordera deitu du PSNk, eta han egin ditu adierazpenok.
Hasiera batean Nafarroan 200 kilometroko sarea egitea aurreikusten bazen ere, azkenean Iruñea eta Castejon arteko 70 kilometroko zatia soilik sartu zuten proiektuan. Alabaina, hura ere egin gabe dago, Barkosek adierazi duenez: “Castejon eta Iruñearen artean ez dago ezer”. Presidentearen arabera, 2013an PPren Espainiako eta UPNren Nafarroako Gobernuek geldiarazi zituzten lanak, eta bere horretan diraute hiru urte geroago.
Barkosek azaldu duenez, “Nafarroak lanen kostuei aurre egitea ezinezkoa da”, eta ADIFek ez du diru gehiago jarri nahi. Hala, “proiektua egungo behar eta erronketara” egokitzeko asmoa adierazi du. Bide horretan, zehaztu du Manu Aierdi Garapen Ekonomikoko presidenteordearen proiektua babestuko duela: salgaiak eta bidaiariak nahasten ditu proiektuak. EH Bilduko Adolfo Araizek aurreratu du ezezkoa emango diola “dirua xahutzen duen trenari”.
Adifi kontu eske
AHTaren hasierako proiektua egiteko 80 milioi euro aurreratu zituen Nafarroako Gobernuak, eta 45 itzultzeko ditu Adifek. Hala, falta zaizkion milioiak berreskuratzeko asmoa agertu du Barkosek, eta adierazi du ez duela baztertzen administrazioarekiko auzi-errekurtso bat zabaltzeko aukera.
Espainiako Gobernuak txosten juridiko batzuei egozten die ordainketaren atzerapena, baina Barkosek ez du ontzat eman Madrilen azalpena: “Lehen zatia ordaintzeko arazorik ez zuten izan”. Hala, zehaztu du ekainaren 30ean Obra Publikoen eta Garraioaren zuzendari publikoak dirua itzultzeko exijitu zuela. Gauza bera eskatu du EH Bilduk ere: “Adif eta Espainiako Gobernua Nafarroari lapurretan ari zaizkio. Zor dizkiguten 45 milioi euroak itzultzea nahi dugu”.
AHT Geldituk Nafarroako Abiadura Handiko Trenaren obretan lan esklabotza egoerak daudela salatzen duen lekukotza eskandalagarria jaso ondoren, obra horiek sustatzen dituen Adif sozietateak publikoki erantzun behar izan du: "Gezurra dira".
Nafarroan eraikitzen ari den tren lasterraren langileak esklabotza egoeran ari direla salatu du AHT Gelditu elkarteak Iruñean emandako prentsaurrekoan.
Añana eta Trebiñuko kuadrilletako ordezkariek eta Arabako nekazari eta abeltzainek salatu dute "mespretxu instituzional izugarria" jasaten dutela AHTren lanak direla-eta. Denera bi miloi metro koadrotik gora "lur emankor" desjabetuko dituzte... [+]
Azken asteotan Castejón-Soria trenbidea berreskuratzeko eta Tuterako tren-geltokia gaur egun dagoen tokian mantentzeko edo, Nafarroako Erriberako hiriburuan Abiadura Handiko Trenaren ustezko geralekuak aitzakiatzat hartuta, hirigunetik kanpo beste bat egiteko... [+]
Frantziako Gobernuak Espainiakoari baieztatu dionez, Abiadura Handiko Trena ez da Hego Euskal Herrira iritsiko (Irungo loturara) gutxienez 2042 urtera arte. Ez dago Parisen lehentasunen artean.
Espainiako Garraio Jasangarrirako estatu idazkari José Antonio Santanok adierazi du Eusko Jaurlaritzaren helegite bat onartu dutela Ezkio-Itsasoko konexioari buruz, Aralarri "hainbeste" kalte egingo ez liokeena.
2024ko otsailean Astigarraga-Hernani tartea amaitu zutenean Abiadura Handiko Trena 2027an prest egongo zela aurreikusten zuen Eusko Jaurlaritzak. Orain Arkautiko lotunearen obren lizitazioari ekin dio Jaurlaritzak; Euskal Trenbide Sarea enpresaren esku utzi du, eta 2027an hasiko... [+]
Informaziorik helarazi gabe eta baimen eskaerarik gabe hasi dituzte Abiadura Handiko Trena eraikitzeko asmoz lehenago egin beharrak diren zundaketa lanak Otsobi kontzejuaren lurretan. Stop Zundaketak plataformak jakinarazi du egoera: "Izako Udalari edo Otsobiko kontzejuari... [+]
Lapurdi zeharkatuko lukeen AHT egitasmoa aitzina doala salatu du ingurumenaren alde dabiltzan elkarteen artean osaturiko CADE kolektiboak. Urriaren 12 eta 13rako jarri du hitzordua, Gironda eskualdean Lurraren Altxamenduak sareak antolaturiko protestari sostengua erakutsiz.
Oscar Puente Espainiako Garraio ministroaren esanetan, Nafarroarekin lotura egiteko aukerarik "onargarriena" Gasteizkoa da, Ezkio-Itsasoko ibilbideak "konplexutasun teknikoak" dituelako.
2017an Gaintxurizketan tunela zulatzen hasi zirenetik etengabeak izan dira AHTko obrek Renferen tren zerbitzuan eragindako murrizketak eta kalteak. Orain, Espainiako Garraio Ministerioak iragarri du udaran hainbat astez etenda egongo dela zerbitzu hori Hernani eta Irun artean... [+]