Nabarmen igo da antsiolitikoen eta depresioaren aurkako botiken kontsumoa gazteen artean
Hego Euskal Herriko gazteen osasun mentalaren egoera “kezkagarria” da, Gurea Geroa atari digitalak egindako txosten batek agerian utzi duenez. Inkestaren arabera, gazteen erdiek ondoez emozionala pairatzen dute, eta hamarretik seik pentsamendu suizidak izan dituzte noizbait.
Inkesta 16 eta 30 urte bitarteko gazteen artean egin zen maiatzetik abuztura bitartean. Guztira Gipuzkoako, Bizkaiko, Arabako eta Nafarroako 3.700 gazte ingururen erantzunak jaso dituzte. Bertan adierazi dute antsiolitikoen eta depresioaren aurkako botiken kontsumoa nabarmen igo dela, eta gainera askok medikuaren agindurik gabe erabiltzen dituztela.
Azaldu dutenez, gazteen zoriontasun maila, tristura, pentsamendu suizidak eta gizarte harremanen pertzepzioak aztertu dituzte ikerketan. Hala, jasotako emaitzek buru osasunaren inguruan “alarma laranjak eta gorriak” piztu dituztela adierazi dute. Datu horiek azaroaren 27an aurkeztu dituzte Eusko Legebiltzarrean, eta txostenak osasun mentalaren inguruko gomendioak ere biltzen ditu.
Gazteen ondoezaren arrazoi nagusien artean daude gizarte eta adiskidetasun harremanen zailtasunak (%28), lan duina aurkitzeko arazoak (%22), nortasunari lotutako egoerak (%20), eta emantzipazio arazoak (%18). Bestalde, nahi gabeko bakardadea bizi izan dutela aitortu dute gehienek (%86).
Osasun mentalaren inguruko arazo larriak ikusita, arreta berezia eskatu dute inkestaren egileek suizidioaren prebentzioan eta laguntza psikologikoaren arloan. Datu adierazgarriak dira hamar gaztetik seik beren burua zauritzeko edo pentsamendu suizidak izan dituztela noizbait, eta antsiolitikoen eta depresioaren aurkako botiken kontsumoa nabarmen igo dela; gainera, askok medikuaren agindurik gabe erabiltzen dituzte.
Egoera hobetzeko gomendio zehatzak aurkeztu ditu txostenak. Besteak beste, harreta psikologiko unibertsala sustatzea, doako zerbitzu publikoak garatzea eta buru osasunaren inguruko heziketa lantzea proposatu dute. “Politika publiko berrien garapenerako gonbita da inkesta”, laburbildu du ikertzaileetako batek.
Krisi egoeran idatzitako gogoetak eta lagungarri egin zaizkion tresnak jasotzen ditu Iratxe Etxebarria kazetariaren 7.300 miligramo eszitalopram liburuak.
Hori esan zidan ikasle ohiak, asko kostata jarri zuen salaketa hilabeteak pasata ez aurrera ez atzera zegoela epaitegian eta, psikologoak aholkatuta, bortxaketa salaketa kendu egin zuela. Eta ni isilik, ezin asmatu zer esan oraindik ere antsietate zantzuak zituen gazteari... [+]
Estresa, nekea, antsietatea eta beste dira sisifemiak eragiten dituen zenbait ondorio. Esanahiaz, jatorriaz eta prebentzio neurriez mintzatu da Ziortza Karranza psikologoa.
EAEk du elektroshockaren praktika tasarik altuena Espainiako Estatuan; Nafarroan berriz, pazienteen euste mekanikoa ohikoa da ospitale psikiatrikoko unitateetan. Psikiatrikoetako indarkeria eta gehiegizko medikazioa salatzeko, Estatuko Harro Zoro Erradikalen manifestazioa Bilbon... [+]
Bizkaiko Foru Aldundiko Emakumeak Babesteko eta Familiei Laguntzeko zerbitzuan, lau psikologotik hiru kendu dituzte. Are gehiago, langileek salatu dute indarkeria matxistaren biktimak artatzeko plan berriak emakume ugari uzten dituela kanpoan.
Ez dute asmo suizidarik eta ez dute zertan buruko gaitzen bat izan: autolesionatzea min emozionala gestionatzeko modua da hainbatentzat. Adin txikikoen %20ak bere buruari min fisikoa eragin dio edo eragiten dio, eta nerabeek dituzten bost osasun arazo nagusien artean dago jada,... [+]
Haur eta nerabeen artean (bereziki 12 eta 21 urteen artean), elikadura nahasmenduak lehentasunezko gaitz mental bilakatu dira, Osasunaren Mundu Erakundearen arabera. Pandemian nabarmen egin zuten gora elikadura nahasmenduek neska gazteen artean, muturreko kasuak areagotu egin... [+]
Lagundu nahi eta kontrakoa eragin dezakegu, ez badakigu gestionatzen zer esan eta egin, gertuko norbaitek aitortzen digunean egoerak gain hartu diola eta bere buruaz beste egingo duela. Jarraibide erraz batzuk eman ditu Pablo R. Coca psikologoak, hain egoera konplexuari aurre... [+]
Baleta, hipika, atletismoa… Denetarik probatzeko aukera izan du Irati Beorlegi Goñi bidasotarrak txikia zenetik. 21 urte zituela ordea, telebistako El Conquistador del Mundo saioan parte hartu zuela ezagutu zuen oztopo lasterketa. Txapelketaz txapelketa igaro ditu... [+]
Eskolan suizidioa prebenitu eta esku hartzeko protokoloa 613 aldiz abiatu dute EAEn, protokoloa martxan jarri den lehen ikasturtean. Bai irakasleak, bai ikasleak gaian trebatzea da helburua, buruko osasun arazoak ikasleen artean ere arazo larri bihurtu diren garaiotan.
Gazteen artean izan da nabarmenena igoera: 2019tik %91 hazi da baja kopurua. Emakumezkoen bajak, berriz, ia bikoitza izan dira gizonezkoekin alderatuta. Konfinamenduan jo zuen goia buru osasunagatiko baja kopuruak, baina aurtengo maiatzean kopuru hori gainditu egin da.