Nafarroako Gobernuaren azken adierazpenen aurrean
Gaur bertan jakin dugu, hainbat hedabideren eskutik, Nafarroako Gobernuak “elkarrizketarako borondatea” agertu duela. Aldi berean, blokeo egoeraren errua egotzi digu eta hustutze “lasaia” espero dutela adierazi. Zinismo honen aurrean, azken hilabetetan jasotakoaren hainbat iritzi eta gertakariren kontakizuna argitara emateko beharrean gaude.
Oztopo gezur eta hauste instituzionalek baldintzatutako prozesu luze baten ostean 2017ko irailaren 3an Maravillas Gaztetxea okupatu zen. Irailaren 4an, Nafarroako Gobernuak helegitea aurkeztu zuen proiektuan parte hartzen duten hainbat lagunen aurka. Gertakari honek argi utz dezake gobernuaren elkarrizketarako prestutasuna zer nolakoa izan den.
Kasua epailearen eskutan zegoela, honek bi aldeei mediazio eskaera egin zien akordio batera hel zitezen. Bi hilabetez egon ginen mahaian eserita Gobernua parez pare, Maravillas Gaztetxea bizirik manten zezakeen irtenbidea bilatu nahian. Hala eta guztiz ere, hesia geldiezina suertatu zen, jaso genuen eskaintza bakarra zera izan baitzen: “Alde egin eta ordain itzazue kalteak”. Kalteak? 20 urtez abandonaturik iraun duen espazioa atondu eta auzoarentzat irekitzea kalteak sortzea da? Gaur egun Nafarroan jasotzen ari den kalte bakarra eraikitzen ari zareten AHT-a da.
Ez ziren gutxi izan elkarrizketa horietan Gobernuari egindako eskaintzak, baina haien partez, BETI erantzun berdina jaso genuen: KANPORA. Horrela elkarrizketak hautsi egin ziren eta prozesu judizialak bere bidea jarraitu zuen gaur egun arte. Horrekin nahiko izan ez balute, gobernua akusazio partikular gisa azaldu zen eraikinaren kautelazko hustutzea eskatuz, hau da, indarrez kanporatzea epaiketa ospatu izan ez arren. Eta gu gara jarrera ofentsiboa daukagunak? Atzo goizean gure pazientzia agortu egin zen, Polizia Foral ugari gaztetxe ingurura hurbildu ziren, helikoptero eta guzti, zeinak Gaztetxeko teilatuko irudiak grabatzen egon zen. Ez gaitezen engainatu, atzoko operatiboak desalojoa prestatzeko informazio bilketa zuen helburu.
Honen aurrean, nola da posible Nafar Gobernua, bere bozeramailea den Maria Solanaren bitartez, Maravillas gaztetxea elkarrizketarako prest ez dagoela esatea eta jarrera ofentsiboa egoztea. Jakinik haiek izan direla BETI errepresioaren bidea aukeratu dutenak Gaztetxearen aurka jotzeko. Argi utzi nahi dugu, haien jarrera hau bada gu defendatuko garela.
IRITZIA | 'Nafarroako Gobernuaren azken adierazpenen aurrean'
— ARGIA (@argia) 2018(e)ko abuztuaren 9(a)
Maravillas gaztetxeko kideen oharrahttps://t.co/f4QF3lsM0H pic.twitter.com/Oeyt8clZjg
Bertan behera geratu da Barakaldoko epaitegian egingo zen Sastraka Gaztetxeko bederatzi kideren aurkako epaiketaren ahozko saioa. Akusatuen defentsak egozten zaien okupazio delitu arinaren preskripzioa planteatu du, eta Fiskaltzak karguak erretiratu ditu.
Urtebetez egon da Gasteizko Alde Zaharreko frontoi okupatua itxita, 2023an kazkabar ekaitz batek teilatua apurtu ostean. Pozik daude pilotalekua kudeatzen duen Txapa Ahotsa asanbladako kideak, konponketa prozesuak erakutsi dielako pilotalekua “espazio garrantzitsua”... [+]
Dutxa Etxea zena 2013an itxi zuten Javier Marotoren alkatetza garaian, “integrazio arazo bat” zela argudiatuta. Uztailaren 22an auzoko zenbait eragile eta bizilagun Alde Zaharreko lokalean sartu ziren Herri Labanderia izeneko garbitegia martxan jartzeko. Udaltzaingoa... [+]
Bilboko AZET plataformak pisu turistiko bat okupatu zuen atzo, auzoaren turistifikazioa salatzeko.
Lokalaren jabeak eta Ertzaintzak desalojatu eta hesitu egin dute Jardun Koordinadorak maiatzaren 1ean okupatu zuen Kantauri espazioa. Jauregi Jenerala kalean dago lokal hori, eta bi hilabetez egon dira Jardun Koordinadorako kideak bertan, hainbat gorabehera izan badituzte ere.
Iaz, Señora Sariketa irabazi zuenean, Maider Arregik “inporta zaizkion jendea eta kausak” aipatu nahi izan zituen agurrean: “Infernu auzokoak, bollerak, marikak, AHTren kontra dabiltzan lagunak, okupazioaren aldekoak…”. Horiek denak eta... [+]
Zazpi urtetik gora okupatuta eman ondoren hustu egin dute Aiztogile kaleko 92. zenbakia.
'Desokupa kanpora' lelopean, elkarretaratzea egin dute larunbatean, etxebizitzaren aurrean.
Apirilaren 18rako zegoen ezarrita desalojoa, eta lurrak defendatzeko asmoz bertaratu ziren hainbat pertsona. Ertzaintza, baina, ez zen joan, eta auzitegiek jakinarazi dute atzeratu egin dutela huste saiakera. Desalojoa gelditzea lortzen duten bigarren aldia da.
Berangoko Otxantegiko nekazal lurrak modu kolektiboan lantzen bi urte eman ditu proiektu agroekologikoak, baina desalojo agindua dute apirilaren 18rako. Kanporatzea gelditzea lortu zuten iaz, eta berriro ere lortuko dutelakoan, gosari herrikoia deitu dute egun horretarako... [+]
Apirilaren 13an Berangoko Otxantegi Herri Lurra proiektuaren II. urteurrena ospatuko dute. Apirilaren 18an ordea bigarren desalojo saiakeraren mehatxua izango dute gainean.
Zestoako Gaztetxearen kontrako prozedura judiziala mantentzen du Elizak: asteazken honetan izango da epaiketa. Aurreko ostiralean, Gaztetxearen aldeko elkarretaratze bat izan zen Donostiako Artzain Ona katedralean.
Gipuzkoan, 700 apostasia eskaera baino gehiago lortu dituzte Zestoako Gazte Asanbladak eta Langile Kontrolpeko Espazioen Defentsa Komunitateak. Bihar protesta bat egingo dute Donostiako Artzain Ona katedralean, aurrera baitoa Gaztetxearen kontrako prozedura: hilaren 24an... [+]
Lurrak espekulaziorako eta dirua egiteko helburu bakarrarekin darabiltzaten jabeak badira Euskal Herriko hamaika txokotan; horren adibide nagusi izan dira azken urteotan Arbonako, Senpereko eta Kanboko esperientziak. Baina Hego Euskal Herrian ere badira antzeko kasuak; Uribe... [+]