Nafarroako 2023rako aurrekontuek ez diote gizartearen pobretzeari aurre egiten, Eskubide Sozialen Kartak salatu duenez
Eskutitza osatzen duten erakundeek kontzentrazioa egin dute Nafarroako Parlamentuaren aurrean, Aurrekontu hauei ez! Pobretzearen aurrean, erreforma fiskala lelopean.
Eskubide Sozialen Karta hainbat gizarte mugimenduk eta sindikatu ugarik osatzen dute. Asteazkenean, Nafarroako Parlamentuaren aurrean salatu dute Nafarroako Gobernuak (PSN, Geroa Bai eta Podemosek ere) aurkeztutako eta EH Bilduk ezer gutxi aldatutako aurrekontuek ez dutela balio Nafarroako ia biztanle guztiek pairatzen duten pobretzeari aurre egiteko. Era berean, kritiko agertu dira alderdi politiko horiek adostutako neurri fiskalekin. Haien ustez, erabat motz gelditzen dira funtsean langileen ahaleginarekin sortutako aberastasunaren banaketan aurrera egiteko.
Eskubide Sozialen Kartaren iritziz, alde batetik, banku eta inbertsio-funtsekiko zorraren ordainketak erabat baldintzatutako aurrekontuak dira. Gainera, murriztaileak dira, azken urteko inflazioa eta 2023rako aurreikusitako BPGa baino gutxiago hazten baitira. Eta, azkenik, ez dira gai zerbitzu publikoen beharrezko indartze eta hobekuntzei erantzuteko, hala nola, osasuna, menpekotasun arretaren publifikazioa, etxebizitza eskuratzeko aukera, pentsio duinen bermea, eta abar.
Osasun publikoak itxaron zerrenda zentzugabeak ditu, eta lehen mailako arreta kolapsatuta dago; gizarte eskubideetarako aurrekontu publikoak multinazionalei ematen zaizkie eta hirugarren adinekoen egoitzetakoa negozio pribatuaren burtsako inbertsioei; errenta bermatuak LGSa baino askoz txikiagoa izaten jarraitzen du, gutxieneko pentsioen osagarria ez da 1.080 eurora arte igootzen, Europako Gutun Sozialaren irizpideei jarraiki; hezkuntzako inbertsioa Europako mediatik urrun dago eta etxebizitza, eskubidea baino, espekulaziorako ogasuna izaten jarraitzen du, besteak beste.
Horrekin batera, Eskubide Sozialen Kartak uste du adostutako neurri fiskalak ez direla nahikoak. Kartaren iritziz, beharrezkoa da zerga erreforma bat egitea, diru sarrerak gehien duenaren kontura handitzeko. Bi legegintzaldi igaro dira UPN Nafarroako Gobernutik atera zenetik, eta ia ez dira ukitu enpresen eta kapitalaren pribilegio fiskalak. Beharrezkoa da ezkerreko indarrek Nafarroan dagoen fiskalitate bidegabea aldatzeko benetako konpromisoa hartzea.
Horregatik, Euskal Herriko Eskubide Sozialen Kartak, Nafarroako Gobernuak 2023. urterako aurkeztutako aurrekontuak errefusatzen ditu. "Argi dugu mobilizazioa beharrezkoa dela erreforma fiskal sakonaren eskakizuna indartzeko, gehien dutenek gehiago ordain dezaten. Jasotakoa sistema kapitalistaren eta gobernu-politiken ondorioz sortutako gizarte-desberdintasuna murrizteko erabiltzea aldarrikatzen dugu".
Nafarroako Gobernuak asteazken honetan onartu du 2024ko Nafarroako Aurrekontu Orokorren aurreproiektua: 6.355 milioi euro. Horietatik 520 milioi finantza gastuetara bideratuko dira (%8,18). Orain arteko aurrekontu handienak dira.
EAJko ordezkari Alaitz Zabalak adierazi du oposizioak ez duela konfiantzarik bere zuzenketetan.
2023ko atarian, 2022ko zenbakiek protagonismo berezi bat hartzen dute; izan ere, urte aldaketarekin batera, beti saiatzen gara kontagailua zeroan jartzen. Errealitate likidoen aroan, zenbakiek ere gure aditasunetik desagertzen dira ―askotan izugarrizko abiaduraz―, eta... [+]
Abenduaren 22an onartuko dituzte Nafarroako Gobernuko 2023ko aurrekontuak. Navarra Sumak izan ezik, gainerako alderdiek elkar zoriondu dute Legebiltzarrean erakutsitako adostasunagatik. Historiako aurrekonturik handienak izango dira Foru Erkidegoan: 5.749 milioi euro, 2022an... [+]
Asteartean iragarri dute "jendearen bizitzak hobetzeko aurrerapenak" jaso dituztela akordioan. Besteak beste, trafiko eskumena Nafarroari emango diote, eta euskal ogasunek kudeatuko dituzte banku eta argindar enpresen ezohiko irabazien zergak. Aranzadi elkartearen... [+]
Nafarroako Gobernuaren 2023ko aurrekontuen aurreikuspena aurkeztu zuen asteazkenez foru gobernuak: 5.748 milioi euro, iaz baino %9,9 gehiago. Horietatik, 5.238 milioi izango dira ohiko gastuetarako, 510 milioi finantza gastuei bideratuko baitzaie. Albistearen amaieran zehazten... [+]
PSOEren eta Unidas Podemosen gobernu koalizioak 2023ko aurrekontuen aurreakordioa adostu dute, eta “inoizko gastu sozialik handiena” dutela iragarri. Besteak beste, trenak doan izatea hitzartu dute. UPk eskatzen zuen Etxebizitza Legea ez dute aurrekontuetan sartuko.
EAJk Espainiako Senatuko bozketaren unerako utzi omen ditu AHTrako diru gehiago ekartzeko negoziazioak. Oraingoan, trena hiriburuetan sartzeko izango omen da dirutza, Donostian herritarrek behar ez duten metroarekin batera, Bilbo inguruan inork gutxik erabiltzen duen... [+]
Abenduaren 23ko bozketan abstenitu egingo da EH Bildu. Akordioa medio, 253 milioi euroko partida eskatuko duten zuzenketak egingo dira aurrekontuetan, eta koalizioak proposatutako sei neurri politikoetatik hiru onartu dira.
Maddalen Iriarte EH Bilduko bozeramaileak iragarri du berria ostiral honetan, Eusko Legebiltzarreko gobernuaren kontrol saioan, “ez dira herri honek behar dituen aurrekontuak, ez dira gure aurrekontuak. Baina horiek hobetzeko lanean ari gara”.
2022ko aurrekontuen negoziaketetan PSOEren eta Unidas Podemosen koalizioak konpromisoa hartu du amiantoaren biktimei kalte ordainak emateko. Espainiako aurrekontuen gaineko eztabaidetan EH Bilduk Espainiako Gobernuarekin eskuratu duen lehen akordioa da.
Jaurlaritzak 2022 urterako prestatuko egitasmoa “inoizko aurrekonturik handienak” direla esanez aurkeztu du. Hala da bai, zenbakiei bakarrik begiratuz gero. Baina handiak izanagatik, ez dute zertan nahikoak eta egin daitezkeen handienak izan beharrik. Ezberdina... [+]
13.107,8 milioi euroko aurrekontua onartu du Gobernu Kontseiluak, eta 1.605 milioi euroko inbertsioa aurreikusi du. Susperraldi ekonomikoa izango du erronka. Hona sail bakoitzera eta sail horietako zein arloetara bideratuko den dirua.
Madrilgo Gobernuko aurrekontu proiektuan 662,9 milioi euro Hego Euskal Herrirako gorde dituzte, horietatik 388,4 milioi AHTarentzat, alegia, erdia baino gehiago.
Astelehen eguerdian Nafarroako hainbat sindikatu eta eragile sozialen 40 bat ordezkari bildu dira Nafarroako Gobernuaren aurrean, Karlos III.ena etorbidean, aurrekontu sozialak aldarrikatzeko eta argiaren salneurriaren gorakada salatzeko.