Musikaren murruak
Azken gurutzada, azken gozamena, azken hatsa… Zinez oparoa da azkenari eskainiriko euskal musikaren errepertorioa. Azkenak, gainera, balio erantsia hartu ohi du aurreikusi ezin denean, nahiz eta taldeek gero eta neurtuago izan noiz eta nola esan agur.
Berriki, Huntza-k azken kontzertua eskaini du Bilboko Miribillan, 2023ko otsailean iragarri zuten arren. En Tol Sarmiento-ri dagokionez, iazko abenduan jakinarazi zituzten 20. urteurreneko ikuskizunen datak; arabarrek historikotzat jo dituzten egunak. Historikoa, dena den, itxaronaldia izango da, 2025eko martxoan joko baitu ETS-k Barakaldoko BEC-en.
Inondik inora, ez da aurrez aipaturiko taldeenganako kritika, baizik eta egungo joera ulertzeko ahalegina, Jon Urzelaik Su festak saiakeran egin duen gisan. Edukiak baino edukiontziak lehenesten dituen paradigman bizi garela dio Urzelaik bere liburuan. Ezin da hobeki laburbildu oraingo jokamoldea. Etengabeko amaieraren atarian biziarazten gaitu egungo komunikazio sistemak, itotzear bageunde bezala. Eta, nora garamatza joera horrek? Funtsean, modu bulimikoan kontsumitzera. Formulak, antza, funtzionatzen du: albait plazarik handiena hautatu, sekulako aurrerapenarekin iragarpena egin, sarrerak arrapaladan saldu eta agortu, arrakasta irudia proiektatu, hurrengo funtziorako beste ekitaldi bat eskaini, sold out afixa eskegi... bla, bla, bla. Ezagutzen duzu istorioa, ez da gaur goizeko kontua. Hertzainak-ek, esaterako, hirutan simulatu zuen agurra, ETS-k egingo duen antzera.
Agur-kontzertuetako jende erauntsiak ikusirik, ez dakit norainokoa den musikarekiko edo musikarienganako ikusmina, ez dakit musika bera komunikazio eta kontsumo estrategien atzaparretan erori ote den
Su festak liburutik tiraka, hasiera bati ekin dion Gorka Urbizuren Okeyish analisi aratz, kirurgikoarekin egin dut topo Jakin aldizkarian. Musikatik bizitzearen bide malkartsua du gidalerro testuak, eta Doctor Deseoko Francisen hitzak dakartza gogora Lekunberriko musikariak: “Musikatik bizitzea erraza da; baldintza bakarra dago: musikaria ez izatea”. Eszena ez bada lehen zena, noren mesedetan ari da mugitzen?
Era berean, edukiez mintzo bagara, galdetu beharko zaie musikariei zer datorren txalo zaparradak isiltzen direnean. Hitz egin beharko da euskal sortzaileen zaurgarritasunaz, edota Durangoko oasiaz haragoko salmenten lehorteaz. AHAZTEZINA!, GOGOANGARRIA!, HISTORIKOA! irakurtzen dudan bakoitzean, epikak erretako errepikapenak ikusten ditut nik, ez besterik. Eta agur-kontzertuetako jende erauntsiak ikusirik, ez dakit norainokoa den musikarekiko edo musikarienganako ikusmina, ez dakit musika bera komunikazio eta kontsumo estrategien atzaparretan erori ote den, salgai huts bilakatzeraino. Ezpalak-ek abesten duen lez, beste batzuen arauez jantzi gara, tamalez/ gurpil honetan gaude, guk hala nahi edo ez. Horixe da argi dudan bakarra.
Baina, tira, gainerakoan, dena ondo, e! Betiko martxan. Batetik, badakizue; eta, bestetik, zer esatea nahi duzue? Athletic Errege Kopako finalean izanik, Sevillako finalerako erreserbak egiten hasiak izango zarete, ezta? Ez utzi azken egunera arte.
Aritz Peñagarikano Irazusta
Bidali zure iritzi artikuluak iritzia@argia.eus helbide elektronikora
ARGIAk ez du zertan bat etorri artikuluen edukiarekin. Idatzien gehienezko luzera 4.500 karakterekoa da (espazioak barne). Idazkera aldetik gutxieneko zuzentasun bat beharrezkoa da: batetik, ARGIAk ezin du hartu zuzenketa sakona egiteko lanik; bestetik, egitekotan edukia nahi gabe aldatzeko arriskua dago. ARGIAk azaleko zuzenketak edo moldaketak egingo dizkie artikuluei, behar izanez gero.
Barkatu hariztiak, artadiak, zumardiak, lertxundiak, lizardiak, haltzadiak, gaztainadiak, urkidiak, gorostidiak, sagastiak, pinudiak eta zuhaitzen elkarte guztiak, baina, gaur, pagadiak du hitzordua negu-mugako ospakizunak direla eta.
Errazagoa egiten zait negu-mugako... [+]
Badator Euskaraldia, berriz ere. Urte berriko udaberrian izango da oraingoan, antza. Dagoeneko aurkeztu dute eta, egia esanda, harritu egin nau; ez Euskaraldiak berak, ezpada beraren leloak: Elkar mugituz egingo dugu.
Irakurri edo entzun dudan lehenengoan, burura etorri zait... [+]
Ildo beretik dator Eusko Jaurlaritza berriaren politika. Hitzak bai, baina ekintzak ez dira argi ikusten Pradalesen gobernuak aurkeztutako aurrekontuan.
Nobedadea izan ohi da Durangoko Azokari lotzen zaion hitz entzunenetako bat. Nobedadea han, eta nobedadea hemen. Zenbaitetan, ordea, lehengokoari beste itxura ematea aski izaten da etiketa hori itsasteko. Talentu berriztagarriz birmasterizatutako CDek eta berrargitalpenek badute... [+]
Euskara txikitasunean handia den ur emaria dugu. Bertako tanta bakoitzak gure kultura ureztatzen eta biziberritzen du. Egarri den hari itsaso bete ur eskaini. Euskara putzu sakon eta ilun batetik etorri izan bada ere, guztiok atera dugu gure ur-gazi lagina, eta guztiok bilakatu... [+]
Gazteak gero eta lehenago hasten dira pornografia kontsumitzen; izan ere, bere sexu heziketa bakarra da pornoa. Nola demontre heldu gara honaino?
Gaur egun, onartu behar da Interneti esker pornografia ikustea askoz errazagoa dela. Tamalez, klik baten bidez 7-9 urte arteko... [+]
Joan den abenduaren 5ean, PPk lege proposamen bat aurkeztu zuen Nafarroako Parlamentuan, Nafarroako toki entitateetako Idazkaritza eta Kontu-hartzailetza lanpostuetan funtzionarizazioa lortzeko prozesuak bereizteko. Hori gertatuko balitz, 30 pertsona inguruk merezitako... [+]
Nazio Batuek abenduaren 10ean Giza Eskubideen Nazioarteko Eguna aldarrikatu zutenetik 51. urteurrena bete da aurten. Data horrek garrantzia hartu du Euskal Herrian eta Euskal Herriko Giza Eskubideen Behatokitik gogoetarako zenbait elementu eskaini nahi ditugu.
Nazioarteko... [+]
Bazen behin kulturaren gordailu bilakatu zen herria. Denboraren poderioz, munduko agintariek kultura adierazpide ororen aurka hartutako neurri murriztaileen erruz, herrien garra, sormena eta irudimena amatatuz joan ziren, emeki-emeki kandela bat bailitzan. Hala ere, herrialde... [+]
Elon Musken presentzia hedabideetan gora doa, suziri baten moduan, Etxe Zuriko lorategian lurreratu ostean. Lortzen ari den botereaz eta influentziaz asaldatuta omen daude beste botere batzuk eta, bere eragina gutxitzeko asmoz, X sarearen kontra kargatu dute. Azken asteetan The... [+]
Gure eskubideak, gure etorkizuna, orain! lelopean, Giza Eskubideen Nazioarteko Egunak 76 urteetako ondarea ospatzen du. Egunak mundu baketsuagoa, berdinzaleagoa eta jasangarriagoa eraikitzearen alde egitea du xede. Hala ere, aurrerapenak ospatzen diren bitartean, babesturik... [+]
Euskalgintzaren Kontseilua hizkuntza larrialdia bizi dugula ohartarazten ari da azken astetan. Urte dezente pasa dira euskararen biziberritze-prozesuaren egoera bidegurutzean, errotondan, inpasse egoeran eta antzeko hitzekin deskribatzen hasi zenetik, hizkuntza politikek... [+]
Azaroaren 25ean, Indarkeria Matxistaren Aurkako Nazioarteko Egunean, Steilas sindikatuko Idazkaritza Feministak kartel bat argitaratu du: Gure gorputza gudu zelai bat da du leloa, eta Hego Euskal Herriko ikastetxe guztiek jaso dute. Gatazka armatuetan emakumeek eta adingabeek... [+]
Mundu-mailan antifeministak eta arrazistak diren gorroto-diskurtsoak larriki areagotzen ari diren testuinguruan bizi gara. Mundu zabalean sare sozialek zein agenda
politikoek txertatzen dituzte eskuin-muturreko narratibak. Arrazismoa eta antifeminismoa tokian tokiko... [+]