Nafarroak uztailaren 1ean eskuratuko du 1959an galdu zuen trafiko eskumena
Datorren uztailaren 1ean Nafarroak trafiko eskumenak berreskuratuko dituela iragarri du María Chivite Nafarroako Gobernuko lehendakariak. 1959an kendu zizkion eskumenak Nafarroari Espainiako Gobernu frankistak.
Ostegun honetan iragarri zuen albistea Chivite lehendakariak Nafarroako Legebiltzarrean eta bera ere zuhurtasunez aritu zen datarekin, hainbatetan ez baitira bete agintariek egindako iragarpenak. Duela bi urte kartzeletako osasun transferentzia egin zen, eta horrela, trafikokoa gauzatzen denean, hogei urtean Espainiako Gobernuak Nafarroari egiten dion bigarren transferentzia izango da.
Navarra Sumako alderdiek izan ezik, gainerako guztiek hartu dute ongi iragarpena, alderdi ia guztien aldarrikapena historikoa baita. Transferentziarako lehenbiziko akordioa 1999an iragarri zuten José María Aznar Espainiako Gobernuko lehendakariak (PP) eta Miguel Sanz presidenteak (UPN). ETAren jarduna indarrean zegoela eta, azkenean PPk ez zuen gauzatu.
Hurrengo saioa 2002an egin zuen Sanzek berak, eta oraingoan Espainiako Gobernuak aitzakiarik izan ez zezan, eskaini zion Nafarroak berreskuratzea eskumena, baina errepidetako zaintza lanak Foruzaingoak eta Guardia Zibilak elkarrekin egitea. Espainiako Gobernuak ezetza eman zuen ostera ere. Ondorengo akordioak 2018an –Uxue Barkosen gobernuan–, 2020an eta 2021ean eman ziren, azken bietan Chiviteren gobernuarekin jada, baina horietan ere ez zen transferentzia gauzatu.
Horregatik guztiagatik, Chivitek iragarri zuen uztaileko data ia segurua dela, baina oraindik ez dela behin-betikoa. Navarra Sumak eta Espainiako eskuinak kanpaina gogorra egin dute gaiaren inguruan, batez ere EH Bilduk transferentziaren gaia sartu zuenean PSOErekin egindako Espainiako Gobernuaren aurrekontu akordioetan. PSOEri EH Bilduren eskuetan egotea leporatu diote etengabe, eta Guardia Zibila Nafarroatik kanporatu nahi izatea.
1.581 guardia zibil Nafarroan
Eskuinaren argudioek, aldiz, ez dute ez hankarik ez bururik, aipatu den gisan Espainiako eskuinak eta Nafarroako eskuinak egindako saioak oso aspaldikoak direlako. Guardia Zibilak Nafarroatik alde egiteari dagokionez, alderdi abertzaleen aldarrikapen historikoa da, baina oraingoan ere ez da beteko. Nafarroan 1.581 guardia zibil daude eta horietatik %10 bakarrik aritzen da trafiko lanetan. Guardia zibil horiek aukera izango dute, hala nahi badute, Foruzaingora sartzeko.
Guardia Zibila, dena den, ez da desagertuko Nafarroako errepideetatik uztailaren 1etik aurrera. Eskumenen transferentzia prozesua bost urtez luzatuko da, Foruzaingoak eskuduntzei ekiteko behar dituen 149 polizia izan arte.
Foruzaingoak honako funtzioak berreskuratuko ditu transferentziarekin: isunak jartzeko eta kentzeko ahalmena, autoeskolen eta gidabaimenen bideratzea, bideko segurtasuneko formazioa eta kanpainak, istripuei buruzko informazioaren kudeaketa, eta kirol edo bestelako ekitaldietan errepideak kontrolatzea.
.jpg)
Sortu berri duten organoaren eginkizun nagusien artean daude, besteak beste, diskriminazioaren aurkako politikak sortzea, migratzaileen eta gutxiengo etnikoen elkarteen parte hartzea sustatzea, Nafarroako arrazakeriaren egoera globala aztertzea, eta Arrazakeriaren eta... [+]
Nafarroako Legebiltzarrean datorren urteko aurrekontuak ixteko negoziazioetan ari dira egunotan alderdiak, eta horietan adostutakoaren arabera, euskararen Euskararen Nafar Institutuak iaz baino 1,3 milioi gehiago izango ditu.
Osasun Legea aldatzea beharrezkoa dela adierazi du Nafarroako Osasun kontseilariak, hala nola Osasunbidea enpresa-erakunde publiko bihurtzea, bestela “luze gabe sistemak porrot” egingo duela argudiatuta. Sindikatuak ez daude formula horrekin ados.
.jpg)
Entitate sozial honen langileek Etxebizitza, Gazteria eta Migrazio Politiken batzordean agerraldia egin dute haien lana azaltzeko. Hizlariek etxebizitza duinak, bizileku zein lan baimena erraztea eta osasun mentaleko baliabide publiko gehiago eskatu dizkiote Foru Gobernuari... [+]
María Chivite lehendakariak esan du kezkatuta dagoela Alemaniatik Volkswagenetik datozen albisteekin, baina aldi berean, konfiantza duela multinazionalak Iruñean duen lantegian, orain arte iragarritako planak betetzen ari direlako.
Nafarroako "eremu mistorako" deialdi bakoitzean, banan-banan, zehaztu beharko da euskarari zein atzerriko hizkuntzei ematen zaien puntuazioa, eta eremu ez euskaldunean ez da euskara baloratuko. Nafarroako Gobernuaren "jarrera euskarafobo, atzerakoi eta... [+]
Nafarren %68,3 biltzen dituzten 21 udalerri tentsio handiko eremu izendatuko dituela aditzera eman du Begoña Alfaro kontseilariak. Albistea begi onez hartu arren, EH Bilduk aurrekontuak babestearen truke herrietan “hutsik dauden etxebizitzak bizigarri” egitea... [+]
Etxebizitzaren arazoari irtenbidea ematea du helburu Nafarroako Gobernuak hasitako prozesuak. Tentsio handiko eremu izendatu nahi dituzten udalerrien artean daude, besteak beste, Iruñea, Tutera, Lizarra, Tafalla, Corella, Noain, Cintruénigo, Baztan eta Altsasu... [+]
EH Bilduk seigarren urtez jarraian Chivite lehendakariaren aurrekontuak ahalbidetuko ditu, abstentzioaren bidez. Egungo akordioa mantenduz gero, abenduaren 19ko Osoko Bilkuran gauzatuko da proposamena.
Hitzarmenak 1.035 euroko gutxieneko errenta bermatuko du eta euskara, osasuna eta etxebizitza izanen ditu konpromiso estrategiko nagusi. Hamargarren urtez jarraian, UPNk ez du batere eraginik izanen aurrekontuetan, urteroko legerik garrantzitsuenean.
Nafarroako Gobernua ezustean harrapatu du Zangozako Muga meatze proiektuari Justiziaren arlotik emandako ostikadak. Hala onartu du Mikel Irujo Trantsizio Ekologikoko kontseilariak. Espainiako Meatzeen Legea aldatu beharko litzatekeela esan du eta ez du argitu Nafarroako Justizia... [+]
.jpg)
EH Bilduk, Geroa Baik eta Contigo-Zurekinek ekainean egin zuten eskakizuna, eta Espainiako Armadak ezetz erantzun berri du arrazoirik eman gabe, koalizio moreko Daniel Gómez bozeramaileak salatu duenez.
Zurekin Nafarroa taldeak EH Bildu eta Geroa Bairekin batera eskatu zuen Bardeako tiro poligonora bisita egitea. Armadak posta elektroniko bidez jakinarazi dio ez dela posible izanen bertaratze hori, arrazoi "operatiboak" tarteko.
Langileek %23ko erosteko ahalmena galdu zuten 2019ko akordioa sinatu zuten arte. Patronalak orain soldatak izoztea eta hainbat baldintza murriztea proposatu du. PSNk KPIaren eguneratzea eta %2ko soldaten igoera bultzatuko duela esan du orain, gizarte eragileen presioaren... [+]
, Nafarroako parlamentuan..jpeg)
Bizikidetasunaren eta Nazioarteko Elkartasunaren batzordeak Munduko Medikuak erakundearen eskaera onetsi du, PSNk aurka bozkatu duen arren. Irailean zehar 40 bat lagunek Mendebaldeko Saharatik Madrilera bidaiatu zuten nazioarteko babes eske eta dagoeneko haietatik hamasei... [+]