Munduko 26 pertsona aberatsenek 3.800 milioi txiroenek adina aberastasun dute
2018. urtean aberatsen eta txiroen arteko arrakala are eta gehiago handitu da, Oxfam Gobernuz Kanpoko Erakundeak kaleratutako azken txostenaren arabera.
Oxfamen datuen arabera munduko biztanleen erdia –3,8 mila milioi pertsona– baino aberatsagoak dira jada 26 pertsona dirutsuenak. Aberastasunaren banaketak azken urteetan izan duen proportziorik gabeko joerak gora egin du: 2016an 62 pertsona aberatsenek zuten munduko biztanleen erdiak beste diru, 2017an 43 ziren eta gaur egun 26.
Txostenean adierazitako datu aipagarri batzuk nabarmendu ditugu:
Duela hamar urte krisi ekonomikoa hasi zenetik bikoiztu egin da munduan mila milioi eurotik gora duten aberatsen kopurua. 2017 eta 2018 urteetan zehar esaterako, bi egunetik behin pertsona berri batek mila milioi eurotik gora lortu ditu.
Amazoneko jabea eta munduko pertsona aberatsena den Jeff Bezosen aberastasunaren %1a soilik, Etiopia bezalako 105 milioi biztanleko herrialde batek osasunerako duen aurrekontuaren parekoa da.
Matthew Spencer Oxfameko kanpaina eta politika zuzendariak salatu duenez, “gure ekonomietan aberastasuna gero eta bidegabeago banatzen da pribilegiatu gutxi batzuen artean, milioika pertsonak apenas biziraun dezaketenean”.
Edonork “bizi aukera justuago” bat izateko, munduan nahiko aberastasun dagoela ere ohartarazi du.
Horretarako, gobernuek aberastasunetatik jasotzen dituzten zergak, “pertsona askoren bizitzak salbatuko lituzketen dohaineko eta kalitatezko zerbitzu publikoetan” inbertitu behar direla adierazi du Spencer-ek.
Donostian, 300 pertsona baino gehiago “pobrezia eta muturreko bazterkeria egoeran” bizi direla salatu dute Kaleko Afari Solidarioak (KAS) eta Hiritarron Harrera Sarea taldeek. “Michelin izarrak dituzten zortzi jatetxe dituen hirian eta Basque Culinary Center... [+]
181 milioi haur inguru bizi dira egoera larrian eta gobernuz kanpoko erakundeak dio hilgarria izan daitekeen desnutrizio-motaren bat jasateko %50 aukera gehiago dutela. Desberdintasunak, gatazkak eta krisi klimatikoa dira arrazoi nagusiak.
Pobreziaren eta gizarte-bazterketaren kontrako Nafarroako sarearen arabera, Nafarroan bizi diren pertsonen %17,2 bazterketa edo pobrezia egoeran dago.
Ipar Euskal Herriko biztanleriaren %12 pobrezian bizi da. Hori dio INSEE Frantziako estatistika institutuak iragan urrian egindako ikerketa batek. Horrek erran nahi du gure lurraldeko 35.000 herritar 1.102 euro azpiko hilabete sariarekin bizi direla.
Diru-Sarrerak Bermatzeko Errentaren legea martxoan onartu zuen Eusko Jaurlaritzak, eta bertan aurreikusitako neurrietako bat jarri dute orain martxan: 19 ikuskatzailek osatutako Kontrol Unitatea, Lanbideren baitan. Iruzurrik apenas dagoen prestazioaren bueltan pobreak... [+]
Nafarroako Gobernuak pobreziari eta desberdinketa sozialari buruzko zazpigarren txostena kaleratu berri du. Datuak adierazgarriak dira: Erriberako herriek pobrezia arrisku handiagoa dute, %40 iparraldeko herriek %10. 2021ean urtean 12.000 euro jasotzen zituzten herritarrak... [+]
Populazioaren %10,9 bazterkeria egoeran dago, eta %14,5 arriskuan, biak Espainiako Estatuko daturik txikienak Arope tasaren arabera, Unai Hualde Foru Legebiltzarreko lehendakariak azpimarratu duenez.
2022an, egoera hori jasaten zuten ia hogei milioi haur eta nerabe zeudela kalkulatu du Eurostatek. Espainiako Estatuak Europar Batasun osoko hirugarren markarik altuena du, %32,2koa.
Etxerik gabeko pertsonen aldeko eta bizileku-bazterketaren aurkako BesteBi plataformak, azken asteetan Santurtzin eta Bilbon hil diren etxerik gabeko emakume eta bi gizonen heriotzak salatu ditu.
Iruñeko Arrotxapea auzoko Plazaolako tunelean aurkitu dute astelehenean 44 urteko gizonezkoaren gorpua. Martxoan Jesus eta Maria aterpetxea itxi zuten eta zazpi elkartek salatu egin zuten. Iruñean gutxienez 40 lagunek egiten dute lo kale gorrian urte osoan.
EAEko parlamentuan aurrera egin du Inklusiorako eta Diru Sarrerak Bermatzeko Euskal Sistemaren lege aldaketak. Badago zer aztertu legearen eztabaidak, aldaketa egiteko ezker zein eskuin egin den akordioak, eta legeak ekartzen dituen berrikuntzak izan duten oihartzun eskasari... [+]