1991n zauritu zuen larri ke pote batekin Espainiako Poliziak Iruñean eta 31 urte ondoren lortu du instituzio publiko baten aitortza biktima gisa. Espainiako Gobernuak ere kalte-ordaina ordaindu behar izan zion, baina ez da kasuagatik poliziarik zigortu.
Presoen sakabanaketaren aurkako manifestazio bat egiten ari zen Iruñean 1991ko abenduan eta haren aurka oldartu zen Espainiako Polizia Aduanako Zokoan, Iruñeko Alde Zaharrean. Polizia batek jaurtitako ke pote batek Mikel Iribarreni aurpegia txikitu zion 18 urte zituenean. Koman iritsi zen Nafarroako ospitalera eta bertan igaro behar izan zituen 459 egun. Gaur egun, eraso haren ondorioak jasaten ditu eta 2010ean betirako ezgaitasun osoa onartu zioten.
Kasu ezaguna egin zen Euskal Herri osoan eta bere izena urte luzez agertu izan da haren kasuari oihartzuna eman dioten hedabide apurretan, auzia ere urte luzez luzatu zelako. Zigor arloko bide judiziala 1994an iritsi zen bere amaierara eta Iribarrenek erantzukizun zibila eskatu zion orduan Espainiako Gobernuari; orduko Jaime Mayor Orejaren Barne Ministerioak uko egin zion. Espainiako Auzitegi Nazionalak, dena den, gobernua behartu zuen 60.000 euroko kalte-ordaintzera.
2003an, aldiz, Espainiako Auzitegi Gorenak bertan behera utzi zuen epai hori, argudiatuta gaztea bere borondatez zegoela manifestazioan eta, beraz, horrekin hartzen zuen arriskua bereganatu behar zuela; poliziak ke potea proportzioz jaurti zuela ebatzi zuen. Urte berean, Espainiako Auzitegi Konstituzionalak berretsi egin zuen gorenaren epaia.
Iribarrenek Europara jo zuen orduan eta 2009an Europako Giza Eskubideen Auzitegiak Espainiako Gobernua zigortu zuen auziagatik eta 170.000 euroko kalte-ordaina ezarri zion. Orain arte aipatutakoak bide judizialaren urrats nagusiak dira, emandako pauso zehatzagoak Naiz-ek bere garaian landutako kronologia honetan irakur daitezke.
Orain, azken boladan beste biktima batzuekin egiten ari den moduan, Nafarroako Gobernuko Ezagutza eta Erreparazio Batzordeak aztertu du Iribarrenen kasua eta polizia indarkeriaren biktima dela ondorioztatu du: “Poliziak ez zuen kontuan hartu zegoen heriotza arriskua eta ondoren ere ez zuen esku hartu ondorioak gutxitzeko”. Espainiako Gobernuak, dena den, Estrasburgoko Auzitegiaren zigorra onartu arren, ez du inoiz tiro egin zuen Espainiako Polizia identifikatu.
Duela bi urte, Marokotik Melillara igaro nahian ari ziren ehunka pertsonari eraso egin zieten polizia-indarrek, eta gutxienez 70 lagun erail zituzten, nahiz eta kopuru zehatza ez dagoen argi. Gertakarien inguruko ikerketa amaitutzat jo dute Marokon, iritzita ez dagoela... [+]
2021ean Pablo Hasel rap musikariaren atxiloketaren aurka Bartzelonan egon zen manifestazioetako batean parte hartu zuen neskak eta begia galdu zuen mossoek jaurtitako foam bala baten ondorioz. Epailearen ustez, neskak “ondorioak bereganatu beharko lituzke”, istiluak... [+]
Gizonezkoa kolpatu zuen ertzain agentea kargutik kendu dute kautelazko neurriekin, eta gertakariak ikertzen ari da Ertzaintzaren Barne Arazoetarako Unitatea. Une hartan han ziren polizia agenteen jarrera ere aztertzen ari dira.
Ostiral goizean sare sozialetan zabaldutako bideo batean ikus daiteke nola pertsona bat eztabaidan ari den udaltzain eta ertzain talde batekin. Une batean, ertzainetako batek zartako indartsu batekin lurrera bota du, eta ondoren, lurrean utzita joan dira. Bideoa Irungo San Migel... [+]
Istripu batetik ihes egin zuela aitzakiatzat hartuta, taberna batera sartu, lurrera bota eta buruz behera lotu zuten poliziek 53 urteko gizona. Zortzi minutuz izan zuten lurrean.
Plataformak salatu du indarra neurriz kanpo erabiltzen dela migratzaileen eta arrazializatuen aurka, eta saltzaile ibiltarien aurkako jazarpena etengabe egiten dela, batez ere turismo handiko garaietan, oporraldietan.
Manifestazioa egingo dute ostegun arratsaldean, 19:30ean,... [+]
Hainbat herritarri suzko arma batekin tiro egin ostean bi pertsona zauritu zituzten udaltzainek, horietako bat larri, pasa den martxoaren 21ean, Barakaldon. Tirokatuak kalean bizi ziren magrebtar jatorrikoak izatea ez dela kasualitatea dio 77 elkartek sinaturiko adierazpenak:... [+]
1993ko abuztuaren 20an Juan Calvo bilbotarra hil zen Arkautiko Ertzaintzaren komisarian, atxilo zegoela. 2023ko uztailean ARGIAk heriotzaren inguruko informazio eta datu berriak argitaratu zituen, agerian uzten zituztenak Calvok jasotako tratu txarrak zein Poliziaren gezurrak... [+]
Udaleko Segurtasun Sailak adierazi duenez, Arrontegiko zubiaren azpian izan da tiroketa, udaltzainak zulo bat estaltzera joan direnean.
Gasteizko Martxoaren 3ko manifestazioaren aurka oldartzean Ertzaintzak gomazko pilotak erabili zituela salatu zuten zenbait eragilek eta pertsonek sare sozialetan, argazkiz lagunduta. Salaketak ez zuen oihartzun handirik izan, baina egia balitz gertaera esanguratsu baten aurrean... [+]
Hogei urte bete dira ETA ez zion kartel bat jarri nahi ez zuelako Angel Berrueta hil zutenetik Espainiako polizia batek eta bere semeak. Iruñeko Donibane auzoan Berrueta omendu dute, eta justizia eta erreparazioa eskatu dituzte.
PSGren aurkako partidaren aurretik izandako karga polizialean zauritu zuten pilotakada batez emakumea.
PSE-EEko lehendakarigai Eneko Anduezari elkarrizketa egin diote Euskadi Irratian eta bere "konfiantza" adierazi dio Ertzaintzari azken asteotan eragin dituen karga eta zaurituen harira.