“Nafarroako Erriberako nekazarien ekoizpenaren %99 Europako iparraldera doa”
Hori da Sustrai Erakuntza elkarteak adierazten duena, larunbat eguerdirako Makroetxaldeen aurkako Nafarroako Plataformak eta hainbat taldek antolatu duten manifestazioaren atarian. Sarasate Pasealekutik abiatuko da 12:00etan, Stop agro-abeltzaintza industrialari. Elikadura burujabetza orain goiburupean.
Gizarte mugimenduek azaroan antolatu duten Klimaren aldeko Gailur Alternatiboaren barruan egindako beste ekitaldietako bat da honakoa. Antolatzaileen iritziz, ongi da produkzio eta kontsumo sistema alternatiboak sortzea, baina aldi berean kalera ere atera behar da: “Ezinbestekoa da eredu jasangarriago bateranzko trantsizioa diseinatzea, agroekologia, dibertsifikazioa eta desintentsifikazioa jorratuz, lurrarekiko atxikimendua duen abeltzaintza eredu estentsiboa landuz”. Horretarako errotiko aldaketak eta egiazko politika publikoak behar direla berresten dute, ingurunea zaintzen duten eta Nafarroa osorako elikagai osasungarriak produzitzen dituzten sistemak sortzeko: “Eskatu behar dugu instituzioek ez aritzea agroindustriaren botere ekonomikoaren menpe”.
Historikoki –azaltzen du Sustrai Erakuntzak– nekazal guneetako nekazaritza eta abeltzaintza sistema dibertsifikatuek elikagai aukera handi batez hornitu izan du herrialdea. Egun, ordea, Nafarroako lurren %75a ganaduarentzako alea eta bazka produzitzeko monokultiboak dira. Lurren %25a bakarrik dago giza-elikadurara bideratuta. Eta datu esanguratsua ere jaurti du: Erriberako nekazari ekoizpenaren %99 Europako iparraldera doa.
Produkzio industrial eta intentsibo hori, halaber, erregai fosilen oso menpe dagoela azpimarratzen dute, baita ongarri kimiko eta pestiziden menpe ere. Darabilten datuen arabera, “azken hauen kontsumoa 2009 eta 2019 artean bikoiztu zen Nafarroan, Europatik 2030rako murriztu behar ditugula esaten ari zaizkigun bitartean”.
Horren ondorioz, lurrak eta ura kutsatzen ari dira. Nafarroako zonalde zenbait Nitratoz Kutsatutako Zonalde Kaltebera bezala aitortu dituzte, eta kutsatutako lur azalerak handitzen jarraitzen du, elkarteak azaldu duenez: zehazki 2016-2019 urte artean %76ko hazkunde izan dute eta 2012-2015 urte artean %317a, Europako txosten batek berriki aditzera eman duenez. Sustrai Erakuntzaren iritziz, “arriskuak areagotzen diren arren, etxalde eta industria-hondakin organikoen biometanizazio zentro berrietarako baimenak ematen jarraitzen dute, honakoak adibidez: Biomendi, HNT Biogás eta Kabanillasen tramitean dagoen beste bat”.
Sustrai Erakuntza hainbat proiekturen aurkako alegazioak aurkezten ari da azken hilabeteetan. Haien webgunean ikus daiteke zeintzuren aurka egin duen eta nahi duenak alegazioak nola egin ditzakeen ere azaltzen dute.
Abenduaren 16an Mendigorriako Biomendi txerri granja eta biometanizazio instalakuntzan elkarretaratzea egin du Nafarroako Makroetxaldeen Aurkako Plataformak. Bertan salatu du Biomendin 2022an 80.000 tona hondakin industrial-organiko tratatu zituztela, soilik 33.000 tonarentzako... [+]
Noaingo Zentzumenen parkean egingo da. Nafarroako elikagai ekologikoen merkatu handiena da; gune gastronomikoa, jarduerak, haurrentzako gunea eta gehiago eskainiko dute.
Ukrainako gerra egonda ere, Errusia eta Ukrainako Gobernuek hitzartuta zeukaten laboreen esportazioa ahalbidetuko zutela, 2022ko uztailetik. Astelehenean Vladimir Putinek erabaki du ez luzatzea, arrazoituta NBE ez zela betetzen ari adostutakoa.
Etorkizuna dirudiena gertatzear da: Donostian, Zubietako Eskusaitzeta industrialdean, haragi sintetikoen fabrika bat eraikitzen ari da BioTech Foods enpresa. Munduko laugarren laborategia izango da Eskusaitzetakoa, oraindik Europan salmenta debekatuta dagoen bitartean. Zelula... [+]
Eskusaitzeta industriagunean BioTech Foods enpresa eraikitzen ari den haragi sintetikoen laborategi erraldoiaren aurrean elkarretaratzea egin du EHNE sindikatuak, makroproiektua salatzeko. Garikoitz Nazabal EHNEko lehendakariak salatu du “isiltasunean eta gezurrean”... [+]
Gaubean ireki berri duten makro-negutegian lan baldintza "basatiak" salatu dituzte, eta kontratazio politikan hitzemandakoa ez betetzea. Arabako Alea-k tomate hidroponikoen plantan lan egin duten hainbat langilerekin hitz egin du.
Elikagaiak alferrik galtzea prebenitzeko legea eztabaidatuko dute Espainiako Diputatuen Kongresuan. Besteak beste, jatetxeak behartuta egongo dira bezeroei ematera jaten ez dituzten elikagaiak, eta zigorra jaso dezakete zerbitzu hori eskaini ezean.
2020-2022 urteen artean mundu osoko hamabost herrialdetako formula-esneen oharrak aztertuta, ondorioztatu dute baieztapen gehienek ez dutela hura babesten duen erreferentzia zientifikorik, eta, badutenetan ere, ez dela nahikoa sendoa.
Abenduan egin zuen eskaera Nafarroako kooperatibak, Espainiako Ministroen Kontseiluak behi-etxaldeei buruzko dekretu berria atera baino ia hilabete lehenago. Nafarroako Gobernuak, dena den, datorren maiatzera arte etxaldeak ez handitzeko moratoria onartuta du joan den... [+]
Aurreikusitakoa baino gutxiago jaitsi da Kontsumorako Prezioen Indizea Hego Euskal Herrian: %10,5ekoa izan da abuztuan eta bizitzaren garestitzeak ez du etenik. Haragia, ogia, zerealak, esnea, gazta eta arrautzak bereziki garestitu dira.
Diru publikotik 1,1 milioi euro jaso dituen proiektuak hainbat aldaketa garrantzitsu izan dituela eta, jasotako diru-laguntzak itzuli beharko lituzkeela ziurtatu du Elikadura Iraunkorraren Aldeko Mugimenduak.
Gozoki gogorrak ekoizten eta produktu berriak egiteko esperimentatzen bi urte eman eta gero, 1922an, Hans Riegel gozogin alemaniarrak gozoki bigunak egitea lortu zuen.
Pandemiak iraun duen bi urteotan, beste 573 mega-aberatsek milaka milioi euroko fortuna egin dute munduan. Alegia, 30 orduro, pertsona aberats batek gainditu du mila milioi euroko langa esanguratsua. Aldiz, urtea amaitzerako 263 milioi pertsona gehiago biziko da muturreko... [+]
Hilaren 30ean ingurumenaren defentsan aritzen diren Nafarroako hamalau elkartek Caparrosoko Valle de Odieta makroetxaldearen adiskidetze deialdira joan beharko dute, enpresaren esanetan aipatu taldeek behitegiaren irudia iraindu eta kaltetu dutelako.