Mundakan atea itxi diete etxebizitza turistikoei urtebetez
Etxebizitza turistiko berriak erregistratzeko baimenik ez ematea erabaki du Mundakako gobernu taldeak, ostegun honetan egin duen ezohiko bileran. Hirigintza Antolamendurako Plan Orokorrean (HAPO) behar diren aldaketak egingo ditu lizentzien etetea burutzeko.
Ostegun honetatik aurrera eta urtebeteko epean Mundakako Udalak ez du etxebizitza turistiko berriak egiteko baimenik emango. Udaleko gobernu taldeak erabilera turistikoak arautzeko HAPOan aldaketak egitea onartu du ostegun honetan egin duen ezohiko bileran. Ohar baten bidez jakinarazi du erabilera turistikoko etxebizitzetarako eta apartamendu turistikoetarako lizentzia berriak etengo dituela urtebeteko epean.
Naizek argitaratu duenez, Hirigintza Teknikariak zehaztu du Hiritek arkitektura enpresa kontratatu duela HAPOan aldaketak txertatzeko. Prozesu horretan, Udalak aurreratu du: "Eragileek eta herritarrek parte hartuko dute, eta gobernu taldeak zuzendu eta kudeatuko du, erredakzio taldearen laguntzarekin".
Bestalde, lehenagotik dauden etxebizitza turistikoen eta etxebizitzen alokairuaren egoerari ere aipamena egin dio Mundakako Udalak, esanez bere eskumenen esparruan, aplikatu beharreko "araudia" betetzen dela zaintzeaz arduratuko dela, "bai alderdi espezifikoei dagokienez, bai eragin fiskalei dagokienez".
Frantziako Estatuko diputatuak eta senatariak ados jarri dira. Orain arte, alokairu turistiko bat alokatzen zutenek etekinen %50 zergapetik kentzeko aukera zuten, urte osoko alokatzaileek, berriz, %30. Lege proposamenak biak hein berdinera ekarriko ditu, hots, %30era.
Asteburu luze bat. Ingurutik bueltatxo bat eman eta pikoteoa egiteko probestu dugu. Turistak selfie-ak egiten. Turistentzako bideak, alokairuak, dendak, hotelak, aparkalekuak, menuko platerak, seinaleen kartelak munduko hizkuntza orotan. Turistak ohiko lekuak leku arrotz... [+]
Espainiako Auzitegi Gorenak ebatzi duenez, bizilagunen komunitateek eraikin edo urbanizazio batean etxe turistiko gehiago jartzea debekatzeko ahalmena izango dute, betiere bostetik hiruko gehiengoa lortuz gero. Modu horretan, atzera bota ditu Espainiako Estatuan etxe turistikoen... [+]
Etxebizitzen %20 baino gehiago jadanik bigarren etxebizitzak dira Ipar Euskal Herrian. Larrialdi klimatikoaz sentsibilizatzeko lau hilabetez, Nantesetik abiatu Alternatiba txirrindula itzulia, kostaldean zen aste buruan.
Kataluniako erkidegoko azken hauteskundeetatik eta Europako Parlamenturako bozen emaitzetatik abiatuta, presio turistiko handiena bizi duten Herrialde Katalanetako herrietan eskuin muturraren botoak nola egin duen gora aztertuko dugu artikulu honetan.
Bilboko AZET plataformak pisu turistiko bat okupatu zuen atzo, auzoaren turistifikazioa salatzeko.
Etxe turistikoek alokairuaren merkatuan duten pisua aztertu dute, eta hainbat datu adierazgarri gelditu dira agerian.
