Nafarroako Gobernuak ezingo ditu berreskuratu Senda Vivan inbertitutako 79,4 milioi euro
2001ean ireki zenetik, Nafarroako Gobernuak ia 80 milioi euroko inbertsioa egin du Nafarroako jolas-parkean. Aurten beste 5,8 milioi jarriko ditu eta datorren urterako inbertsio berriak iragarri ditu.
Nafarroako Gobernuak beti esan du Senda Viva herrialderako proiektu estrategikoa zela eta horretarako inbertsio handiak egin izan ditu proiektu pribatu batek kudeatzen duen jolas-parkean. Rebeca Esnaola kultura sailburuak jakinarazi duenez, parkeak 60.000 bisita behar ditu urtero galerarik izan ez dezan.
Kontseilariak ez du zehaztu inbertsioak zertan egingo diren, baina argitu du batez ere esparru digitalean gauzatuko direla, horiek baitira gaur egun parkeen munduan egiten direnak, “erabiltzaileak unean uneko jardunean esperientzia emozional handienean murgildu daitezen”.
Diru publikoa, jabego pribatua
Nafarroako Kontuen Ganberak hilabete honetan bertan argitaratu du Senda Vivari buruzko txostena, EH Bilduk eskatuta. Horretan zehazten da 2001ean jolas-parkea ireki zenetik foru gobernuak 79,4 milioi euro jarri dituela eta parkea kudeatzen duen Parquenasa enpresaren egoera ikusita, zail ikusten duela gobernuak diru publiko hori berreskuratu ahal izatea.
Txostenean zehazten denez Parquenasaren sorreran Sodena sozietate publikoak eta lau kide pribatuk parte hartu zuten: Parque de Atracciones Turismo y Actividades lúdicas internacional S.L. (kapitalaren %25 izango luke), Grupo Corporativo Empresarial de la Caja de Ahorros y Monte de Piedad de Navarra (%15), Construcciones Sanzol S.A. (%10) eta Grupo La Información S.A. (%5).
Kontuen Ganberak esaten duenez, 2023an “parkea saltzeko aukera gutxi zegoela ikusita, Sodenak bere akzioak Arena kiroldegia eta Baluarte kudeatzen dituen Nicdo sozietate publikoaren esku uztea erabaki zuen. Sal-erosketa aurtengo urtarrilean gauzatu zen, prezio sinbolikoan: euro bat. Geroztik, Nicdok enpresaren %45 dauka, La Información-ek %25,71, Hiscan Patrimoniok %17,86 eta Pronaocio-k %17,86”.
Horren ondorioz, orain diru publikoa mailegu gisa beharrean, zuzeneko diru-laguntza gisa bideratzen da eta Kultura Departamentuak, aurten, 5,8 milioiko diru-laguntza du aurreikusia Parquenasari emateko.
Kontuen Ganbara oso kritiko ageri da Parquenasaren izaera juridikoarekin eta haren paradoxa azpimarratzen du: "Enpresa pribatua da, kide publikoa gutxiengoan dagoelako, baina diru-ekarpena egiten duen bakarra kide publikoa da”.
Eta jarraitzen du, “beraz, enpresa pribatuaren izaerari eusteak ez du zentzu handirik. Izan ere, etengabeko eta azpiegiturazko defizit handia du eta ez dago finantzaketa pribatua lortzeko modurik. Horregatik, Kontuen Ganberak Parquenasa enpresa publiko bihurtzea eskatzen du”.
Arriskuan dauden BSH, Sunsundegui, Nano Automotive, Siemens Gamesa, Tenerias Omega, Tasubinsa eta Volkswagen enpresetako langile batzordeek haien egonezina azaldu dute eta Nafarroako Gobernuari "benetan bermatzailea den legeria bat artikulatzea" eskatu diote.
Zedarriak Foroak Euskadi eta Europar Batasuna, oparotasunaren eta lehiakortasunaren patu partekatua txostena aurkeztu zuen urtarrilaren erdialdean. Bertan, EAErako gomendioak jasotzen dira, Draghik eta Lettak Europako Batasunerako aurkeztu dituzten txostenak erreferentziatzat... [+]
Trebea, burutsua eta iheskorra; olagarro arruntak, izenak hala adierazten ez badu ere, aparteko trebetasunak ditu. Itsas molusku zefalopodo haragijale honek txundituta gauzka, bere ezaugarri eta ahalmen bitxiekin. Ornogabe guztien artean adimentsuena da, besteak beste.
Mauleko Euskalduna ostatuak urteak daramatza Zuberoako etxe ekoizle txikien produktuekin lanean, eta hiriburuko ostatu parean eraikin bat erosi zutenean proposamena egin zien laborari horiei berei: zergatik ez ireki hurbileko ekoizleen saltokia bertan? “Motibatuta zegoen... [+]
Konturatu orduko, 119 arkume jaio dira etxean, eta hamahiru ardi baino ez zaizkigu gelditzen erditzeko. Aurrerakoak diren urruxak jada izendatuta dauzkagu; horrek, inplizituki, esan nahi du hiltegira eramango ditugunak zeintzuk diren badakigula. Bereizte ariketa horretan... [+]
Amparo Viñualesek, Erronkariko alkateak, salatu du Erronkariko, Burgiko, Gardeko eta Bidankozeko kontsultategiek arreta txikitu beharko dutenez prebentzioan eragingo duela.
Ibilgailu baten bidez, Ver.diren protesta batean zeuden manifestariak aurretik eraman ditu. Duela egun gutxi, supremazista zuri batek 11 pertsona erail zituen Suedian.
Gure lurraldeetan eta bizitzetan sortzen diren behar, desio eta ekimenen inguruan gero eta gehiago entzuten dugu harreman eta proiektu publiko-komunitarioak landu beharraz, eta pozgarria da benetan, merkaturik gabeko gizarte antolaketarako ezinbesteko eredua baita. Baina... [+]
Zuzendaritzak argudiatu du "ahalegin guztiak" egin arren, bezeroen eskaria "drastikoki" murriztu dela. Nafarroako industriaren defentsan igandean egingo den mobilizazioan parte hartuko du enpresaren komiteak.
Air Force One hegazkinean Super Bowl-erako bidaia aprobetxatu du Donald Trumpek, ezartzear dituen muga-zergen berri emateko. Eszenografiaren aldetik, bikain. Etxerako mezua da “lasai baino lasaiago nago ni; begira nora goazen... Estatubatuarrak ere lasai egon daitezke... [+]
Gasteizko protestak Trebiñu eta Araba elkarteek deitu dituzte, Tafallakoak Semilla y Belarra elkarteak eta Baionakoak 'Pirinio mendikateko laborariek’. Denek salatu dute Mercosur merkataritza akordioaren ondoriozko konpetentzia, eta erregaien zerga gehiegizkoak.
AEB inportatzen dituen altzairu eta aluminioari %25eko muga zergak ezarriko dizkiola iragarri du Donald Trumpek. Ez du zehaztu noiz sartuko den neurria indarrean.
Pilar Kaltzada Zedarriak taldeko kidea da. Urtarrilaren 15ean taldeak armagintza industria bultzatzeko hurrengo urteotan egongo den “aukera bikaina” aprobetxatzera deitu zuen, oihartzun handia izan zuen ekitaldi arranditsuan. Gasteizkoak talde antimilitaristaren... [+]
Otsailaren 6 honetan zenbatu dituzte departamenduko laborantza ganberarako bozak. Biarnoa eta Ipar Euskal Herria biltzen dituen departamenduan lehen indarra izaten segitzen du agroindustriaren sustatzailea den FDSEAk baina indarra galdu du: %54tik %46ra pasa da.
Izena duen oro bere izanaren jabe liburua plazaratu du LAB sindikatuko idazkaritza feministak, hainbat kide feministaren lekukotasunak oinarritzat harturik. "Genealogia edo glosario bat gauzatu dugu edo, agian, gauza biak batera dira edo baliteke ez izatea ez bata ez... [+]