Nafarroa Berriz Altxa ekimen sortu berriak burujabetza aldarrikatu du
Iruñean aurkeztu dute Nafarroa Berriz Altxa herri ekimena. Burujabetza berreskuratzeko beharra eta erabakiak bertan hartu ahal izateko premia azpimarratu dituzte Iruñeko gotorlekuan egindako aurkezpen ekitaldian.
Mugimendua bultzatu dutenek manifestua atera dute eta 73 pertsonak sinatu dute. Tartean dira mugimendu feministako, euskalgintzako, lan eremuko, ekologismoko, ikasle mugimenduko eta pentsiodunen mugimenduko pertsonak. Horietako hainbatek hartu du parte aurkezpen ekitaldian.
Aurkezpena Iruñeko gotorlekuan egin dute, beraien hitzetan Iruñea menderatu eta kontrolpean mantentzeko eraiki zuten gotorlekuan. Mugimenduaren sustatzaileek 1521eko herri altxamenduak eta Noaingo eta Amaiurko gudak aipatu zituzten eta adierazi zuten 500. urteurrena baliatuko dutela Nafarroaren eta Euskal Herriaren askatasuna eta burujabetza aldarrikatzeko.
Datozen asteetan hitzaldiak, aurkezpenak eta mobilizazioak egingo dituzte. Ekainaren 19rako manifestazioa eta ekitaldi politikoa iragarri dituzte. Laster Tafalla eta Larragako Rotten XIII musika taldeak mugimenduarentzat sortutako kanta aurkeztuko dute. Ekimenaren finantzazio iturri izan dadin elastikoa salgai jarri dute.
Manifestua, sinatzaileen zerrenda eta elastikoak erosteko aukera Nafarroa Berriz Altxa webgunean dago.
Euskal eskola publikoetan irakasleek sekulako lana egiten dute aniztasuna kudeatzen. Euren lana egiteko modua berrasmatu behar izan dute azken urteetan. Konplexuagoa bilakatu den mundu honetan pertsona izatea zer den esploratzeko laborategiak iruditzen zaizkit eskola publikoak... [+]
Udalbiltzak 2021etik antolatzen du Geuretik Sortuak sormen beka. Oraingoan, literaturaren alorrari dagokion Hamarreko bitxia ipuin liburua aurkeztu dute Donostian.
Herritarrei eta Hernaniko enpresei energia aholkularitza eskainiko die.
Abenduaren 6an Konstituzioaren Eguna ospatzen da Espainiako Estatuan. ARGIAn aspaldi egin genuen hautua gure egutegi propioa landu eta jai inposatzaile eta arrotzak ez onartzeko; horregatik, asteazken honetan normaltasunez ari gara lanean, ez dugulako ezer ospatzeko.
Ostiral honetan ekonomialari euskaldunek zita garrantzitsua dute Gasteizko Euskaltzaindiaren egoitzan. Ekonomialarien Euskal Elkargoak eta Udako Euskal Unibertsitateak antolatuta, biltzarra egingo dute hirugarrenez. Euskal Herrian estrategikoak izan daitezkeen hainbat gairen... [+]
Hernani Burujabe herri proiektuak, Hernaniko Udalak eta Udalbiltzak hiru eguneko jardunaldiak antolatu dituzte urriaren 19tik 21era, burujabetzen gaia ardatz hartuta, herrigintza eta udalgintza ikuspegi eraldatzaile batetik jorratzeko. Hainbat esperientziren inguruko hitzaldiak... [+]
Urkullu lehendakariak konbentzio konstituzionalaren proposamena egin du Espainiako Estatuan autogobernuaren eztabaidan sakontzeko eta estatu plurinazionalaren egiazko aitortza egin dadin.
Behe Nafarroako Behorlegin asteburu osoko egitaraua eraman du aurrera herriBiltzak. Larunbatean Parisko Komunaren iraultzaren urteurrena gogoratu dute eta igandean kurduen eta euskaldunen arteko elkartasuna indartzeko udaberriko festa ospatu dute elkarrekin. Bi egunetan erein... [+]