Nafarroako AHTren 13 zabortegik kaltetutako udalek “babesgabetasuna” salatu dute
Geroa Bai, EH Bildu, Podemos-Ahal Dugu eta IEk eskatuta zenbait alkate izan dira parlamentu batzordean egin duten lan saio batean. Espainiako Gobernuari eta talde politikoei lursail horiek ez galtzeko laguntza eskatu diete.
Abiadura Handiko Trenaren obrentzat Adif-ek 13 zabortegi sortu ditu. Horiek kalteak eragin dizkiete zenbait udalerriri. Herri horietako alkateek beren "babesgabetasuna" salatu dute, eta Espainiako Gobernuari eta talde politikoei laguntza eskatu diete zabortegi bihurtutako lursail horiek ez galtzeko.
Geroa Bai, EH Bildu, Podemos-Ahal Dugu eta IEk eskatuta, Barasoaingo alkatea (Rita Delia Roldán), Biurrun-Olkozkoa (María Luisa Serrano), Tebas-Muru Artederretakoa (Yolanda Obanos), eta Garinoaingoa (Bertha Sánchez) izan dira parlamentu batzordeko lan saio batean.
"Adif-ek ez luke libreki hautatu behar eremu horiek erabat desjabetzea, beste aukera batzuk ere badaude; hala nola, aldi baterako okupazioa askoz merkeagoa da eta udal gisa gure ondarea ez luke hainbeste murriztuko", esan du Garinoaingo alkateak.
Yolanda Obanos alkateak Espainiako Gobernuko teknikari baten beharra azaldu du: "Okupatutako lurrak berriro ere laborantzakoak izan daitezen zaintzeko teknikari bat behar dugu". Teknikari hori ezin da enpresaren borondate onaren mende egon, eta deitoratu du udalak direla bizilagunen "kexen hartzaile nagusiak", eta ez direla gai defendatzeko. Gainera, erdialdeko herri horiek azpiegituraz beterik daudela eta orain AHTkoak gehitu zaizkiela nabarmendu du.
Barasoaingo alkate Rita Delia Roldánek, herri lurrak desjabetzea "hain erraza" izatearen aurrean harridura azaldu du, are gehiago lur gehienak laborantzakoak eta "oso produktiboak" izanik.
Azpiegitura horien eragina salatu dute guztiek. Izan ere, lurralde horiek are zatikatuago geratuko dira errepideetatik, tuneletatik, zubietatik eta zabortegietatik, eta paisaian aldaketak eragingo dituzte.
2.000 milioi euroko kostua izango dute AHT Madrilekin eta AVE trenarekin lotzeko aurreneko lanek. Asteburuan egin dute manifestazio bat Iruñean, AHTa eraikitzeko obretako esklabotza-baldintzak salatzeko.
Abiadura handiko trenaren aurkako manifestazioa egingo dute Iruñean larunbat honetan AHT Gelditu plataformak deituta, 12:00etan Diputaziotik abiatuta. Castejon eta Iruñea arteko trenbidearen eraikuntza lanek aurrera jarraitzen dute eta Espainiako Garraio... [+]
AHT Geldituk Nafarroako Abiadura Handiko Trenaren obretan lan esklabotza egoerak daudela salatzen duen lekukotza eskandalagarria jaso ondoren, obra horiek sustatzen dituen Adif sozietateak publikoki erantzun behar izan du: "Gezurra dira".
Nafarroan eraikitzen ari den tren lasterraren langileak esklabotza egoeran ari direla salatu du AHT Gelditu elkarteak Iruñean emandako prentsaurrekoan.
Añana eta Trebiñuko kuadrilletako ordezkariek eta Arabako nekazari eta abeltzainek salatu dute "mespretxu instituzional izugarria" jasaten dutela AHTren lanak direla-eta. Denera bi miloi metro koadrotik gora "lur emankor" desjabetuko dituzte... [+]
Azken asteotan Castejón-Soria trenbidea berreskuratzeko eta Tuterako tren-geltokia gaur egun dagoen tokian mantentzeko edo, Nafarroako Erriberako hiriburuan Abiadura Handiko Trenaren ustezko geralekuak aitzakiatzat hartuta, hirigunetik kanpo beste bat egiteko... [+]
Frantziako Gobernuak Espainiakoari baieztatu dionez, Abiadura Handiko Trena ez da Hego Euskal Herrira iritsiko (Irungo loturara) gutxienez 2042 urtera arte. Ez dago Parisen lehentasunen artean.
Espainiako Garraio Jasangarrirako estatu idazkari José Antonio Santanok adierazi du Eusko Jaurlaritzaren helegite bat onartu dutela Ezkio-Itsasoko konexioari buruz, Aralarri "hainbeste" kalte egingo ez liokeena.
2024ko otsailean Astigarraga-Hernani tartea amaitu zutenean Abiadura Handiko Trena 2027an prest egongo zela aurreikusten zuen Eusko Jaurlaritzak. Orain Arkautiko lotunearen obren lizitazioari ekin dio Jaurlaritzak; Euskal Trenbide Sarea enpresaren esku utzi du, eta 2027an hasiko... [+]
Informaziorik helarazi gabe eta baimen eskaerarik gabe hasi dituzte Abiadura Handiko Trena eraikitzeko asmoz lehenago egin beharrak diren zundaketa lanak Otsobi kontzejuaren lurretan. Stop Zundaketak plataformak jakinarazi du egoera: "Izako Udalari edo Otsobiko kontzejuari... [+]
Lapurdi zeharkatuko lukeen AHT egitasmoa aitzina doala salatu du ingurumenaren alde dabiltzan elkarteen artean osaturiko CADE kolektiboak. Urriaren 12 eta 13rako jarri du hitzordua, Gironda eskualdean Lurraren Altxamenduak sareak antolaturiko protestari sostengua erakutsiz.
Oscar Puente Espainiako Garraio ministroaren esanetan, Nafarroarekin lotura egiteko aukerarik "onargarriena" Gasteizkoa da, Ezkio-Itsasoko ibilbideak "konplexutasun teknikoak" dituelako.