4.500 pertsona ari dira gaur egun Nafarroako adinekoen zaintzaren sektore pribatuan, eta iragan astelehenetik greban ari dira ELA, LAB eta UGT sindikatuak deituta, zeintzuek sektorearen %83ko ordezkaritza sindikala biltzen duten. ELA da nagusi sektorean.
2021eko maiatzean osatu zuten Nafarroako lan hitzarmena negoziatzeko mahaia ANEAk eta LARES patronalarekin, eta harrez gero hiru astez behin bildu izan dira lan hitzarmena negoziatzeko, baina emaitzarik gabe, ordezkaritza sindikalak jakinarazi duenez. Horregatik, bost eguneko greba egiten ari dira, orain arteko luzeena. Urrian ere egin zuten hiru eguneko grebaldia.
Estatu mailako lan hitzarmena gainditu eta Nafarroakoa lortzea da helburu nagusietakoa, baina aurrera begira aldarrikapena da sektorea publifikatzea, sindikatuen esanetan hori baita berme garrantzitsuena zaintza sektorearekin negoziorik egin ez dadin.
Gaur egun baldintza desberdinak daude sektore pribatuan, baina benetako arrakala pribatuaren eta publikoaren artean dago. Sektore pribatuko erresidentzia askotan 1.100 euroko soldata gordina dute –hamalau hilabetetan jasotakoa–, 15.400 euroko soldata gordina urteko 1.792 orduko lanaldiagatik. Sektore publikoan, aldiz, 1.500 euroko lansaria dute eta urteko 1.582 lan ordu, astean lau ordu gutxiago. Sindikatuen esanetan, sektore pribatuko soldatak ez dira nahiko hilaren bukaerara iristeko.
Langileen eskakizunen artean, nabarmentzen da ere bajengatik soldataren ehuneko ehuna kobratzea. Adierazten dutenez, langileak sarritan doaz lanera osasun baldintza ez egokienetan, berez urria den soldata areago ez urritzeko. Lan zama handia dutela ere salatzen dute, enpresek langile gutxi kontratatzen dituztelako: "Goizero 12-15 egoiliar artatu behar ditugu: ohetik altxatu, dutxatu, jantzi eta egoera ezin hobean utzi behar ditugu ordu eta erdiko tartean". Diotenez, arratsaldeko txandetan egoera okertzen da langile gutxiago egoten direlako.
Sektore oso prekarioa da honakoa eta emakumeak dira nagusi bertan. Biztanleriaren zahartzearekin batera, sektoreak gora egin du azken urteetan eta aurrera begira ere horrela jarraituko duela aurreikusten da. Grebak patronalari begiratzen dio batez ere, baina sindikatuek Nafarroako Gobernuaren esku-hartzea ere eskatzen dute, haien esanetan, neurri handi batean gobernuak finantzatzen duelako sektorea.
Hilaren 16an ekin zioten grebari eta 20an bukatuko dute, 17:30ean Iruñeko Misericordiaren egoitzatik abiatuta egingo duten manifestazioarekin.
Euskalgintzaren Kontseiluak Zaintza eta euskara. Sareak eraikitzen jardunaldiak egin ditu irailaren 26an, Donostian. Idurre Eskisabelek, Kontseiluaren idazkari nagusiak, lehen hitzaldian adierazi du “urgentziazkoa” dela gaiari heltzea. Jardunaldien helburua ez da... [+]
Irati Mogollon soziologoak (Lezo, 1991) hausnarketa saioa bideratu du asteazkenean Laudioko Lezeaga Aretoan. Zaintzaren antolakuntzari buruz hausnartu eta etorkizunera begira jartzea proposatu du, bai jendarte moduan zein banaka.
Sakanako pertsona zaharrei babesa emateko proiektu pilotua da Teknoadineko Landab. Bizilagunen parte hartzea “funtsezkoa” dela nabarmendu du Nafarroako Gobernuak.
Bizitza Zaintzeko izenpean, ekonomia soziala ardatz duen irabazi asmorik gabeko elkarte bat sortu dute etxez etxeko sei langilek, Urola Kostan (Gipuzkoan). Ideia sinplea da: enpresen irabaziak langileen esku uztea. Merkatuaren prezioak mantenduko dituzte; hau da, erabiltzaileek... [+]
Orain arte kudeaketa zeraman enpresa pribatuarekin kontratua eten eta Patronatuko Batzordeak erabaki du Zaintza Lanak SL udal enpresa publikoren esku uztea egoitza. Eraikinean obrak egingo dituzte eta egoiliarrentzako lekua murriztuko dute eraberritze lan horien ondorioz.
Iraultza txikien akanpadan parte hartu nuen uztailean, zaintzari buruzko hausnarketa egiteko. Mahaiaren inguruan bost emakume eseri ginen: Arabako etxe- eta zainketa-langileen elkarteko Laura eta Shirley; Denon bizitzak erdigunean taldeko Paula eta Ainhoa; eta Kukuso taldeko... [+]
Donostiako La Paz egoitza Mondragon taldeko GSR kooperatibak kudeatzen du, Egiako auzoan. Hain goiz esnatzeak adinekoentzat lan karga handiagoa eta arreta okerragoa ekartzen du.
Urkulluk askotan aldarrikatu du sistema kapitalistaren muinean dagoen publiko-pribatu elkarlana, baina lotura hori gaur zertan den azaltzeko inolako asmorik gabe. Publikoa osagarria eta menpekoa denean, ezin dituenean merkatuaren interesak zanpatu, eta lege bidez inposatutako... [+]
Maria Josefari alzheimerra diagnostikatu ziotenetik ahizparen eta alabaren artean zaintzen dute; gaixotasunak eragindako beldurrez, zailtasunez eta zamaz mintzatu da Maite, Maria Josefaren alaba.
Euskal Herriko Emakume Migratu Feminista Zaintzaile Soziosanitarioen Elkarteko kidea da Soraya Agirre. Berak orduka egiten du lan zaharrak zaintzen, baina elkarteko %90 egoiliarrak dira, zaintzen duten zaharraren etxean bizi direnak. Alokairua lortzeko eta lan baldintzak... [+]
Boomer belaunaldi deritzonak populazioaren piramidea buruz behera jarriko duela diote aurreikuspenek. Bizi-itxaropenaren luzapena dela eta, 1949-1968 urteen artean izandako jaiotza-tasa altuek piramidearen goialdea borobilduko omen dute datozen urteotan. Duela hilabete inguru... [+]
Berdintasun Ministerioak Estatuko Zainketen Estrategia martxoaren erdialdean aurkeztea aurreikusten du, Gizarte Eskubideen Ministerioarekin lankidetzan. Legegintzaldia amaitu aurretik, alderdi aurrerakoiek zaintza-sistemaren ibilbide-orria ezagutarazi nahi dute. Gaiari... [+]