Nafarroako ‘etxebizitzaren aldeko legea’ bertan behera utzi du Konstituzionalak
Espainiako Auzitegi Konstituzionalak eten du Nafarroako Parlamentuak etxebizitzaren alde ekainean onartutako 24/2013 legea. Espainiako Exekutiboak urrian aurkeztu zuen legearen kontrako helegitea; izan ere, haren ustetan, etxebizitza eskubidea Madrilen eskumena da, eta ez tokian tokiko administrazioena.
Orain, Konstituzionalak tramitera onartu du helegitea. Ondorioz, Nafarroak bi aste edukiko ditu etxebizitza haren eskumena ere badela defendatu, eta, beraz, legeak balioa duela aldarrikatzeko. Auzitegi Konstituzionalak, aldiz, bost hilabeteko epea dauka, behin betiko erabakia hartzeko. Auzia irekita egon bitartean, legea ez da indarrean egongo.
“Kaleratzeen kontrako legea” izendatu zuten alderdi bultzatzaileek –Bildu, Geroa Bai, I-E, Aralar-NaBai eta PSN–. Finean, etxegabetze-aginduen aurrean jokatzeko irizpideak eta bizitoki hutsekin zer egin finkatzen du.
Hiru arlo nagusi arautzen ditu: lehenik eta behin, bankuei bahitzen dizkie kaleratze arriskuan dauden familien etxeak, eta etxekoek bertan bizitzen jarraitzeko hiru urteko epea dutela ziurtatzen du; bigarrenik, denbora tarte horretan ordaindu beharreko alokairua familiaren errentaren %25 izango dela zehazten du; hirugarrenik, hutsik dauden bizilekuen errolda egin, eta hiri-zergak igotzen dizkie jabeei.
Nafarroako PPk eta UPNk legearen kontra bozkatu zuten. Horregatik, Madriletik ari da PP orain baliogabetu nahian. Espainiako Gobernuaren ustetan, herritarrak “diskriminatu” egiten ditu, bankuei etxebitzak bahitzerakoan.
Nafarroako PAH, legearekin arduratuta
Nafarroako etxebizitzaren aldeko legea “ona” dela aldarrikatu du PAHk. Hala ere, Nafarroako Gobernuari legea “ipurdia garbitzeko” erabiltzea leporatu dio; praktikan ez jartzea, alegia.
Konstituzionalak Espainiako Gobernuaren helegitea onartzea kritikatu du Plataformak: “Bankuak inporta zaizkie, ez pertsonak”.
Azaroan, mobilizazioak deitu ditu 24/2013 legearen egoera salatzeko. 21ean, elkarretaratzeak antolatu ditu bankuen aurrean eta 30ean “etxebizitzaren aldeko festa” ospatuko du. Gainera, bi pisu okupatu ditu Sanduzelain, premian dauden familiei laguntzeko, eta etxebizitza politika “hobea” aldarrikatzeko.
Etxera itzuli ahal izan diren arren, joan den azaroan kaleratu zuten Astrabuduko familia berriz ere arriskuan dago. Uribe Kostako Etxebizitza Sindikatuak salatu du mailegu-enpresa berriz ere saiatzen ari dela kanporatzea gauzatzen, oraingoan, desokupazio-enpresa bat... [+]
Azken egunak garrantzi handikoak izan dira Bartzelonan, etxebizitzaren aldeko mugimenduarentzat eta espekulatzaileen aurkako borrokarentzat. Urtarrilaren 28an, polizia-armada batek Raval auzoko Massana Zaharrari [zentro sozial okupatua] eraso egin zion goizaldean, aurrez abisatu... [+]
Lau urte eta erdira arteko kartzela-zigorrak eta 25.000 eurorainoko isunak eskatzen dituzte auzipetuentzat. Duela lau urte, etxe-kaleratze bat gelditzen saiatu ziren Herrandarren kalean.
70 urteko emakume bat eta bere biloba bota zituzten euren etxetik, baina hura bereganatu dute berriz. Etxea defendatzeko konpromisoa azaldu du Uribe Kostako Etxebizitza Sindikatu Sozialistak.
Genero-indarkeriaren biktima den emakume bat eta haren bost seme-alabak, horietatik hiru hemezortzi urte beherakoak, etxetik bota nahi izan dituzte ostegunean. Erabakia aurrera eramateko baldintzarik ez zegoela argudiatuta ez dute kaleratzea burutu, baina beste data bat... [+]
Etxebizitza Sindikatu Sozialistak azaldu duenez, gizarte-zerbitzuek ez dute bestelako aukerarik eskaini, kaltetuak eskaera bat baino gehiago egin badu ere. “Legearen, erasotzailearen eta erakundeen aurrean” emakume horrek pairatzen duen erabateko babesgabetasuna... [+]
Ekainaren 5ean bota zituzten Desokupacyl enpresako bi matoi Sorazuletik, eta bi pertsona identifikatu zituen Poliziak. Urtarrilaren 29an deklaratu beharko du haietako batek.
Auzoko familia bat etxea galtzeko arriskuan dagoela salatu du Berriozarreko Hipotekak Kaltetuen plataformak, hipoteka 600 eurotik 1.150 eurora igo eta gero. Familiarentzako irtenbide bat eskatu du plataformak.
Burlatan, Nafarroan, bi familia euren etxeetatik kaleratuak izateko arriskuan daude. Iruñerriko Etxebizitza Sindikatu Sozialistak azaldu duenez, familia bat putre-funts batek bota nahi du, alokairu kontratua berritzea ukatu diolako; beste familia, berriz, etxejabeak bota... [+]
Palestinatik aberriratu eta urtebetera, Espainiako Gobernuak jakinarazi du familien harrera programa ez duela gehiago finantzatuko eta aterpetxe eta hostaletako egonaldia abenduaren 31n etengo diela. Urtarriletik aurrera Gasteizko Udalak Gazako bost familien ostatuaren gastuak... [+]
Lau hilabeteko eta lau urteko bi ume dituen familia bat etxetik bota dute astelehen goizean Bilbon. AZET Etxebizitza Sindikatua azken egunotan etxegabetzea bide judizialetik geldiarazten saiatu bada ere, astelehen goizean bota ditu poliziak etxetik. Manifestazioa deitu dute... [+]
Polizia etxegabetzea geratu nahi zituzten herritarren aurka oldartu da eta hainbat lagun zauritu ditu. Azkenean, etxegabetzea atzeratu duela jakinarazi du epaitegiak.
Enplegua izanik ere hipoteka ordaindu ezin dutelako Laboral Kutxak etxegabetuko dituela salatu du Auzoan Bizik. Ostegun goizean "erresistentzia” egitera deitu du etxebizitza sareak.
Mailegu enpresa batek emakumeari "iruzur" egin diola salatu du Uribe Kostako Etxebizitza Sindikatu Sozialistak, eta mobilizatzeko deia egin du Astrabuduako etxegabetzea gelditzeko. 10:30ean agertu dira segizio judiziala eta Ertzaintza etxegabetzea gauzatzeko,... [+]