Nafarroako Gobernuak gaztelaniazko hedabideak bultzatzen ditu publizitate instituzionalarekin
2019an publizitate instituzionaleko gastuak zein hedabidetan egin dituen argitara eman du Nafarroako Gobernuak: Diario de Navarra eta Diario de Noticias dira Chiviteren Gobernuaren iragarkien onuradun nagusiak. Euskarazko hedabideek bide horretatik jasotzen duten dirua ere anekdotikoa da.
1,3 milioi euro baino gehiago gastatu ditu Nafarroako Gobernuak 2019. urtean hedabideetan egindako publizate instituzionalean. Kopuru horren %20 baino gehiago egunkari bakar baten kontu korrontera joan da, Diario de Navarra-ra –265.142 euro–. Herrialdeko beste gaztelaniazko egunkari nagusiak, Diario de Noticias-ek, 176.548 euro jaso ditu. Kopuru oso altuak dira, euskarazko egunkari bakarrak jasotzen duenaren aldean, izan ere, Berria-k 18.324 euro besterik ez zituen jaso iaz Foru Gobernuaren aldetik.
Irratietan ere, gaztelaniazkoen aldeko tendentzia nabarmena da. Ser katea da jaun eta jabe, emandegi guztien artean banatu diren 227.544 euroetatik ia 60.000 Prisa taldeko kateak jaso baititu. Atzetik ditu Cope eta Onda Cero kate eskuindarrak –41.394,35 eta 35.425,23 euro hurrenez hurren–. Eta, berriz ere, euskarazko lehenbiziko hedabidea aurkitzeko oso behera jaitsi behar da taulan: Iruñerriko Euskalerria Irratiak 9.000 euro baino zerbait gehiago jaso du publizitate instituzionalean eta Xorroxinek berriz 1.700 pasatxo.
Telebistak eta sarea: publizitate ia guztia erdaraz
Euskarazko hedabideak bigarren planoan uzteko joera ikusten da telebistetan ere: Navarra TV-ri eman dio Gobernuak publizitate instituzional gehien, 81.571 euro, Hamaika Telebistak –7.675,94 euro– edo Xaloak –6.310,56 euro– jasotakotik oso urrun.
Deigarria da hedabide digitaletako publizitatearekin gertatzen dena ere. Nafarroako Gobernuak emandako datuen arabera, sareko bi argitalpenetan jarri du publizitatea Foru Gobernuak: Diario de Navarra-ren webgunean ia 20.000 euro eta Diario de Noticias-enean 17.000 inguru. Kasu honetan, euskaraz diharduten hedabideen webguneak agertu ere ez dira egiten, nahiz eta bai eskualdeka, bai erkidego mailan gertatzen diren albisteen etengabeko jarraipena egiten duten.
ARGIA, zokoratuta
Iazko datuak dira Nafarroako Gobernuak eman dituenak, alegia, hedabide honek mendeurrena ospatu zuen urtekoak. Eta gaur egungo ARGIAren jatorria Iruñeko fraide kaputxinoek sorturiko Zeruko Argia aldizkarian dagoenez, hainbat ekitaldi egin ziren Hiri Buruzagian efemeridearekin bat eginez.
Mende oso batez Nafarroaren berri ematen ari den aldizkari honek, ordea, apenas jaso zuen iaz ere publizitate instituzionalik herrialde horretako gobernuaren partetik: 1.815 euro baino ez. “Aldizkari sektorialak” epigrafearen barruan agertzen da Gobernuak ARGIAn jarritako publizitate instituzionalaren kopurua. Irakurleak ideia bat egin ahal izateko, Nafarroako ostalarien elkartearen aldizkariak antzeko kopurua jaso zuen –1.626 euro–.
2023an ireki zuen Jaime Gómez-Obregon programatzaile espainiarrak Gobiernovasco.marketing tresna; Eusko Jaurlaritzak egindako publizitate kanpainen datuak modu ulergarrian azaltzeko, 2018-2022 urte tartekoak. Iazko datuak prozesatu ditu orain, eta berrikus... [+]
Euskal Herriko erakunde publikoek urtero milioiak banatzen dituzte hedabideen artean, instituzioen publizitatea zabaltzearen edo hedabideen ekimenak babestearen truke. Oro har, datu publiko horien gardentasun ezak zaildu egiten du argazki osoaren jabe egitea, baina zorionez,... [+]
Jaime Gómez-Obregón ingeniariak oso tresna baliagarria sortu du Jaurlaritzaren diru publikoaren erabileraz gehiago jakiteko. 2018tik 2022ra erakunde horrek hedabideen artean banatu dituen publizitate kanpaina guztien datuak prozesatu, aletu eta era ulergarrian... [+]
Hitzarmena iragarkien truke - hedabideen eta Austriako Estatuaren arteko menpekotasunak. Izenburu hori dauka Daniel Grabner ikerlariak (Austria, 1990) KriKoWi konferentzian egindako aurkezpenak. Bertan xehe azaldu du publizitate instituzionala nola banatzen den herrialde... [+]
Ia milioi erdi bat euro ordaindu zizkien gaztelania hutsez edo nagusiki hala diren hedabideei Donostiako Udalak publizitate instituzionalaren bidez, eta euskarazkoei, kontrara, 32.000 euro. El Diario Vasco eta Ser Irrati kateak diru-poltsaren ia erdia jaso dute, eta euskarazko... [+]
Administrazioan Euskaraz Taldeak salatu duenez, Iruñeko Udalak 2020. urtetik publizitate instituzionaletik kanpo utzi ditu euskarazko hedabideak, ez dutelako audientzia osoaren %10. Euskararen aldeko taldeak oroitarazi du 2016ko inkesta soziologikoaren arabera,... [+]
Zortzi milioi euro banatu zituen iaz Eusko Jaurlaritzak hedabideen artean publizitate instituzional eta edukien babesletza kontzeptuetan. Ondorio ugari atera daiteke. Bat: diru publikoz gehien subentzionatutako hedabideak Vocento taldekoak dira eta urtero milioika euro ematen... [+]
Zein dira publizitate bidez diru publiko gehien jasotzen duten hedabideak? Arabako Aldundiak publizitatea zein mediotan inbertitzen duen aztertu du Hala Bedik. El Correo de Álava da jaun eta jabe, publizitatearen %31,8a jasotzen baitu; nagusiki euskaraz aritzen diren... [+]
Publizitate instituzionalen eta babesletzen bidez, zein komunikabidek jasotzen du diru gehien eta zein dira bazterrean geratzen direnak? Zein dira banaketarako irizpideak? Gipuzkoako Aldundiaren kasua aztertu du ARGIAk, datu publikoak ematen hasi baita –bera da... [+]
Espainiako Gardentasun Kontseiluak zortzi ministeriori iragarkien datuak publiko egin behar dituztela exijitu ostean, salaketa jarri dute Auzitegi Nazionalean erabakia ez betetzeko.
Hedabide euskaldunak biltzen dituen Hekimen elkarteak bilera eskatu dio Gipuzkoako Foru Aldundiari, erakunde horrek iragarritako publizitate instituzionalaren beherakada aztertzeko. 2015eko aurrekontuarekin alderatuta, erdira jaitsiko du euskarazko hedabideetako publizitatea... [+]
Erakunde publikoek milaka euro bideratzen dituzte publizitate instituzionalera. Euskal Autonomia Erkidegoan, foru aldundiek eta Eusko Jaurlaritzak hainbat publizitate eta informazio ekintza mota bideratzen dituzte hedabideetara, hala nola, kanpainak, iragarki ofizialak eta... [+]