Nafarroako euskararen dekretua aldatzea eskatzeko kanpaina abiatu du Kontseiluak
Nafarroako Gobernuak administrazio publikoko lanpostuetan hizkuntza irizpideak zehazteko egindako dekretuaren zirriborroa aldatzea eskatu eta "nafar guztien eskubideak kontuan hartzeko" kanpaina jarri du abian Euskalgintzaren Kontseiluak.
Urtarrilean Maria Chiviteren gobernuak aurkeztutako euskararen dekretuaren zirriborroa, administrazio publikoko lanpostuetan hizkuntza irizpideak zehazten dituen araua, "atzerapauso onartezintzat" baloratu zuen Euskalgintzaren Kontseiluak. Hala, dekretu hori aldatu eta herritar "guztien" hizkuntza eskubideak berma daitezen eskatzeko kanpaina abiatu du orain, datozen hilabeteetan luzatuko dena Herritarrak ez gutxietsi, eskubideak guztiontzat lelopean.
Kontseiluaren arabera zirriborroak aurrera eginez gero "ia ezinezkoa izanen da herritarrok zerbitzuak euskaraz jasotzea". Adibide batzuk eman ditu hori ikusarazteko: "Jendaurreko lanpostuetan lehen baino gutxiago baloratuko da euskararen ezagutza, %20tik %10era murriztuz, auzitegiek kontrakoa onartu zuten arren".
Beste adibide bat: eremu mistoan administrazio publikoetako lanpostuetan euskararen ezagutzaren balorazioa erabat desagertzen da: lehen %3 zen, orain "ezertxo ere ez". Areago, zenbait kasutan –eremu ez euskaldunean kasu guztietan– atzerriko hizkuntzak jakiteagatik puntuak lortuko dituzte lanposturako hautagaiek, baina euskara jakiteagatik ezer ere ez.
Kontseilua "konbentzituta" dago dekretua aldatu daitekeela eta kanpainaren bidez herritarrek dituzten eskubideak eta ongizatea gizarteratu nahi ditu lehenik. Eragile sindikal eta sozialekin bilduko dela iragarri du eta aztertzen ari da mobilizazio bat ere antolatzea bere aldarrikapenak kalera eramateko.
Alesbesen euskarazko kartelak zentsuratu dituztela salatu dute
Alesbesko Udalak (Navarra Suma) euskaraz eta gaztelaniaz zeuden kartel batzuk "zentsuratu" dituela salatu du Udaleko Emakume eta Berdintasun saila daraman Ezkerreko Alderdi Independenteak. Azaldu duenez, alkateak jakinarazi die ezin dituztela kartelak elebitan egin Udalaren izenean, "Alesbes eremu ez euskaldunean dagoelako".
Alderdi horren esanetan, legeak ez die derrigortzen kartelak euskaraz jartzera, baina "ez dago hori eragozten duen ezer ere". Hala, "autoritarismoaren eta euskararen kontrako gorrotoaren beste erakustadi baten aurrean" gaudela salatu du.
ELA, LAB eta Kontseiluak elkarretaratzea egin dute, Administrazioarekiko Auzietarako epaitegi batek Kabia organismoari emandako ebazpenaren aurka protestatzeko. Euskara maila bermatzeko ahalegina “hutsaren hurrengoa” bilakatzeko arriskua dagoela salatu dute.
Donostiako Decathlon saltoki handiak errotulazioak euskaraz ez dauzkalako kexa jarri du kontsumitzaile batek Behatokian. Saltokiaren erantzuna (gaztelaniaz) esanguratsua da: Erkidegoko legeak ez du jasotzen inongo inposiziorik karteldegia euskaraz jartzeari buruz. Alegia, lege... [+]
Kabia organismoaren zaharren egoitzetan 54 plaza egonkortzeko 2022an onartutako lan-eskaintza bertan behera utzi du Donostiako epaile Gonzalo Pérez Sanzek. Gipuzkoako Aldundiaren erakundeak jarritako hizkuntza eskakizuna gehiegizkoa eta baztertzailea dela dio epaileak.
6.000 eurotik 10.000 eurorainokoak izango dira zigorrak. Katalana da Andorrako hizkuntza ofizial bakarra, nahiz eta biztanleen erdiaren ama hizkuntza gaztelania den.
Eusko Legebiltzarrera heldu da gaia, eta pobrea izan da Eusko Jaurlaritzaren erantzuna. Osakidetzak medikuak falta dituen arren, apenas handitu diren Medikuntza ikasteko plazak EHUn. Gainera, karrera euskaraz ikasteko plaza gutxiago eskaintzen dituzte espainolez baino, nahiz eta... [+]
Premiazko txostena eskatu dio Nafarroako Kontseiluari. Behin betiko onartzeko aurretiazko urratsa da, Nafarroako Justizia Auzitegi Nagusiak aurreko dekretuaren zati batzuk baliogabetu eta bost urtera.
Justizian, osasungintzan eta gizarte zerbitzuetan euskara bermatu dadin, zerbitzu publikoak euskaraz jaso ahal izan daitezen, Nafarroako zonifikazioa amaitu dadin eta ETB3 Nafarroa osoan ikus dadin neurriak hartzeko eskatu dio Espainiako Gobernuari Europako Kontseiluko Adituen... [+]
Filosofiako laugarren mailan, EHUn, nahitaez ikasgairen bat gaztelaniaz hautatu behar dute ikasleek, ez baitago nahikoa ikasgai euskaraz. Gaztelaniazko ikasleek ez dute arazo hori, eta bitxia da, euskarazko ikasle gehiago dagoelako gaztelaniazkoak baino. Beste karrera batzuetan... [+]
Irailaren 18koa da azken sententzia: Donostiako udaltzaingorako lanpostu deialdiaren euskara eskakizuna atzera bota du EAEko Justizia Auzitegi Nagusiak. Euskalgintzaren Kontseiluak eta Donostiako Bagera Euskaltzaleen elkarteak elkarretaratzea deitu dute Donostian, Alderdi... [+]
Herritarrak eskatzen du seinaleak euskaraz jartzeko. Gobernuak erantzuten dio legeak ez duela horretara behartzen. Behatokiak erantzuten dio, legeak ez badu derrigortzen ere, euskaraz jartzeko debekurik ez duela. Gobernuak bereari eusten dio. Alabaina, herritarrak tematzen dira... [+]
Sarean lan egiteko elkar entzutea eta errespetatzea “nahitaezkoa” da Aitor Bedialaunetarentzat (Ondarroa, Bizkaia, 1991). Euskal Gorrak, Pertsona Gorren Elkarteen Euskal Federazioko presidentea zeinu hizkuntzaren kalitatea zaintzearen garrantziaz mintzatu da. Salatu... [+]
Euskaraz deklaratzea ukatu dio epaileak, eta erabaki du ez parte hartzea bere aurkako epaiketan. Auzitegi kanpoan babesa ematera joandako hamarnaka euskaltzaleren aurrean desobedientziarako deia egin du Torrek. Guztira 3.268 euro ordaintzera zigortu dute.
2021ean EAEko udaltzain laguntzaileentzako lan-poltsa bateratua osatu zuten. EAEko Auzitegi Nagusiak atzera bota du orduan ezarritako hizkuntza eskakizuna, B2 maila, alegia. Hizkuntza eskakizuna “neurrigabea” dela argudiatu du. Kontseiluak adierazi du EAEko udaltzain... [+]