Munduko Bankuaren gailurraren aurka mobilizazioak deitu dituzte maiatzaren 23 eta 24an
Munduko Bankuari Ez! plataformak maiatzaren 23an Kapitalismoa eta ingurugiroaren suntsipena borrokatu lelopean mobilizazioa deitu du. Beste aldetik, Euskal Herriko hamarnaka mugimendu sozial, sindikal eta ekologistek Zuen negozioa, gure kolapsoa dinamika aurkeztu dute, eta manifestazioa egingo dute hilaren 24an.
Barakaldoko BEC-en izango da aurten Munduko Bankuaren (MB) Innovate4Climate konferentzia, maiatzaren 23tik 25era. Horren aurka antolatu dira Euskal Herriko zenbait eragile eta plataforma, eta mobilizatzeko deia egin dute.
Ekitaldi horretan mundu osoko hainbat herrialdetako agintariak eta inbertsio funtsen zein enpresa teknologiko pribatuen nagusiak bilduko dira, eta krisi klimatikoari aurre egiteko beharrak eta inbertsio aukerak izango dituzte hizpide.
Munduko Bankuari Ez! plataforma
Alde batetik, Munduko Bankuari Ez! plataforma aurkeztu zuten maiatzaren 5ean, prentsaurreko bidez. Plataformak oligarkia finantzarioa jarri du jopuntuan: "Larrialdi klimatikoa negozio eta merkatu berriak zabaltzeko aukera bat besterik ez da oligarkia finantzarioarentzat". Horren adibide jo ditu energia berriztagarrien merkatua, inguru naturalak suntsitzen dituzten makroproiektuak, energia iturri berrien bilaketa eta klima aldaketak kolpatutako lurralde txiroen berreraikuntza. Hala, plataformak ez du uste konponbidea "oligarkia finantzarioak gidatutako ustezko politika jasangarrien eskutik" etorriko denik.
Larrialdi klimatikoaren jatorria kapitalismoan dagoela adierazi dute plataformako kideek, "berezkoak zaizkion ekoizpenaren irrazionaltasuna eta etengabeko metaketa beharrengatik". Horri aurre egiteko kapitalismoa deuseztatzea "ezinbestekotzat" jo dute: "Ezinbestekoa da ekoizpena merkatuaren agintetik at antolatzea, lehengaien erabilera jasangarria eta ingurugiroarekin harreman orekatua gauzatzea ahalbidetuko duen gizartea eraikitzea".
Mobilizatzeko deia egin dute maiatzaren 23an, Kapitalismoa eta ingurugiroaren suntsipena borrokatu lelopean. Manifestazioa 18:30ean aterako da Barakaldoko plazatik. Aste honetan, gaiaren inguruan duten ikuspegia entzuteko aukera egongo da. Alde batetik, maiatzaren 18an, Ingurugiroaren suntsipen kapitalista eta gizarte jasangarriaren eraikuntza izeneko mahai-inguruan. 18:30ean izango da, San Frantziskoko Udaltegian (Bilbo). Hurrengo egunean, maiatzaren 19an, ordu berean Oligarkia finantzarioaren erasoaldi ekonomiko eta politikoa hitzaldia eskainiko dute Bilboko Zazpi Katu Gaztetxean.
'Zuen negozioa, gure kolapsoa' dinamika
Bestalde, Euskal Herriko Eskubide Sozialen Kartak, Euskal Herriak Kapitalari Planto plataformak eta Jauzi Ekosozialak kolektibo sozial eta sindikal askorekin batera ere BECeko konferentziaren aurka antolatzeko deia egin dute. Maiatzaren 15ean egindako agerraldian salatu dute Munduko Bankuak "pobretzearen eta larrialdi klimatikoaren gainean daukan erantzukizun zuzena" berdez estali nahi duela Innovate4Climate topaketak, MBk sorreratik finantzatu duelako hainbat herrialderen espolioa.
Energia fosilak behin betiko utzi, eta "trantsizio ekosozial bidezkoa eta demokratikoa" martxan jarri behar dela uste dute. Administrazio arduradunei eskatu diete eragile sozialen eta ekologisten proposamenak entzuteko: "Trantsizio ekosoziala herritarren parte-hartze zabalarekin gauzatu behar da, lurraldearen beraren subiranotasun politikoa errespetatuta".
Hainbat hitzordu dituzte datorren asterako, Zuen negozioa, gure kolapsoa lelopean: maiatzaren 23an elkarretaratzea egingo dute 08:30ean, Ansio metroko irteeran. Hurrengo egunean, mobilizazioa deitu dute Bilboko Plaza Eliptikotik, 19:30ean. Maiatzaren 25ean, berriz, Yayo Herrero ekintzaile ekofeministak hitzaldia emango du 19:30ean, BilboRock-en.
Asteartean hasi eta ostegunean amaituko den Munduko Bankuak Barakaldoko BECen egiten ari den Innovate4climate bilkura klimatikoaren aurkako manifestazioa egin dute asteazkenean. Ostegunerako Yayo Herrero militante ekofeministaren hitzaldia antolatu dute Bilborock aretoan,... [+]
Mundu Bankua BECen egiten ari den gailurra dela eta makina bat mobilizazio eta ekitaldi daude antolatuta egunotan. Astearte arratsaldean ehunka lagun irten dira Barakaldon kalera, Munduko Bankuari Ez! plataformak deituta. Asteazkenean 19:30ean Bilboko Plaza Eliptikotik abiatuko... [+]
Elkarretaratzea egin dute goizean Zuen negozioa, gure kolapsoa lelopean, eta errepidea moztu dute protestan zebiltzanek. Asteazkenean Bilbon manifestazioa egingo dute, 19:30ean Plaza Eliptikotik. Munduko Bankuari Ez! plataformak asteartean egingo du manifestazioa, 18:30ean,... [+]
Urriaren 9tik 15era, Nazioarteko Diru Funtsa NDFk eta Munduko Bankuak urteroko bilkura egingo dute. Aurten Marrakexen (Maroko) izango da eta, eta epe berean, mundu osoko eragileak eta mugimenduak biltzera deitu ditu zor ez-legitimoen kontrako batzordeak,... [+]
Koronabirusak eragindako krisiak eragin ekonomiko larriak izango dituela ohartarazi du David Malpass Munduko Bankuaren presidenteak. Munduko ekonomiak %5 inguru egingo du behera, Malpassen arabera, eta nabarmen jaitsiko da enplegua eta igoko pobrezia.
AEBek hasitako inportazioen aurkako gerra komertzialak eragin ditzakeen arriskuaz ohartarazi du Munduko Bankuak
Popular bankuaren hondoratzea egunotako gertakari ekonomiko nagusi izan da Espainiako Estatuan. Banku “errentagarriena” omen zena –Hego Euskal Herrian ere presentzia handia zuen– euro batengatik erosi du Santanderrek.
Robotak, terrorismoa, migrazioak edota desoreka sozialak izango dituzte hizpide Davoseko (Suitza) eski estazioan bildu diren agintari politikoek, enpresariek eta Leonardo DiCaprio bezalako hainbat pertsona famatuk. Urtarrilaren 23ra bitartean egingo den Munduko Ekonomia Foroak... [+]
Bankuak eta hauen inguruko araugintza eta kontrol urria egungo krisiaren erantzule nagusiak dira. Europako zein Amerikako Estatu Batuen esperientziek argi erakusten dute bankuen erantzukizuna, herritarrek uste hori berretsi egiten dute. Espainiako Estatuan eta Hego Euskal... [+]
Protesten artean egiten ari da G7aren bilera Alemanian. Munduko zazpi estatu boteretsuenak ari dira parte hartzen (AEB, Alemania, Kanada, Japonia, Frantzia, Erresuma Batua eta Italia).
90eko hamarkadan Pedro Sanchez PSOEko idazkari nagusiak Nazioarteko Diru Funtsarentzat eta Munduko Bankuarentzat egin zuen lan Bosnian. La Republica agerkari digitalak bere ibilbidearen errepasoa egin du.
2014an 70 urte beteko dituzte Nazioarteko Diru Funtsak (NDF) eta Munduko Bankuak (MB). Zientzia politikoetan doktore Eric Toussant-ek bi erakundeen historia laburbildu du 30 puntutan, eta nazioarteko arkitektura berri baterako alternatibak eskaini ditu, Viento Sur agerkariak... [+]