Nafarroako AHTa blindatu nahi du Geroa Baik
Nafarroako eta Espainiako Gobernuek AHTaren inguruan “ez-betetze klausulak” sinatzea proposatu du Iñigo De la Serna Barne Ministroak. Manu Aierdik ontzat hartu du proposamena: "Izugarri ona iruditzen zait ardura duena behartzea sinatutakoa betetzera", adierazi du.
Iñigo De la Serna Espainiako Barne Ministroak ekitaldi bat egin du Iruñean “Abiadura handia, Nafarroaren etorkizunerako ezinbestekoa” lemapean. Ziurtatu du Nafarroa ez dela abiadura handitik kanpo geratuko, Espainiako Gobernuak trena bultzatzeko ardura hartuko duelako. Prozesua “ahalik eta gehien” azkartzen saiatuko direla azaldu du, posible izanez gero Foru Gobernuarekin elkarlanean. Nafarroako Gobernuak hitzartutakoa bete ezean, gobernu zentralak AHTren obrak bere gain hartuko dituela azaldu du. Hori saihesteko “ez-betetze klausulak” sinatzea proposatu du.
Manu Aierdi Nafarroako Gobernuko Garapen Ekonomikoko presidenteordeak ontzat hartu du proposamena. “Konpetentziak dituenak, alegia, Estatuak, klausulak ezartzea ziurtatuko du etorkizunean gauzek aurrera egingo dutela”, argudiatu du. Izan ere, ez-betetze klausulen bitartez zehazten da alde bietako batek adostutakoa bete ezean, besteari ordaindu beharko diola. Alegia, etorkizunean Nafarroako Gobernuak AHTaren inguruan Estatuarekin adostutakoa beteko ez balu, herritarrek "kalte-ordaina" ordaindu beharko luketela.
“Ongi iruditzen zait, lehenengo hitzarmenean egon izan balitz, orain agian beste egoera batean egongo ginateke”, adierazi du. Akordiora heltzeko asmoa dutela ziurtatu du, “azpiegiturak aurrera egin dezan”. “Horretarako, ardura duena behartzea sinatutakoa betetzera, izugarri ona iruditzen zait”, adierazi du.
Nafarroarentzat AHTa “guztiz estrategikoa” dela esan du, merkantzien eta bidaiarien arazoak konpontzeko eta Europako estandarretan sartzeko; horregatik, lanean jarraituko dutela ziurtatu du.
Gobernua sostengatzen duten gainerako alderdiak abiadura handiaren ereduaren aurka azaldu dira eta AHTaren inguruan ematen dituen pauso guztiak gainerako alderdiekin adosteko eskatu diote Manu Aierdiri.
Azken asteotan Castejón-Soria trenbidea berreskuratzeko eta Tuterako tren-geltokia gaur egun dagoen tokian mantentzeko edo, Nafarroako Erriberako hiriburuan Abiadura Handiko Trenaren ustezko geralekuak aitzakiatzat hartuta, hirigunetik kanpo beste bat egiteko... [+]
Frantziako Gobernuak Espainiakoari baieztatu dionez, Abiadura Handiko Trena ez da Hego Euskal Herrira iritsiko (Irungo loturara) gutxienez 2042 urtera arte. Ez dago Parisen lehentasunen artean.
Espainiako Garraio Jasangarrirako estatu idazkari José Antonio Santanok adierazi du Eusko Jaurlaritzaren helegite bat onartu dutela Ezkio-Itsasoko konexioari buruz, Aralarri "hainbeste" kalte egingo ez liokeena.
2024ko otsailean Astigarraga-Hernani tartea amaitu zutenean Abiadura Handiko Trena 2027an prest egongo zela aurreikusten zuen Eusko Jaurlaritzak. Orain Arkautiko lotunearen obren lizitazioari ekin dio Jaurlaritzak; Euskal Trenbide Sarea enpresaren esku utzi du, eta 2027an hasiko... [+]
Informaziorik helarazi gabe eta baimen eskaerarik gabe hasi dituzte Abiadura Handiko Trena eraikitzeko asmoz lehenago egin beharrak diren zundaketa lanak Otsobi kontzejuaren lurretan. Stop Zundaketak plataformak jakinarazi du egoera: "Izako Udalari edo Otsobiko kontzejuari... [+]
Lapurdi zeharkatuko lukeen AHT egitasmoa aitzina doala salatu du ingurumenaren alde dabiltzan elkarteen artean osaturiko CADE kolektiboak. Urriaren 12 eta 13rako jarri du hitzordua, Gironda eskualdean Lurraren Altxamenduak sareak antolaturiko protestari sostengua erakutsiz.
Oscar Puente Espainiako Garraio ministroaren esanetan, Nafarroarekin lotura egiteko aukerarik "onargarriena" Gasteizkoa da, Ezkio-Itsasoko ibilbideak "konplexutasun teknikoak" dituelako.
2017an Gaintxurizketan tunela zulatzen hasi zirenetik etengabeak izan dira AHTko obrek Renferen tren zerbitzuan eragindako murrizketak eta kalteak. Orain, Espainiako Garraio Ministerioak iragarri du udaran hainbat astez etenda egongo dela zerbitzu hori Hernani eta Irun artean... [+]
Manifestazio jendetsua egin dute Altsasun AHTren lanak gelditzea eta gaur egungo trenbidea hobetzea eskatzeko.