Nafarroako AHTrentzat ohiko trenbidearen erraila aurreikusten du behin behinean Espainiako Gobernuak
Aldi baterako irtenbide gisa planteatu du Garraio Ministerioak, eta horrela mantenduko litzateke Castejon eta Zaragoza artean Nafarroako AHTaren plataforma martxan egon arte.
Arrizabalaga eta Castejon artean abiadura handiko trenarentzat plataforma bikoitza eraikitzen ari dira. Horren harira, Espainiako Garraio Ministerioak proposatu du — behin behinean, behintzat — plataforma horrek ohiko trenak erabiltzen duen trenbide baten zabalera izatea. Beraz, trenbidearen nazioarteko zabalera estandarrera —1.435 milimetro — egokituko litzateke ibilbide osoan. Horrela mantendu nahi du AHTaren Castejon eta Zaragoza arteko plataforma martxan egon bitartean.
Diario de Navarra hedabideak jaso duenez, Bide, Ubide eta Portuetako Ingeniarien Elkargoko Nafarroako dekano Pedro Bustok adierazi du aldi baterako aukera honek “alde ona” duela, baina “arriskuak” ere aurreikusten ditu: “Besteak beste, alde negatiboak dira aldaketa hau denboran mantentzea eta San Jorge auzoko egungo geltokiarekin 30 edo 40 urtez jarraitzea”. Halaber, Etxabakoizko geltokiaren proiektuak “sine die” jarraitzeko arriskua duela azpimarratu du Bustok.
Ministerioak adierazi du AHTrako eraikitzen ari diren plataforma 2026 edo 2027an amaitzea aurreikusten duela. Horregatik, bitartean erabilerarik gabe ez geratzeko Bilbo-Casetas (Zaragoza) linearekin konektatuko da aldi baterako.
Abiadura aldaketa
Bestalde, Nafarroako Gobernuko Lurralde Kohesiorako Departamentuak adierazi du aldaketarekin trenak "abiadura handia" ere lortuko duela: “Hori ez dago zabaleraren mende, baizik eta trenaren plataforma berriaren mende, malda eta bihurguneak murrizten baititu”.
Informaziorik helarazi gabe eta baimen eskaerarik gabe hasi dituzte Abiadura Handiko Trena eraikitzeko asmoz lehenago egin beharrak diren zundaketa lanak Otsobi kontzejuaren lurretan. Stop Zundaketak plataformak jakinarazi du egoera: "Izako Udalari edo Otsobiko kontzejuari... [+]
Lapurdi zeharkatuko lukeen AHT egitasmoa aitzina doala salatu du ingurumenaren alde dabiltzan elkarteen artean osaturiko CADE kolektiboak. Urriaren 12 eta 13rako jarri du hitzordua, Gironda eskualdean Lurraren Altxamenduak sareak antolaturiko protestari sostengua erakutsiz.
Oscar Puente Espainiako Garraio ministroaren esanetan, Nafarroarekin lotura egiteko aukerarik "onargarriena" Gasteizkoa da, Ezkio-Itsasoko ibilbideak "konplexutasun teknikoak" dituelako.
2017an Gaintxurizketan tunela zulatzen hasi zirenetik etengabeak izan dira AHTko obrek Renferen tren zerbitzuan eragindako murrizketak eta kalteak. Orain, Espainiako Garraio Ministerioak iragarri du udaran hainbat astez etenda egongo dela zerbitzu hori Hernani eta Irun artean... [+]
Manifestazio jendetsua egin dute Altsasun AHTren lanak gelditzea eta gaur egungo trenbidea hobetzea eskatzeko.
AHTren kontrako eta trenaren aldeko eragileek deituta, manifestazioa egingo dute Altsasun apirilaren 20an, larunbatarekin, tren-azpiegiturak berritu eta trenen maiztasuna handitzea eskatzeko. Alternatiba bat badagoela gogorarazi dute deitzaileek eta azterketa hori aurrera... [+]
Muru Artederreta herrian, Murugain izeneko muinoan, Burdin Aroko herrixka baten horma agerian geratu da, AHTren lanentzako laginak hartzen ari zirela. Bizilagunen hango elkarteak salatu du trenarentzako tunel baten ahoa eraikitzeak harresiaren zati bat suntsituko lukeela.
Abiadura Handiko Trenaren inguruan mintzatu dira zenbait ekintzaile asteazkenean Iruñeko Zabaldin osatu duten hitzaldian. Italiako Val Susa bailarako adibidea bertatik bertara ezagutzeko aukera ere izan dute han sortutako mugimenduaren ordezkari bat etorri delako... [+]
Eusko Jaurlaritzako Garraio sailburuak onartu du herritarrak "nekatuta eta haserre" daudela obren iraupenarekin. "Euskal Y" deiturikoaren hormigoizko azpiegituraren lanak 2025ean amaituko direla hitz eman du, baina gaineko egitura guztia eta hiriburuetarako... [+]