Munduko emakumeen %35ek jasan ditu erasoak, Nazio Batuen Erakundeak emakumearen aurkako indarkeria ezabatzeari buruzko adierazpena ezarri zuenetik 23 urtera.
Emakumeen aurkako indarkeria giza eskubideen urraketa larria da. Urraketa horrek era askotako ondorioak eragiten dituela azaldu du NBE Emakumeakek: fisikoak, sexualak, psikologikoak eta zenbait kasutan hilgarriak. Horrez gain, adierazi du emakumeek gizartean erabat parte hartzea oztopatzen duela, Tribuna Feminista-k jaso duenez.
Mundu osoko emakumeen %35ek indarkeria fisikoa edota sexuala jasan duela kalkulatzen da, hainbat erakundek argitaratutako txosten baten arabera. Eta munduko hamar emakumetik bat behartu izan dute noizbait sexu harremanak izatera, UNICEFek azaltzen duenez.
Horietako hainbat kasutan emakumearen bikotekidea izan da eragilea. Europar Batasunean (EB), esaterako, bertako kide diren estatuetako emakumeen %43k jasan du indarkeria psikologikoa bere bikotekidearengandik, EBko Oinarrizko Eskubideen Agentziak azaltzen duenez.
Sexu eraso horiek ez dira espazio pribatuetan besterik ematen. 2012an Delhi Berrian egindako ikerketa baten arabera, bertako emakumeen %92k sexu erasoak jasan ditu espazio publikoetan. Eskoletan ere sexu erasoak pairatzen direla esan du UNESCOk. Azaltzen duenez, munduan lau neskatik batek adierazi du ez dela seguru sentitzen eskoletako komunak erabiltzen.
Horrez gain, Europar Batasunean hamar emakumetik batek adierazi du ziber-erasoa jasan duela. Horrek barne hartzen ditu sexualki iraingarriak diren SMS edo posta elektronikoak eta jokabide desegokiak sare sozialetan. 18-29 urte bitarteko gazteei eragiten die horrek gehienbat, EBko Oinarrizko Eskubideen Agentziak egindako azterketaren arabera.
Ezkontza behartuak dira emakumeen kontrako indarkeriaren beste adibide bat. Munduan bizirik dauden 700 milioi emakume baino gehiago ezkondu dira adingabekoak izanda. Horietatik 250 milioi inguruk 15 urte baino gutxiago zituzten ezkondu ziren momentuan. 2016an bakarrik, hamabost milioi neska ezkondu dira munduan 18 urteak bete baino lehenago. Horren harira, ezkontza behartuak nerabeen hezkuntza, osasuna eta segurtasuna arriskuan jartzen dituzten oinarrizko arrazoietako bat direla adierazi du Save the Children erakundeak.
Horrez gain, UNICEF-en arabera, munduko 30 herrialdetako 200 milioi emakume inguruk pairatu dute ablazioa, gehienek 5 urte bete aurretik.
1995. urtetik gaur egunera 100 herrialdek baino gehiagok egin dituzte emakumeen kontrako indarkeriari buruzko ikerketak. Munduko 119 herrialdek onartu dituzte sexu indarkeriari buruzko legeak, 125ek sexu erasoen ingurukoak eta 52k ezkontza behartuei buruzkoak. Hala ere, lege bat onartzeak ez du ziurtatzen hori beteko denik, Nazio Batuetako Ekonomia eta Gizarte Sailak adierazi duenez.
Horren arabera, sexu indarkeria jasan duten emakumeen %40 baino gutxiagok eskatu dute laguntza. Eta egin izan dutenean, familia edo lagunengana jo dute gehienek. Laguntza eskatu duten emakumeen %10 baino gutxiago joan dira poliziarengana.
Azken bi hamarkadetan indarkeria matxistaren gaia lehen lerrora ekarri du mugimendu feministaren borrokak, besteak beste, eta bikote arteko indarkeria edo “familia arazo” gisa deskribatzen zenak, eremu publikora eta kalera egin du salto. Indarkeria matxistaren... [+]
Ostegun gauean emakume bat bortxatzea egotzita atxilotu zuten gizon bat larunbatean. Gizona kasua argitu arte zaintzapean dago. Mobilizazioa egin du Itaiak astelehenean 18:30ean, Baionako Herriko Etxean, eta horren erantzukizuna azpimarratu du.
Hamaika eraso Uztaritzeko (Lapurdi) San Frantses Xabierko ikastetxe katolikoan gertatu ziren, beste biak Domintxaineko (Zuberoa) ikastetxe katolikoan eta Angeluko (Lapurdi) San Josepe ikastetxe publikoan. Uztaritzeko ikastetxean ikasitako bost gizonek beren testigantzak eman... [+]
Prentsaurrekoa eskaini dute ostegun honetan Marc Aillet Baionako apezpikuak, elizbarrutiko hezkuntza katolikoko zuzendari Vincent Destaisek eta Betharramgo biktimen entzuteko egiturako partaideetarikoa den Laurent Bacho apaizak. Hitza hartzera zihoazela, momentua moztu die... [+]
Antifaxismoari buruz idatzi nahiko nuke, hori baita aurten mugimendu feministaren gaia. Alabaina, eskratxea egin diote Martxoaren 8ko bezperan euskal kazetari antifaxista eta profeminista bati.
Gizonak bere lehenengo liburua aurkeztu du Madrilen bi kazetari ospetsuk... [+]
11 adin txikikori sexu erasoak egiteagatik 85 urteko kartzela zigorra galdegin du Gipuzkoako fiskaltzak. Astelehenean hasi da epaiketa eta gutxienez martxoaren 21era arte luzatuko da.
Matxismoa normalizatzen ari da, eskuin muturreko alderdien nahiz sare sozialetako pertsonaien eskutik, ideia matxistak zabaltzen eta egonkortzen ari baitira gizarte osoan. Egoera larria da, eta are larriagoa izan daiteke, ideia zein jarrera matxistei eta erreakzionarioei ateak... [+]
Elizak 23 kasu ditu onarturik Nafarroa Garaian. Haiek "ekonomikoki, psikologikoki eta espiritualki laguntzeko" konpromisoa adierazi du Iruñeko artzapezpikuak.
15 urteko emakume bati egin dio eraso Izarra klubean jarduten zuen pilota entrenatzaile batek.
Lestelle-Betharramgo (Biarno) ikastetxe katolikoko indarkeria eta bortxaketa kasuen salaketek beste ikastetxe katoliko batzuen gainean jarri du fokua. Ipar Euskal Herriari dagokionez, Uztaritzeko San Frantses Xabier kolegioan pairaturiko indarkeria kasuak azaleratu dira... [+]
Bi neska komisarian, urduri, hiru urtetik gora luzatu den jazarpen egoera salatzen. Izendatzen. Tipo berbera agertzen zaielako nonahi. Presentzia arraro berbera neskek parte hartzen duten ekitaldi kulturaletako atarietan, bietako baten amaren etxepean, bestea korrika egitera... [+]
Martxoak 8a heltzear da beste urtebetez, eta nahiz eta zenbaitek erabiltzen duten urtean behin beren irudia morez margotzeko soilik, feministek kaleak aldarriz betetzeko baliatzen dute egun seinalatu hau. 2020an, duela bost urte, milaka emakumek elkarrekin oihukatu zuten euren... [+]
Neska adingabeari sexu abusuak era jarraituan egin zizkiola frogatutzat jo du Bizkaiko Lurralde Auzitegiak.
1989tik 2014ra, Frantzia mendebaldeko hainbat ospitaletan egindako erasoengatik epaituko dute. 74 urte ditu Joel Le Scouarnec zirujau ohiak, eta espetxean dago beste lau sexu eraso kasurengatik.
Lau mila karaktere ditut kontatu behar dudana kontatzeko. Esan behar ditut gauzak argi, zehatz, soil, eta ahalko banu polit, elegante, egoki. Baga, biga, higa. Milimetrikoki neurtu beharra dut, erregelaz markatu agitazioa non amaitzen den eta propaganda non hasi. Literarioki,... [+]
