Nafarroako aurrekontuak
berandu eta babes gutxirekin
Azaroaren 1a baino lehen aurkeztua behar zuen Nafarroako aurrekontuen proiektua ostiralean edo datorren astelehenean ezagutaraziko dela aurreikusten da. Oposizioak atzerapena kritikatu eta UPNren aurrekontu proposamenaren edukia arbuiatu du murrizketetan oinarritutako neurriak dituela argudiatuta.
Europa Press albiste agentziak berri eman duenez, Roberto Jimenez sozialisten buruak uste du aurrekontuak berandu iristeak Gobernuaren ahuldadea adierazten duela. Horrez gain, ekonomia eta enplegua suspertzeari ekarpenik egiten ez dion aurrekontuaren inguruan bere partiduak ez duela UPNrekin negoziatuko baieztatu du. “Murrizketen bidetik jarraitzen duten aurrekontuek pertsonen eskubideak murrizten” dituztela leporatu die orain arte haien kide izandakoei.
Bilduko bozeramale Bakartxo Ruizek ere atzerapena kritikatu du eta debatea “saihestu” nahi izatea egotzi dio Gobernuari. “Badirudi aurrekontuak luzatzea bilatzen ari dela” azaldu du. Gainera, aurrekontu berriak “jendartearentzako zigorra” ekarriko dutela iruditzen zaio, “ez direlako herritarren oinarrizko beharrei erantzuteko pentsatuak izan”. Horren aurrean, Bildu eta Aralar-NaBaik hiru lege proposamen aurkeztu dituztela gaineratu du.
Aralar-NaBaiko Asun Fernández de Garaialdek ildo beretik jo du eta Foru Gobernuko kideei “tramite hutsa betetzea” leporatzen die; argi geratu baita, bere ustez, ez dutela “aurrekontu hauek aurrera ateratzeko inongo asmorik”. Bestalde, “arduragabetzat” jo du aurreproiektua, “inbertsio bakarrak une honetan beharrezko ez diren AHT eta Nafarroako ubidera bideratu nahi” direlako.
Izquierda-Ezkerrak ere gauza bera leporatu dio UPNko gobernuari, eta “politika neoliberal eta zorrotza” alde batera uzteko eskatu dio.
Geroa Bai koalizioko Manu Ayerdik adierazi du Gobernuarengan konfiantza guztia galdua dutela, izan ere, “urtez urte Exekutiboak aurrekontu bat prestatzen du baina horren betearazpenak ez du ia antzik izaten”. Bere hitzetan, “2013ko aurrekontuak ez badute funtzionatu, logikaz, 2014koek ere ez dute funtzionatuko”.
UPNko bozeramale, Carlos Garcia Adanerok defendatu du aurreproiektuak “oinarrizko zerbitzuak bermatuko” dituela; eta oposizioari “ezetzaren” politika egiteari utzi eta aurrekontuak hobetzeko lanean laguntza eskatu dio. Bere iduriz, garrantzitsua litzateke oposizioko taldeek zuzenketak azalduko balituzte “gabeziaren bat ikusten den partidetan aldaketak eginez aurrekontu hobeak egiteko”.
Enrique Martín de Marcos PPNko arduradunak uste du “oraintxe bertan Nafarroak behar duen azkena, aurrekontuen luzapena” dela. Horregatik, ahalik eta adostasun handiena izango duen proiektua garatzeko Foru Gobernuko talde guztiei, baina bereziki PSNri, “elkarrizketa bide guztiak” martxan jartzeko dei egin die. Horrek erakutsi baitu “oposizioko taldeek Nafarroarekiko duten konpromisoa”.
Nafarroako Gobernuak asteazken honetan onartu du 2024ko Nafarroako Aurrekontu Orokorren aurreproiektua: 6.355 milioi euro. Horietatik 520 milioi finantza gastuetara bideratuko dira (%8,18). Orain arteko aurrekontu handienak dira.
EAJko ordezkari Alaitz Zabalak adierazi du oposizioak ez duela konfiantzarik bere zuzenketetan.
2023ko atarian, 2022ko zenbakiek protagonismo berezi bat hartzen dute; izan ere, urte aldaketarekin batera, beti saiatzen gara kontagailua zeroan jartzen. Errealitate likidoen aroan, zenbakiek ere gure aditasunetik desagertzen dira ―askotan izugarrizko abiaduraz―, eta... [+]
Eskutitza osatzen duten erakundeek kontzentrazioa egin dute Nafarroako Parlamentuaren aurrean, Aurrekontu hauei ez! Pobretzearen aurrean, erreforma fiskala lelopean.
Abenduaren 22an onartuko dituzte Nafarroako Gobernuko 2023ko aurrekontuak. Navarra Sumak izan ezik, gainerako alderdiek elkar zoriondu dute Legebiltzarrean erakutsitako adostasunagatik. Historiako aurrekonturik handienak izango dira Foru Erkidegoan: 5.749 milioi euro, 2022an... [+]
Asteartean iragarri dute "jendearen bizitzak hobetzeko aurrerapenak" jaso dituztela akordioan. Besteak beste, trafiko eskumena Nafarroari emango diote, eta euskal ogasunek kudeatuko dituzte banku eta argindar enpresen ezohiko irabazien zergak. Aranzadi elkartearen... [+]
Nafarroako Gobernuaren 2023ko aurrekontuen aurreikuspena aurkeztu zuen asteazkenez foru gobernuak: 5.748 milioi euro, iaz baino %9,9 gehiago. Horietatik, 5.238 milioi izango dira ohiko gastuetarako, 510 milioi finantza gastuei bideratuko baitzaie. Albistearen amaieran zehazten... [+]
PSOEren eta Unidas Podemosen gobernu koalizioak 2023ko aurrekontuen aurreakordioa adostu dute, eta “inoizko gastu sozialik handiena” dutela iragarri. Besteak beste, trenak doan izatea hitzartu dute. UPk eskatzen zuen Etxebizitza Legea ez dute aurrekontuetan sartuko.
EAJk Espainiako Senatuko bozketaren unerako utzi omen ditu AHTrako diru gehiago ekartzeko negoziazioak. Oraingoan, trena hiriburuetan sartzeko izango omen da dirutza, Donostian herritarrek behar ez duten metroarekin batera, Bilbo inguruan inork gutxik erabiltzen duen... [+]
Abenduaren 23ko bozketan abstenitu egingo da EH Bildu. Akordioa medio, 253 milioi euroko partida eskatuko duten zuzenketak egingo dira aurrekontuetan, eta koalizioak proposatutako sei neurri politikoetatik hiru onartu dira.
Maddalen Iriarte EH Bilduko bozeramaileak iragarri du berria ostiral honetan, Eusko Legebiltzarreko gobernuaren kontrol saioan, “ez dira herri honek behar dituen aurrekontuak, ez dira gure aurrekontuak. Baina horiek hobetzeko lanean ari gara”.
2022ko aurrekontuen negoziaketetan PSOEren eta Unidas Podemosen koalizioak konpromisoa hartu du amiantoaren biktimei kalte ordainak emateko. Espainiako aurrekontuen gaineko eztabaidetan EH Bilduk Espainiako Gobernuarekin eskuratu duen lehen akordioa da.
Jaurlaritzak 2022 urterako prestatuko egitasmoa “inoizko aurrekonturik handienak” direla esanez aurkeztu du. Hala da bai, zenbakiei bakarrik begiratuz gero. Baina handiak izanagatik, ez dute zertan nahikoak eta egin daitezkeen handienak izan beharrik. Ezberdina... [+]
13.107,8 milioi euroko aurrekontua onartu du Gobernu Kontseiluak, eta 1.605 milioi euroko inbertsioa aurreikusi du. Susperraldi ekonomikoa izango du erronka. Hona sail bakoitzera eta sail horietako zein arloetara bideratuko den dirua.
Madrilgo Gobernuko aurrekontu proiektuan 662,9 milioi euro Hego Euskal Herrirako gorde dituzte, horietatik 388,4 milioi AHTarentzat, alegia, erdia baino gehiago.