Mutrikuko portua handitzeko obrak hasi dituzte, herri-galdeketa egiteko eskaria mahai-gainean dagoenean
Danborzaleak plataformak 1.200 sinadura aurkeztu dizkio Mutrikuko alkateari, portuko dikea handitzeko obrak gauzatu aurretik galdeketa egiteko eskatzeko.
Eusko Jaurlaritzaren Ekonomiaren Garapen, Jasangarritasun eta Ingurumen Sailak pasa den astean abiatu zituen Mutrikuko portuko dikea 88 metro luze handitzeko obrak. Obrak FCC enpresari esleitu dizkiote, 15.623.787 euroko aurrekontua dute eta 17 hilabetean bukatuko lirateke, Jabi Leon kazetariak jaso duenez Noticias de Gipuzkoa egunkarian. Jaurlaritzak adierazi duenez, abian diren obrak mugatuko dira babes-dikea luzatzera –porturako sarbidea hobetu eta dartsenako segurtasuna bermatzeko–. Alegia, ez du esan nahi 2002ko Portuaren Plan Bereziak jasotzen dituen beste ekintza batzuk gauzatuko dituztenik, kazetariak dioenez.
Obrak direla-eta, Danborzaleak plataformak 1.185 sinadura –tartean 719 mutrikuarrenak– aurkeztu ditu Udalean. Hiru eskaera egin dizkiote alkateari: obrak hasi aurretik Eusko Jaurlaritzari eska diezaiola portuko proiektuaren gaineko azalpen garden, publiko eta zintzoa emateko; herri galdeketa egin bitartean Udalak eskura dituen baliabideak balia ditzala obrak geldiaratzeko; eta galdeketaren emaitza errespetatzeko.
Noticias de Gipuzkoa egunkariaren arabera, Eusko Jaurlaritzak asmoa du dikeko obrak amaitzean Plan Berezia berriro aztertu eta parte-hartze prozesu baten ostean zein ekintza egin behar diren eta zein ez erabakitzeko. Danborzaleak plataformak, ordea, galdeketa aurretik egiteko eskatu du. Elkarteko kideek kezka agertu dute, dikea luzatzerakoan haren eta danborraren arteko urak kirol portu batekin beteko direlako, haien ustez. “Jaurlaritzak aspaldian hartuta duen kostaldearen kudeaketa eta ustiapenerako politika kontuan hartuta, okupazio hori kirol portu baten bidez egingo da”, diote. “Lehenago edo beranduago, orain arteko danbor, piszina eta hondartza inguruaren erabilera murriztu edota debekatuko dizkigute”.
Bakio, Laida, Lekeitio, Mutriku, Orio eta Donostian egin dituzte Etxeratek urtero antolatzen dituen hondartzetako mobilizazioak. Aurten Sare Herritarra batu da aldarrikapenera.
Dikearen obrak aurrera eramateko esleipena zuen enpresak obrak bertan behera utzi dituela esan dute plataformatik. "Ez dugu informazioa iturri ofizialetatik jaso".
Energia Berriztagarrien Lurralde Plan Sektorialak gune eolikoak sortzeko proposatu dituen eremuen artean daude Mutrikuko, Berriatuko eta Markina-Xemeingo eremuak.
Lau horma irudi egingo dira aurten. Urtero hainbat artista gonbidatzea da udalaren asmoa. Artista bakoitzak hamar urteko bermea ematen du bere horma irudia bere horretan mantenduko dela ziurtatzeko.
Europako Parlamentuko eskaera batzordeak onartu egin du Mutriku Natur Taldeak dikea luzatzeko obren legezkotasunari buruz egindako berrikuspen eskaera. Plataforma ekologistak dio argi dutela Jaurlaritzak kirol portu bat egin nahi duela. "Gutxienez legea betetzeko... [+]
Hamasei urtetik gorako 871 mutrikuarrek parte hartu dute herri galdeketan. Portuko dikea ez luzatzearen aldeko boza 819 lagunek eman dute, eta aldekoa 45ek.
Portuko proiektuaren prozedura eteteko eskaera egin du, legez ezarritako prozedurak ez betetzeagatik.
Tapia andreari zuzenduta, zuregana jotzen dugu Mutrikuko Portu Berriko proiektuarekiko Eusko Jaurlaritzaren kudeaketarekin ez gaudela batere ados adierazteko. 90eko hamarkadaren amaieran, eta gure arrantza-portua babestuko zuen babes-dikea eraikitzeko aldarrikapen historikoan... [+]
Mutrikuko portuan egitear den proiektua gelditzea dute helburua. Proiektuak hainbat ondorio ekarriko lituzke Danborzaleak kolektiboaren hitzetan: dikearen luzatzea, kirol portuaren eraikitzea, hondartza eremuaren pribatizazioa, danborra eta ingurumen naturalaren suntsipenaren... [+]
Euskal kostaldean barrena ibiltzea, historia liburu bateko orrialdeak hatzen artean igarotzea bezala dela esan ohi da. Flyschak dira liburu hori, milioika urteko denboraren joana geruzaz geruza azaltzen baitzaigu.
Mutrikuko udaletxearen aurrean estatua duen eta Euskal Herriko herri askotako espazio publikoan presente den Cosme Damian Txurruka militarrak kale bat gutxiago izango du aurrerantzean. Mallorcako Palmako udalak berea eta beste hamaika pertsonei frankismo garaian eskainitako kale... [+]
Kultura ezinbestez defendatu eta elikatu behar dugu altxorra eta bizipoza delako. Eta aurten ere, oztopoak oztopo, Mutrikuko Rock Kolektiboak antolatu du AbenduRock jaialdia: dokumentalak eta kontzertuak gaztetxean eta kiroldegian. Horiek guztiak profesionaltasun eta mimo handiz... [+]
Aurten bigarren aldiz –eta aurreko urteetan gehiagotan–, Mutrikuko Mijoa errekan ondoko industriaguneko araztegitik datorren isurketa antzeman dutela salatu dute herriko natur taldeak eta Eguzki talde ekologistak.
Eraso matxistak gertatu dira Santurtzin eta Mutrikun. Herri horietako talde feministek kazeroladak deitu dituzte astearte iluntzean.