Mutildantzetan emakumea baztertzearen kontra azaldu da Baztango Batzar nagusia
Udalaren osoko bilkurak, aldiz, salaketa hori errefusatu zuen joan den asteko batzarrean.
Baztango Batzar Nagusiak ohiko bilkura ospatu zuen urriaren 1ean. Asteleheneko bilkurako gaien artean, Baztango Talde Feminista, Jo ala Jo eta Plazara Dantzarak aurkeztutako mozio bat landu zen. Bertan, «Elizondoko elizaren eremuetan ematen den bazterketarekin kezkatuak» agertu ziren mozioa aurkeztu zuten taldeak. «Baztandarren Bitzarrean eta Elizondoko bestetan mutildantza baztertzailea ematen da eta horren aitzinean esku hartzea eskatu nahi dizuegu», hala zuzendu zitzaizkion Batzar Nagusiko kideei.
Mutildantzetan emakumea baztertzearen kontra azaldu da Baztango Batzar nagusia Asteleheneko Batzar Nagusiaren bilkuran Mutildantzetan emakumea baztertzearen kontrako mozioa onartu zen.
Mozioan azaltzen zuten Baztango herrietako bestetan jotzen den mutildantza ofizialetan emakumeen parte hartzea bermatua zegoela eta bazterketa desagertua zela, mutildantzak dantzatzen diren herri guztietan parekideak dantzatzen direla eta zuzeneko erasoak desagertu direla. Dena den, Baztandarren Biltzarrean eta Elizondoko bestetan «bazterketa gauzatu ahal izateko gizon talde bat elizaren babesean gotortu» eta «plazan dantzatzen ari diren tenore berean, boikot eginez, beren emanaldi baztertzailea gauzatzen» dutela gaitzetsi zuten.
Ondotik, Batzar Nagusiko kideei zuzendu zitzaizkien, «zuek ere zuen adierazpenetan errespetuan eta berdintasunean oinarritutako Baztan bat nahi duzuela erraten duzuelakoz» eta bi eskaera zehatz zituen mozioak: batetik, «publikoki salatzea Elizondoko elizaren eremuan ematen den emakumeekiko bazterketa» eta bertzetik «ekintza hori egiten duten gizonei egiteari uztea zuzenean eskatzea».
Baztango Ezkerrak, 2015ean Baztango Mutil-dantzari taldeak Elizondoko herritik jasotako testu bat aurkeztu zuen, zeinean azaltzen zen nola talde honi eskatu zitzaion beren mutildantza orduz aldatzea eta dantzariei, plazan, mutildantza parekidean dantzatzeko gonbidapena luzatu bidenabar, normaltasuna berrezartzeko bidean. Hori bete zutela eta orain salaketa egitea eskatzea gehiegikeria zela azaldu zuten. Azkenik, mozioa onartu zuen Batzar Nagusiak, aldeko 13 bozkarekin, kontrako 6 bozkarekin eta 7 abstentziorekin.
Udalak ez zuen mozioa onartu Mozio bera joan den asteko Udaleko Osoko Bilkuran ere aurkeztu zuten, eta orduan bertzelakoa izan zen emaitza. Mozioa ez zen onartu, izan ere, kontrako 5 bozka izan ziren (Geroa Bai, Baztango Ezkerra eta Baztan Auzolanean), aldeko 3 (EHBildu) eta 4 abstentzio (UPN).
>>> Artikulu hau Erran.eus webgunetik ekarri dugu ARGIAra, CC-By-SA lizentzia librea baliatuta.
Ausartuko gara esaten Otsagabiko (Nafarroa) eta Eltziegoko (Araba) dantzak direla irailak 8 bueltako dantzarik ezagunenak. Ibilbide eta historia luzea dute eta azken hamarkadetan Euskal Herriko dantza talde askoren errepertorioetan jasoak izan dira.
Sei urte ditu. Gustura ari zen da dantzan. Baina gurasoek jakinarazi digute utzi egingo duela dantza. Arrazoia? Eskolan burla egiten diote lagunek dantzan aritzeagatik. Sei urte. Eta dagoeneko genero estereotipoen indarkeria sufritzen. Nahikoa da! Gurasoak, eskolak, irakasleak,... [+]
Lesakako ezpata-dantzariak San Fermin egunerako ezpata-dantzako entseguetan dabiltza azken hilabetean. Hamabost atera ohi dira dantzara, eta besteak titularren batek hurrengo urteetarako lekua utzi zain daude.
Transmisioa eta dantza taldeetako erreleboa aztertu nahi izan dugu Dantzan Ikasi topaketetan, eta gazte belaunaldiek lan egiteko ereduak ezagutu nahi izan ditugu “Gazteen parte-hartzea euskal dantzan” mahai inguruan: Eder Niño Barakaldoko... [+]
Iruñeko alkate Joseba Asironek prentsaurrekoan iragarri duenez, Duguna dantza taldeak jaurtiko du 2024ko Sanferminetako txupinazoa. Duguna izan da Iruñeko herritarren boto gehien jaso duen hautagaitza. Hain zuzen dantza taldearen sorreraren 75. urteurrena ospatzen... [+]
"Guri bizitza joan zaigu espaloitik begira". 80 urteko emakumearen arrangura iltzatuta geratu zitzaion Josune Zubeldiari. Hainbat belaunalditako bost emakumek hartu dute hitza emakumeek dantzetan, herriko taldeetan eta errituetan izan dituzten borroka, aldaketa eta... [+]
Gerratik ihesi 1937ko ekainean Donibane Garazin Bilbo eta inguruetako 600 haur jaso zituzten. Hiriburuko Ziudadelan Eusko Jaurlaritzaren menpeko eskola kolonia bihurtu zuten, eta bi urtean 8-14 urteko 800 bat haur igaro ziren bertatik. Haurrekin 80 bat heldu ere iritsi ziren:... [+]
Aste hondar honetan euskal dantzen hiriburu bilakatu da Hendaia. Akelarre dantza talde hendaiarraren 50. urtemugaren testuinguruan, Lapurdi, Baxe Nafarroa eta Xiberoako hamasei dantza talde elkartu ditu bertan Iparraldeko Dantzarien Biltzarrak.
Nola deitzen da dantzariek batak besteari ipurdian sua piztearen zirraraz jolasean aritzen diren dantza? Ba plego-dantza izan liteke, edo bizker-dantza, edo tatin-dantza sua ipurdian edo Izetz ixetukoa-Baietz ixetukoa... Ablitasen, Baztanen, Garesen, Bardozen zein... [+]
Iazko azaroko Sansaturnino eguneko ospakizunak gibelean utzita, Iruñeko Duguna dantza taldeak 75. urteurreneko ekitaldiekin aitzina eginen du martxo hondar eta apiril hastapenean. Ondorengo lerroetan taldeak berak azaltzen ditu ospakizunok.