Nafarroak 2023an Madrildik jasoko dituen 103 milioi eurotik 71 AHTra doaz
Espainiako gobernuak 2023rako aste honetan aurkeztutako aurrekontu orokorretako datuak dira, eta horietan ikusten da Madrildik apustu handia egiten dela Nafarroako abiadura handiko trenaren alde.
Ez da txantxetakoa AHTri eman nahi zaion garrantzia, Espainiako Kongresuak aurrekontuak bere horretan onartzen baditu, Espainiako Gobernuak 2023an Nafarroan egingo duen inbertsioaren %69 AHTra bideratuko baita. Horietatik 62,8 milioi Zaragoza-Iruñea-Euskal Y linearen eraikuntzara bideratuko dira, eta beste 8,1 milioi Garraioaren Sare Transeuroparraren korridorera.
Oro har, estatuko aurrekontu orokorretatik iaz baino gehiago jasoko du Nafarroak –iaz 77 milioi euro– eta gehiago inbertituko du AHTn –ia 53 milioi–. Eta gastatu nahi dena asko bada ere, orain arteko egindako inbertsioa ez da oraindik proiektua amaitzeko beharrezkoa den %10era iristen. Espainiako Erantzukizun Fiskaleko Agintaritza Independenteak (Airefek) 2020an ezagutzera emandako ikerketaren arabera, Nafarroako AHTn egiteke zegoen inbertsioren %96,2.
Madrilek ez du behar beste diru Nafarroako AHT nahiko lukeen azkartasunez egiteko, baina handik eta hemendik saioak egiten ari dira. Horren beste adibide bat da, hemendik eta 2026ra arte Nex Generation Funtsetako beste 140 milioi euro ere bideratuko dituela azpiegitura horretara.
Euskal Y-rako ez da halako inbertsio handirik aurreikusten. EAEk 558 milioi euro jasoko ditu estatuko aurrekontu orokorretatik 2023an –beti ere aurreikuspenen arabera–, eta horietatik 34,6 bideratuko dira AHTra.
2024ko otsailean Astigarraga-Hernani tartea amaitu zutenean Abiadura Handiko Trena 2027an prest egongo zela aurreikusten zuen Eusko Jaurlaritzak. Orain Arkautiko lotunearen obren lizitazioari ekin dio Jaurlaritzak; Euskal Trenbide Sarea enpresaren esku utzi du, eta 2027an hasiko... [+]
Informaziorik helarazi gabe eta baimen eskaerarik gabe hasi dituzte Abiadura Handiko Trena eraikitzeko asmoz lehenago egin beharrak diren zundaketa lanak Otsobi kontzejuaren lurretan. Stop Zundaketak plataformak jakinarazi du egoera: "Izako Udalari edo Otsobiko kontzejuari... [+]
Lapurdi zeharkatuko lukeen AHT egitasmoa aitzina doala salatu du ingurumenaren alde dabiltzan elkarteen artean osaturiko CADE kolektiboak. Urriaren 12 eta 13rako jarri du hitzordua, Gironda eskualdean Lurraren Altxamenduak sareak antolaturiko protestari sostengua erakutsiz.
Oscar Puente Espainiako Garraio ministroaren esanetan, Nafarroarekin lotura egiteko aukerarik "onargarriena" Gasteizkoa da, Ezkio-Itsasoko ibilbideak "konplexutasun teknikoak" dituelako.
2017an Gaintxurizketan tunela zulatzen hasi zirenetik etengabeak izan dira AHTko obrek Renferen tren zerbitzuan eragindako murrizketak eta kalteak. Orain, Espainiako Garraio Ministerioak iragarri du udaran hainbat astez etenda egongo dela zerbitzu hori Hernani eta Irun artean... [+]
Manifestazio jendetsua egin dute Altsasun AHTren lanak gelditzea eta gaur egungo trenbidea hobetzea eskatzeko.
AHTren kontrako eta trenaren aldeko eragileek deituta, manifestazioa egingo dute Altsasun apirilaren 20an, larunbatarekin, tren-azpiegiturak berritu eta trenen maiztasuna handitzea eskatzeko. Alternatiba bat badagoela gogorarazi dute deitzaileek eta azterketa hori aurrera... [+]
Muru Artederreta herrian, Murugain izeneko muinoan, Burdin Aroko herrixka baten horma agerian geratu da, AHTren lanentzako laginak hartzen ari zirela. Bizilagunen hango elkarteak salatu du trenarentzako tunel baten ahoa eraikitzeak harresiaren zati bat suntsituko lukeela.
Abiadura Handiko Trenaren inguruan mintzatu dira zenbait ekintzaile asteazkenean Iruñeko Zabaldin osatu duten hitzaldian. Italiako Val Susa bailarako adibidea bertatik bertara ezagutzeko aukera ere izan dute han sortutako mugimenduaren ordezkari bat etorri delako... [+]