Nafarroako euskarazko hedabideentzako diru-laguntzen bilakaera penagarria
Abenduaren 16an, Euskararen Foru Legeak 25 urte bete ondorengo egunean, Topaguneak hitza hartu zuen Parlamentuan. Topagunearen Nafarroako arduradun Oskar Zapatak eta Bierrik Fundazioaren arduradun Ainhoa Urretagoienak egin zuten agerraldia Hezkuntza Batzordearen aurrean.
Topaguneak, Euskara Elkarteen Federazioak, Nafarroan hamasei euskara elkarte, sei aldizkari, sei irrati eta telebista bat biltzen ditu. 56 langile ari dira hedabide horietan lanean eta 500 kolaboratzaile eta boluntario dituzte. Ehun begirale-hezitzaile, 4.000 bazkide / laguntzaile eta 2.000.000 euro inguruko aurrekontua. Aldizkariak, gutxi-asko, 21.450 etxeetara iristen dira eta irratiek 125.000 entzule potentzial dituzte. Nafarroako Gobernuak 2012ko aurrekontuetan 0 euro aurreikusi ditu hedabideetan euskara sustatzeko. Azken urteotako albisterik txarrena da –okerrago ezin zitekeen izan–, baina ezin esan bestela ere eskuzabal ibili direnik azkenaldian. Bilakaera penagarria baino lotsagarria da:
-2003: 228.156 euro.
-2007: 210.430 euro.
-2008: 310.000 euro agindu eta 156.000 banatu.
-2009: 9.567 agindu eta batere banatu ez.
-2010: 170.000 euro.
-2011: 160.000 agindu eta gero beherapenak.
-2012: 0 euro.
Abenduaren 16an, Oskar Zapatak eta Ainhoa Urretagoienak, hedabide guztien izenean, hainbat eskaera zehatz egin zizkieten parlamentariei:
- 2012. urtean hedabideetan euskara sustatzeko 650.000 euroko partida izatea. %80 gutxienez banatu dadila euskara hutsez lan egiten duten hedabideen artean.
- Euskarazko hedabideetan Gobernuak publizitatea sartu dezala.
- 2102. urtean euskarazko kultur jarduerak sustatzeko 250.000 euroko partida. Oraingoz hamar euro daude aurreikusita.
- Neurri horiek izan daitezela lehenak euskarazko hedabideak eta erabilera sozio/kulturala sustatzeko lan egiten duten egoera egonkortzeko.
- Horretarako 2012. urtean Gobernuak jar ditzala mahai gainean egokiak diren markoak eta lankidetza hitzarmen egonkorren bidez jaso ditzala.
Oskar Zapatak eta Ainhoa Urretagoienak gogorarazi zuten 2012an gaztelaniaz emititzen duten hiru telebisten artean 2.450.000 euro banatuko dituztela. Euskarazko hedabideek, denek batera, urterik onenean 230.000 euro jaso dituzte eta ordezkari politikoek erremediorik jartzen ez badute, datorren urtean diru-laguntzarik ez dute jasoko euskarazko hedabideek.
Zapatak eta Urretagoienak Xaloa Telebistaren eta Euskalerria Irratiaren egoerak ere mahai gainean jarri zituzten. Telebistak ez dauka digitalean emititzeko baimenik eta beraz ez du diru-laguntzarik jasotzen. Irratia, berriz, ez da legala.
Gobernuak beti dauka aitzakiaren bat halako sarraskiak egiteko, aurten krisia. Alabaina, Topaguneko ordezkariek ozen esan zuten Parlamentuan: “Nafarroako euskal komunitatearen suntsipena bilatzen du hizkuntza politikan ematen duen urrats bakoitzean. Batzuetan makillatuaz, besteetan gordinki”.
Euskaraldiaren hamaikakoa aurkeztu dute Nafarroan: Julio Soto bertsolaria, Edurne Pena aktorea, Julen Goldarazena musikaria (Flakofonki), Claudia Rodriguez Goxuan Saltsan taldeko abeslaria, Eneko Garcia (Albina Stardust), Yasmine Khris Maansri itzultzaile eta kazetaria,... [+]
Euskalgintzak Senpereko Larraldea etxea faltan botako du. Uda gabe, Bertsularien lagunak, bertan gelditzen den azken elkarteak, lekuz aldatuko du eta etxea hetsiko dute. Euskararen, euskal kulturaren eta arteen ohantzea izan da Larraldea, urte luzetan Andoni Iturrioz mezenasak... [+]
Horra Libération egunkariak berriki argitaratu duen idazkia:
“Bayonne” bukatu da, Libérationek “Baiona” idatziko du
Hiri baten izenaren erabilpena ohiturazkoa delarik, egunkari batean izen horren erabilpena aldatzea zaila da. Alta, irakurleen... [+]
Gasteizen egin duten ekitaldian ireki dute izen ematea, laugarren edizioa hasteko bi hilabete falta direla. Erakundeetako ordezkariak, herritarrak eta entitateetako kideak agertu dira, besteak beste. Euskaraldiaren koordinazioa Euskal Herriko erakunde publikoen eta Taupa... [+]
Korrikaren "bihotza eta burua" erakutsiko ditu dokumentalak. Proiektua gauzatzeko, herritarren babesa "ezinbestekoa" izango dela adierazi dute AEK eta Mirokutana ekoiztetxeak, eta apirilaren 25era bitartean crowdfunding kanpaina bat abiatuko dute jalgihadi.eus... [+]
25 bat eragilek adierazi diete elkartasuna apirilaren 11n Baionako auzitegian epaituko dituzten Intza Gurrutxaga eta Gorka Torre Euskal Herrian Euskaraz taldeko kideei. Egun batzuk lehenago, apirilaren 6an Baionan eginen den manifestazioan parte hartzeko deia ere luzatu dute.
Martxoaren 10etik 26ra izango da udaberriko kanpaina. 'Beste modura, denona de onura' lelopean arituko dira gertuko ekoizpena, banaketa eta kontsumoa babestu eta sustatzeko, ager zonaldean euskara hauspotzen duten bitartean. Apirila amaieratik aurrera jasoko dira... [+]
Otsailaren 28an Hendaian eman dio hasiera kanpainari Herri Urratsek. Euskararen transmisioa bermatzen duen Seaska babestea da helburua.
Gukak “Bilbo erdalduntzen duen makina” ikusaraziko du kanpainaren bidez. 24 orduz martxan dagoen makina salatuko dute, eta berori “elikatu eta olioztatzen dutenek” ardurak hartzea eskatuko dute. Euskararen aldeko mekanismoak aktibatzea aldarrikatuko dute.
Hamahiru ZirHika kide batu dira hitanoaren erabilera aldarrikatzeko eta antolakundearen ekintzen berri emateko. Azalpenak Badihardugu elkarteko Idoia Etxeberria eta Galtzaundiko Uxoa Elustondok egin dituzte. Horiei, Andoni Egaña eta Amaia Agirre bertsolariak eta... [+]
Gabonetako argiak pizteko ekitaldia espainolez egin izanak, Irungo euskaldunak haserretzeaz harago, Aski Da! mugimendua abiatu zuen: herriko 40 elkarteren indarrak batuta, Irungo udal gobernuarekin bildu dira orain, alkatea eta Euskara zinegotzia tarteko, herriko eragileak... [+]
Donostiako Udalak 2024ko irailean helegitea jarri zuen, urte bereko urtarrilean epaileek bi udaltzainen B2 hizkuntza eskakizuna baliogabetu zutelako. EAEko Auzitegi Nagusiak helegitea ez du tramitera ere bideratuko, “kasaziorako interes objektiborik” ez dagoelako... [+]
"Etorkizuneko zubiak" eraikiz, azpimarratu dute "garai nahasi hauetan" euskararen aldeko aldarriak ozen entzun behar direla aurrerantzean: "Bada garaia euskarari dagokion tratamendua, lekua, emateko".
Antolatzaileek Biltzar Nagusian harturiko erabakia da: aurten ez dute Lapurtarren Biltzarrik antolatuko Uztaritzen. Motibazio eskasa da erabakiaren oinarrian dagoen arrazoia.