Nafarroako administrazioaren merezimenduen dekretua onartezina dela salatu dute Kontseiluak eta Behatokiak
Nafarroako Gobernuak aurkeztu berri du Nafarroako administrazio publikoetan sartzeko eta bertako lanpostuak betetzeko merezimenduen balorazioa arautzeko dekretua. Asteazken honetan, Euskalgintzaren Kontseiluak eta Hizkuntz Eskubideen Behatokiak Foru Gobernuaren proposamen berria aztertu dute, bai eta zenbait ondorio atera ere.
Paul Bilbao Kontseiluko idazkari nagusiak hitz batera ekarri du gobernuak aurkeztutakoa: onartezina. Izan ere, urtarrilean aurkeztu zuten bertsiotik apenas egin dute aldaketarik: “Ez dute inondik inora herritarren eskubideak ardatz izango dituen dekretua aurkeztu”. Salatu du lehen ez bezala, orain lanpostu guztietan ez dela kontuan hartuko euskararen ezagutza, horietako %97k ez dutela euskararen derrigorrezko ezagutzarik ezarrita eta hori oso larritzat jo du "bere burua aurrerakoitzat duen gobernu batek euskararen edota euskaldunen kontrako politika bortitzak garatzen zituztenean baino neurri atzerakoiagoak hartzea". Bere ustez, dekretuak ez dio erantzuten gizartearen beharrari.
Milaka herritarren eskaerari muzin egiten zaio
Behatokiko zuzendari Agurne Gaubekak gogoratu nahi izan du maiatzaren 7an milaka herritarrek Iruñeko kaleak hartu zituztela, eta gobernuari eskatu ziotela herritar guztien eskubidea bermatuko zuen dekretua jorratzeko: “Are gehiago, Nafarroako Gobernuko erregistroan 1.700 herritarren eskaera sartu genuen, eta gobernuak entzungor egin dio, bai herritarren aldarriari, bai eta herritarren eskaera zuzenari ere". Gaubekaren arabera, Dekretu honek ez du bermatuko, ezta ahalbidetuko ere herritarrek administrazio publikoko zerbitzuetan euskara erabili ahal izatea. Bere ustez, Nafarroan ezin dira zerbitzu publikoak euskaraz jaso eta dekretuak hori legitimatuko du, “berezko hizkuntzan bizi nahi duten pertsonak desberdinkeriaz hartuko dira, eta beraien hizkuntza erabiltzeko edota garatzeko oztopoak betikotuko dira”.
Osasunbidean euskarak %10 balio du, gehienez
Osasunbidea jarri du mahai gainean Behatokiko zuzendariak: “Badakigu zein garrantzitsua den herritarrek osasun-arreta berezko hizkuntzan jasotzea. Horren aurrean, eremu euskaldunean dekretuak gehienez %10 baloratuko du euskararen ezagutza, eta %6 eremu mistoan. Horrek argi uzten du euskaldunek bigarren mailako herritar izaten jarraituko dutela”, esan du Gaubekak.
Bilbao zuzen mintzatu zaio gobernuari: "Jakin dezala, euskalgintzak ez duela dekretua onartzen eta beharrezko ekarpenak egingo dituela herritar euskaldunak kontuan hartuak izateko”.
Kontseiluak eta Behatokiak bidalitako agiri osoa irakurri daiteke ARGIAko Eragileen plazan.
Euskarazko eskaintza handitzeko akordioa erdietsi dute EH Bilduk, PSNk, Geroa Baik eta Zurekin Nafarroak
Plazara, AEK, Uda Leku, Dindaia eta Ebete antolakundeak Baionan elkartu dira Famili'on egonaldi ibiltariaren lehen edizioa aurkezteko. Hizkuntza mailaren arabera eskaintza bat edo beste egongo da eta haur zein gurasoentzat izango da udaberrian.
Administrazio Epaitegiak arrazoia eman dio EH Bilduk Lizarrako plantilla organikoaren hizkutnz profilen aurka jarritako helegiteari.
Ingelera orduak handitu eta euskarazkoak murrizteko foru aginduaren kontrako helegitea aurkeztu du STEILAS sindikatuak. “Murgiltzea ataka larrian jartzen ari dira” salatu dute.
Lizarraldean euskara sustatzeko lana egiten duen Bagara elkarteak egin du salaketa: "Sorkuntzarako gaitasuna bultzatzen da eta pentsamendua kritikoa lantzen, hori guztia ikuspegi ludikotik, gozamenean oinarrituta".
Haurrak dituzten familiei egiten diete deia, bereziki. Seme-alabentzat onena nahi dugulako, etorkizunerako aukerak zabaltzea litzateke euskara ematea. "Eleaniztasunaren aldeko hautua egiteko gonbidapena da, euskara ematea batzea delako", esan du Ana Ollo Euskara... [+]
"Etorkizuneko zubiak" eraikiz, azpimarratu dute "garai nahasi hauetan" euskararen aldeko aldarriak ozen entzun behar direla aurrerantzean: "Bada garaia euskarari dagokion tratamendua, lekua, emateko".
Modu horretan, euskara eta euskal kultura hiriaren bihotzera eraman duen proiektuari egonkortasuna eta sendotasuna emanen diote.
Urtea amaitu baino lehen gehiengo politikoaren oniritzia lortu nahi du udalak
Nafarroako Legebiltzarrean datorren urteko aurrekontuak ixteko negoziazioetan ari dira egunotan alderdiak, eta horietan adostutakoaren arabera, euskararen Euskararen Nafar Institutuak iaz baino 1,3 milioi gehiago izango ditu.
Euskal Herri osoan euskara eta hiztun komunitatea larrialdi egoeran daudela berretsi zuen azaroan Kontseiluak eta, ostegun honetan, egoera hori Nafarroan zertan datzan azaldu du Iruñean. Era berean, herrialdean ataka horretatik ateratzeko egin beharrekoak azpimarratu ditu.
Hamabi haur eskola publiko daude Iruñean, eta horretatik bakarrean dago euskarazko eredua. Protesta egin dute dozena bat eragilek, eta euskal hiztunen “egoera berezia” aintzat har dezan galdegin diote udalari.
“Ez da posible hiri guztia zeharkatu behar izatea seme-alabak hemengo jatorriko hizkuntzan murgiltzeko” salatu dute guraso askok. Euskarazko plazak ere “oso urriak direla” salatu dute familia askoren artean eginiko bideoan.
Euskarari Puzka azken kanpainan 16.000 saski saldu dituzte, eta euskararen alde lan egiten duten elkarteentzat bideratuko zaie lortutako etekina.