Musukoari eutsi
Argi dago 2020-2021 ikasturtea ez dela ohikoa izango. Urrun dago 1982ko ikasturte beltz hura, non unibertsitateak eta bigarren hezkuntzako zentro ugari giltzarrapoz itxita egon ziren ikasle greben ondorioz. Orain 40 urte ikasleek euren lekua, ahotsa, aldarrikatu zuten; egun, ordea, ekialdeko haizeak “ekarritako” birusa dugu protagonista, protagonismoa erreibindikatu nahian. Ez dut uste déjà vu baten aurrean gaudenik, baina aurtengo ikasturtea ere ikasle greba batekin hasiko da irailaren 15ean.
Historiak erakutsi digu ohiko gobernuek hartutako aldebakarreko erabakiek ez dutela arrakasta handirik izaten; egungoa ez da salbuespena izango. Horregatik, bada, ikasleen zein hezitzaileon haserrea inoiz baino justifikatuago dagoela esango nuke. Orain gutxi entzun nuen protokoloen atzerapenak pisuzko arrazoia zukeela, alegia, pandemiaren bilakaera zehaztasunez ezagutzea funtsezkoa zela segurtasun irizpideak jorratzeko. Hala al da? Ez al zekiten arduradunek sasikume honek -eta gizarteak oro har- bazekiena? Senperrenak pasako genituela, alegia. Irailak lau, ikasturtearen martxa ezbaian, eta ikasleen itzulera masiboa mahai gainean.
"Protokoloak berandu baino beranduago heldu dira zuzendaritza taldeetara, gerora, ikastetxeen esku uzteko eskola-komunitatearen osasuna bermatzeko ardura"
Sindikatuek, edo, hobeto esanda, irakasleek, zuzendariek, hezitzaileek ez al zuten zer esanik afera latz honen inguruan? Protokoloak berandu baino beranduago heldu dira zuzendaritza taldeetara, gerora, ikastetxeen esku uzteko eskola-komunitatearen osasuna bermatzeko ardura. Izan ere, COVID-19 arduradun kargua sortu da azaro eta abenduan birusak darabiltzan zirrikitu eta arrakalak zigilatzeko. “Goikoak” konturatzen al dira zeregin horrek dakarren erantzukizunaz? Bestalde, gure ikasleak eta euren gurasoak milaka kezkekin datozkigunean zer esango diegu? Bada, eutsi musukoari.
Gauzak horrela, bestelako ziorik gabe, umore puntua jarri nahiko nuke azken lerroetan, eta ni baino askoz “adituagoak” diren arduradunekin hurrengo problema matematikoa elkarbanatu:
Institutu batek 750 litro gel hidroalkoholiko erosi du ikasturteari aurre egiteko; 1,25 euroan litroa. Aldi berean, 500 xaboi erosi ditu, ikasleek “Dominus tecum” egin ostean eskuak behar bezala garbitzeko; unitatea 2 euroan. Azkenik, zuzendaritza taldeak 0,5 euro balio duten 1.000 maskara eskatu ditu; badaezpada, ikasleek bidetik galduko dituztelakoan. COVID-19aren aurkako kontingentzia planean jasota datozen produktu hauek ordaindu ostean, oraindik 10.000 euroko aurrekontua geratzen zaio zentroari. Gauzak horrela, zenbat diru zeukan institutuak erosketak egin aurretik?
Bidali zure iritzi artikuluak iritzia@argia.eus helbide elektronikora
ARGIAk ez du zertan bat etorri artikuluen edukiarekin. Idatzien gehienezko luzera 4.500 karakterekoa da (espazioak barne). Idazkera aldetik gutxieneko zuzentasun bat beharrezkoa da: batetik, ARGIAk ezin du hartu zuzenketa sakona egiteko lanik; bestetik, egitekotan edukia nahi gabe aldatzeko arriskua dago. ARGIAk azaleko zuzenketak edo moldaketak egingo dizkie artikuluei, behar izanez gero.
Ez dut oso argi gure bizitzak gidatzeko, banaka, botere nahikoa dugun, baina saiatzen jarraitu behar dugula bai. Taldean gauza asko egin badaitezke ere, egunero gure buruarekin borroka bakartia dugu aurrera egiteko. Gizaki gehienok, bizitzea den norabide bakarreko ur... [+]
Ilarei buruzko artikulu bat irakurri nuen duela bizpahiru egun, Guillem Martinezena, eta ez dakit ondo ulertu nuen. Kontatzen zuen etxe azpian ezer berezirik ez zuen izozki denda bat daukala, eta azken aldian ireki orduko izaten duela jendea, bata bestearen atzean ordenatuta,... [+]
Hizpidea jarri zuen Pello Salaburuk sare sozialetan, aipatuta hemendik hamabost urtera etorkinen pisua Bizkaian biderkatu egingo zela, biztanle guztien %22 izateraino, eta hori badela “zinez euskararen mehatxua”. Jakina, horrela botata, beste zehaztasunik gabe, azkar... [+]
Laugarrenez altxatu da eguzkia Baionako besten eremu setiatuan eta uste dut, septentrioko Euskal Herri honetan, hatsa hobekiago hartzen dugula, batez ere gure hiru diputatuak Fronte Herritar Berrikoak direlako eta olde beltz-kakia hirugarren postura zokoratu dugulako. Bi gauza,... [+]
Joseba Diez Antxustegi EAJk Eusko Legebiltzarrean duen bozeramaile berriaren iritziz, Imanol Pradales lehendakariak "esperientzia handiko emakumez eta gizonez osatutako gobernua osatu du, sektore profesionaletan errespetatuak eta Euskadirekin konpromisoa hartu... [+]
Pedrosa andere agurgarria:
Zorionak, Hezkuntza sailburu izendatu zaituztelako. Ez da ardura berria zure gainean izango duzuna aurrerantzean. Ederto ezagutu behar duzu Hezkuntza Saila, lau urte sailburuorde eman ostean. Ikasturtea bukatuta, kontu batzuk gogoratu nahi nizkizuke... [+]
Joe Bidenen narriadura kognitiboaren eztabaidak bi urte inguru ditu. Batzuetan portaera bitxia zuen, beste batzuetan ez zitzaion ondo ulertzen edo egiak ez ziren gauzak esaten zituen, semea Iraken hil zitzaiola, adibidez. Halere, establishment liberalak bere egoera kognitiboari... [+]
