Nafarroako 39.000 herritar eremu “ez-euskaldunetik” mistora pasako dira gaur
Zonifikazioaren inguruko bozketa egingo dute asteazkenean Nafarroako Legebiltzarrean. 43 udalerri eremu "ez-euskaldunetik" mistora pasako dira eta Atetz, berriz, mistotik euskaldunera. Zizurko Zendea eremu "ez-euskaldunera" aldatzeko eskaera ez dute onartuko.
Gobernua babesten duten lau alderdiek bat egingo dute bozketarako, Berria-k jaso duenez. Euskaldunen lege babesa indartzeko aldaketak onartuko dituzte; ez, ordea, gutxitzekoak. Zizurko Zendeako Udalak, UPNren gehiengoarekin, eremu ez euskaldunera igarotzeko eskatu du, lehen aldiz, baina legebiltzarrak ez du onartuko. Eremu mistora eta euskaldunera egingo diren aldaketak “koherentetzat” jo ditu Nafarroako Arartekoak; ez-euskaldunera igarotzekoa, berriz, “atzerakada” dela esan du.
43 udalerri sartuko dira eremu mistoan, horien artean Tafalla eta Zangoza; 39.000 herritarrek izango dute eskubidea administraziora euskaraz jotzeko. Horietan euskara ez da ofiziala izango; bai, ordea, Atetzen. Nafarroan zonifikazioak indarrean jarraituko du momentuz, lauko gobernuak ez baitu legea berritzeko akordiorik lortu.
2017ko otsailean eremu “ez-euskalduneko” hamaika udalerrik mozioak onartu zituzten, bi eskarirekin: Euskararen Legea bertan behera uztea eta, hori lortu bitartean, eremu mistoan sartzea. Gobernuak baiezkoa eman zion eremuz aldatzeko eskariari, eta prozedura ireki zuen. Azkenean, 43 udalerrik egin zuten eskaria eta asteazkenean onartuko da.
Eremu aldaketaz gain, Geroa Baik, EH Bilduk eta Ahal Duguk beste bi proposamen aurkeztu dituzte: eremu ez-euskalduneko udalek ordenantzak euskaraz egiteko aukera izatea eta legean vascuence hitza euskararengatik ordezkatzea.
Hauek dira eremuz aldatuko diren herriak:
-Eremu euskaldunera: Atetz
-Eremu mistora: Abaigar, Adios, Allin, Ameskoabarrena, Antzin, Añorbe, Aranatxe, Arellano, Artazu, Bargota, Beriain, Biurrun Olkotz, Cabredo, Deikaztelu, Eneritz, Erriberri, Eulate, Galoze, Garinoain, Itzagaondoa, Larragoa, Leotz, Lerga, Longida, Mendigorria, Metauten, Mirafuentes, Murieta, Obanos, Oibar, Oteitza, Puiu, Tafalla, Tiebas-Muru Artederreta, Tirapu, Untzue, Urraulbeiti, Urrotz Hiria, Uxue, Villatuerta, Zangoza, Zirauki eta Zuñiga.
Euskal Herri osoan euskara eta hiztun komunitatea larrialdi egoeran daudela berretsi zuen azaroan Kontseiluak eta, ostegun honetan, egoera hori Nafarroan zertan datzan azaldu du Iruñean. Era berean, herrialdean ataka horretatik ateratzeko egin beharrekoak azpimarratu ditu.
Premiazko txostena eskatu dio Nafarroako Kontseiluari. Behin betiko onartzeko aurretiazko urratsa da, Nafarroako Justizia Auzitegi Nagusiak aurreko dekretuaren zati batzuk baliogabetu eta bost urtera.
Eremu mistoko Osasunbideako zerbitzuetako lanpostuetan euskararen ezagutza meritu gisa baloratu ahal izatearen aurka agertu da Nafarroako Kontseilua azken irizpen batean. Otsailaren 21ean eman zuen argitara. Aldiz, ingelesa, frantsesa eta alemanaren ezagutzak puntuatzen du... [+]
Mañeruko herritarrek, udalbatzak babestuta eta Hordago taldeak deituta, elkarretaratzea egin dute zonifikazioaren aurka. Hamar egun pasatu dira eremu mistoan sartzeko proposamenari atea itxi ziotenetik Navarra Sumak eta PSNk.
Mañeru eremu "ez euskaldunetik" mistora pasatzeko eskaria egin du aho batez udalbatzak urtarrilean, eta horretarako Nafarroako Parlamentuan gehiengoaren babesa behar du. Ostegunean egin dute bozketa, eta bertan behera gelditu da udalbiltzaren nahia PSNek... [+]
Mañeruko Udalean “amorrua” da nagusi, “ez dugu ulertzen PSNren jarrera”, azaldu dio alkateak ARGIAri. PSNk aurreratu du ezetz bozkatuko diola udalerria eremu “ez euskaldunetik mistora" pasatzeari eta beraz, PSN eta Navarra Sumaren... [+]
Herriko udalak berak eskatuta, Geroa Baik, EH Bilduk, Podemosek eta Izquierda-Ezkerrak zonifikazioaren legea eraldatzea proposatu dute Nafarroako Legebiltzarrean. María Chivite eta Javier Esparzaren alderdiek aurka bozkatuko dutela aurreratu zuten, erabakia irmoa ez den... [+]
Eremu “ez euskaldunetik” mistora pasatzea eskatu du Mañeruko udalbatzak eta Nafarroako Parlamentuak eskaera onartu dezan PSN edo Navarra Sumaren aldeko botoak beharko dira –gainerako alderdiek alde bozkatuko dute–, baina horretarako borondaterik ez... [+]
Mañeruko bizilagunen nahiarekin bat egin zuen aho batez udalbatzak apirilean: eremu "ez euskaldunetik" mistora pasatzea. Eskaera onartu ala ez hilabete honetan bozkatuko du Nafarroako Parlamentuak, eta PSNren botoak erabakigarriak izango dira.
Euskararen Foru Legeak nafarrak diskriminatzen ditu, eta hizkuntza eskubideak esleitzen zaizkie bizi diren eremuaren arabera. Bada, duela urte batzuk ereiten hasi ziren hamaika ekimen zonifikazioari aurre egiteko, eta udazken honetan inoiz baino indartsuago hasi dira euskarari... [+]
Urriaren 22an egun osoko egitaraua antolatu dute Errigora, Agerraldia eta Hordago herri ekimenek, euskara ardatz hartuta, baina ostegunean jakinarazi dute udalaren traben erruz ezingo dutela aurreikusitako Deskontrolen kontzertua egin. Halere, 17:30ean Tuterako kaleak hartuko... [+]