Mugitu! mugimenduak Iruñerriko markesinetako publizitatea AHTren aurkako kartelengatik ordezkatu du
Salatu dute Espainiako Gobernuko aurrekontuen erdia baino gehiago trenaren lanetara bideratuko dela. Ekintzarekin gogorarazi nahi izan dute duela hamar urte AHTren aurka kexatzeko egindakoa: Yolanda Barcina orduko Nafarroako lehendakariari tartak bota zizkioten.
Barcina Nafarroako lehendakari ohiaren aurka egindako ekintzaren hamargarren urteurrena ekarri dute akordura, eta Iruñerriko markesina ugaritako publizitatea aldatu dute. Mugitu! AHTren aurkako mugimenduak kaleratu duen oharrean salatu du agintari politiko eta profesionalek “lehengo lepotik burua” izaten jarraitzen dutela eta, horregatik, beste ekintza batekin erantzun dutela. Mugimenduak jarritako karteletan ageri da “tarta merezi” dutela Pedro Sanchez Espainiako gobernuburuak, Iñigo Urkullu EAEko lehendakariak eta Maria Chivite Nafarroako lehendakariak.
SANCHEZEK, URKULLUK ETA CHIVITEK MEREZI DUTE ABIADURA HANDIKO HURRENGO TARTA
— Mugitu Mugimendua (@MugituMugimendu) November 2, 2021
Ahotsa bideoa: https://t.co/21meDfGrWU
Ekinklik argazkiak: https://t.co/99GNXXv1Wm pic.twitter.com/Ifi5tlcXNn
Ekintza horren bidez adierazi nahi izan dute hiru agintari horiek “AHTren inposaketan duten erantzukizuna”. Oharrean kritikatu dute egungo krisiaren testuinguruan agintariek azpiegitura handiekin aurrera jarraitzea: “Sinestezina bada ere, krisi ekonomikoa eta ekologikoa areagotzen dituzten azpiegitura xahutzaileak eta txikitzaileak sustatzen jarraitzen dute, eta horiek eragiten dituzten kalteak jendeari ezkutatzen dizkiete”.
Elite batentzat lan egitea aurpegiratu diete mugimenduko kideek. Azaldu dute bestela “ulertezina” dela pandemia garaian pertsonei garrantzia eman beharrean aurrekontuen zati handiena azpiegiturei ematea. Mugitu!-k salatu du Espainiako Gobernuak 2022ko aurrekontuetatik 388 milioi euro AHTren lanetara bideratzea, baita Nafarroako Gobernuak Europako Susperraldi Planetik 145 milioi euro horretarako erabiltzea ere.
Frantziako Gobernuak Espainiakoari baieztatu dionez, Abiadura Handiko Trena ez da Hego Euskal Herrira iritsiko (Irungo loturara) gutxienez 2042 urtera arte. Ez dago Parisen lehentasunen artean.
Espainiako Garraio Jasangarrirako estatu idazkari José Antonio Santanok adierazi du Eusko Jaurlaritzaren helegite bat onartu dutela Ezkio-Itsasoko konexioari buruz, Aralarri "hainbeste" kalte egingo ez liokeena.
2024ko otsailean Astigarraga-Hernani tartea amaitu zutenean Abiadura Handiko Trena 2027an prest egongo zela aurreikusten zuen Eusko Jaurlaritzak. Orain Arkautiko lotunearen obren lizitazioari ekin dio Jaurlaritzak; Euskal Trenbide Sarea enpresaren esku utzi du, eta 2027an hasiko... [+]
Informaziorik helarazi gabe eta baimen eskaerarik gabe hasi dituzte Abiadura Handiko Trena eraikitzeko asmoz lehenago egin beharrak diren zundaketa lanak Otsobi kontzejuaren lurretan. Stop Zundaketak plataformak jakinarazi du egoera: "Izako Udalari edo Otsobiko kontzejuari... [+]
Lapurdi zeharkatuko lukeen AHT egitasmoa aitzina doala salatu du ingurumenaren alde dabiltzan elkarteen artean osaturiko CADE kolektiboak. Urriaren 12 eta 13rako jarri du hitzordua, Gironda eskualdean Lurraren Altxamenduak sareak antolaturiko protestari sostengua erakutsiz.
Oscar Puente Espainiako Garraio ministroaren esanetan, Nafarroarekin lotura egiteko aukerarik "onargarriena" Gasteizkoa da, Ezkio-Itsasoko ibilbideak "konplexutasun teknikoak" dituelako.
2017an Gaintxurizketan tunela zulatzen hasi zirenetik etengabeak izan dira AHTko obrek Renferen tren zerbitzuan eragindako murrizketak eta kalteak. Orain, Espainiako Garraio Ministerioak iragarri du udaran hainbat astez etenda egongo dela zerbitzu hori Hernani eta Irun artean... [+]
Manifestazio jendetsua egin dute Altsasun AHTren lanak gelditzea eta gaur egungo trenbidea hobetzea eskatzeko.
AHTren kontrako eta trenaren aldeko eragileek deituta, manifestazioa egingo dute Altsasun apirilaren 20an, larunbatarekin, tren-azpiegiturak berritu eta trenen maiztasuna handitzea eskatzeko. Alternatiba bat badagoela gogorarazi dute deitzaileek eta azterketa hori aurrera... [+]