Nafarroako biztanleen erdiak baino gehiagok ohitura ez-aktiboak ditu aisialdian
Biztanleria aktibatzeko asmoz, egunerokoan jarduera fisikoak egiteko aholkuak eman ditu Osasunbideak.
Osasun komunitarioaren behatokiaren arabera, Nafarroako biztanleen erdiak baino gehiagok ohitura ez-aktiboak ditu aisialdian. Horrez gain, hamabost urtetik gorako Nafarroako biztanleen %31 inguruk ez du jarduera fisikorik egiten aisialdian eta, eta %24 inguruk jardueraren bat egiten du noizean behin.
Osasunbidearen arabera, mugitzea “oso aberasgarria” da, hala nola ongizate emozionala eta mentala zaintzen laguntzen duelako eta loa hobetzen duelako; sozializatzeko aukerak eskaintzen ditu, bizkortasunari eta “pisu egokiari” eusten laguntzen dio; pertsonen autonomia bultzatzen du eta hainbat gaitz prebenitzen ditu. Horregatik, biztanleria aktibatzeko asmoz, egunerokoan kirola egiteko aholkuak eman ditu Osasunbideak.
Lehenik, joan-etorriak oinez edo bizikletaz egitea; eskailerak erabiltzea, autoa erabiliz gero urrun uztea autoa edo garraio publikoan geltoki bat lehenago jaistea eta erosketa oinez egitea gomendatu du Osasunbideak. Maria Labairu autoan joan ohi da lanera, eta haren ustez, ez da “horren erraza” gomendioak jarraitzea: “Gaur egungo sistema kapitalistan oso zaila da gauza horietarako denbora ateratzea, dena lanera bideratuta dagoelako. Goizeko bostetan jaikitzen banaiz lanera joateko, ezin naiz ibili ordularia gehiago aurreratzen autoa urrun uzteko”.
Bigarrenik, etxean mugitzeko gomendioak eman ditu, hala nola etxeko lanak egin bitartean mugitzea; ariketak egitea eskuekin edota hankekin telesail bat ikusi bitartean; paseatzea eta iragarkiak probestea altxatzeko eta mugitzeko. Mikel Martikorenaren arabera horrelako ariketek “ahalik eta produktiboen” izatea bilatzen dute: “Nik egin izan dut kirola telesail bat ikusten dudan bitartean, baina ez naiz ongi sentitzen ez diodalako neure buruari permititzen lasai egoten”.
Azkenik, aisialdian gehiago mugitzeko aire zabalean jarduera fisikoa egitea; oinez ibiltzeko, mendira joateko edo kultur jarduerak egiteko planak egitea eta hiriko edota etxeko baratzea zaintzea gomendatu dute.
Aisialdian gehiago mugitzeko aire zabalean jarduera fisikoa egitea; oinez ibiltzeko, mendira joateko edo kultur jarduerak egiteko planak egitea eta hiriko edota etxeko baratzea zaintzea gomendatu dute
Zortzi orduz eserita
Osasun Komunitarioaren Behatokiaren arabera, hamar pertsonatik lauk eserita ematen dute lanaldiaren zatirik handiena. Horren adibidea da, Marta Garcia. Bulego batean egiten du lan eta lanaldi osoa dauka. Ia zortzi orduz eserita egoten denez, tarteka aulkitik altxa eta luzapen batzuk egiten saiatzen da. Hala ere, eserita ez egotea “oso zaila” dela uste du: “Batzuetan sentsazioa daukat egun osoa pasatzen dudala eserita”.
Bulegoan ez dagoenean, alde batetik bestera autoan edo autobusean mugitzen da; hala ere, haurrekin oinez edo bizikletan mugitzen saiatzen da: “Oso txikiak zirenean zailagoa zen, baina geroz eta errazagoa da”. Gaineratu du "on handia" egiten diola ariketa pixka bat egiteak: “Askotan ikusten dut bizikleta hartzen dudan egunetan, bidea motza izan arren, lasaiago ibiltzen naizela eta deskonektatzen laguntzen didala”.
Kexak eta esker onak paretsu mantendu dira, baina erreklamazioetan bada aldea. Esaterako, aurtengo ekaina iazkoarekin alderatuta, ia %30 igo dira erreklamazioak.
Aste honetan zehar egongo da AEBko auditoria Gurutzetako ospitalean; bere estandarrak betetzen dituzten osasun-zentroei akreditazioa ematen die. Osakidetzak 106.843 euro gastatu ditu bere aurrean itxurak egiteko.
Sexologian eta zoru pelbikoan aditua den Juncal Alzugaray Zurimendi fisioak zenbait gako eman ditu klimaterioa eta menopausia hobeto ulertzeko.
Silizearen hautsak sorturiko gaitz eta biriketako minbizi kasuek ez dute etenik azken urteetan. Australian, Ingalaterran edo Espainiako Estatuan alarmak piztu dira, eta kristal-silizea duten kuartzozko sukalderako mahaiak egitea debekatzeko urratsak ematen hasi dira.
Eurostaten arabera, 2013tik 2021era bitartean, 13.530 kasu erregistratu zituzten Europar Batasunean. Teorian 2005ean debekatu zuten amiantoaren erabilera, baina mesoteliomaren sintomak ez dira agertzen hamarkada asko igaro arte. Amiantoagatik 700 pertsona baino gehiago hil dira... [+]
Igeriketa, patinetean ibiltzea eta irakurtzea gustuko ditu Leire Manzanares Etxeberriak (Donostia, 2005). Garapenaren nahasmendua dauka eta Zereginak Ikasteko Gelan (ZIG) dago. Gurasoekin batera informazioa bilatzen aritu da ikasten jarraitzeko aukerak aztertzeko, baina oztopoz... [+]
Anbulantzien zerbitzua enpresa batetik bestera aldatzeak ez duela egiturazko arazoa konponduko eta “orain arteko pribatizazioaren bidean atzera egin eta anbulantzia zerbitzuaren publifikazioari” ekiteko eskatu diote langileek Eusko Jaurlaritzari, LABek antolaturiko... [+]
Pasaiako Portuko Agintaritza eta Algeposa taldea lan arriskuen babesa ez bermatzeagatik kondenatuak izan direla adierazi du Amiantoaren Biktimen Euskal Elkarte ASVIAMEk. Osakidetzak laneko gaixotasunak ezkutatu izana salatu dute.
Garbiñe Larreak Kosmetikoak sendabelarrekin liburua argitaratu berri du ARGIArekin. "Egin ezazu zuk zeuk" filosofia kosmetikoen mundura ekarrita, egunerokoan behar diren produktuak egiteko liburu teoriko-praktikoa da. Eskuragarri dago azoka.argia.eus webgunean.
Alfonso Setiey Anitzak elkarteko lehendakariak esan du langile eta informazio falta dagoela, itxaron zerrenda “luzea” dela eta estigmatizazio “handia” dagoela.
Irakasleei oinarrizko yoga formazioa eman, gero gelan ikasleekin aplikatu dezaten, horretan dihardu Maite Eizmendik. Ikasle-irakasleak "lo" iritsi direla eskolara? Jolas-orduaren ostean ezin kontzentratuta daudela? Presio akademikoak itota dituela? Aktibatzeko,... [+]
Larrialdietan bukatu ohi duena ez da 20 kilometroko lasterketa egiteko prestatuta ez dagoelako; alderantziz, kirola egitera ohituta dauden 25-35 urteko gizonak dira gehiengoa, marka egin nahian topera joateagatik. Hala ziurtatu digu Donostiako ospitaleko mediku batek... [+]
Amurrioko anbulatorioko Etengabeko Arreta Gunean ez zen medikurik egon joan den igandean, Aiaraldeak informatu duenez. Hain justu, hainbat bizilagunek sinadura bilketa abiatu dute eskualdean: “Erabat normalizatu da Laudioko zein Amurrioko Etengabeko Arreta Guneetan mediku... [+]
Garbiñe Larreak Kosmetikoak sendabelarrekin liburua aurkeztu du azaroaren 7an Donostian. Azala, ilea eta gorputzeko hainbat atal garbitzeko eta zaintzeko behar ditugun produktuak guk geuk egiteko argibide eta informazio osoa ematen du liburuak. Auzi hau ez da azalekoa,... [+]