Mario Lopez Gernikako entrenatzaile ohia salatu zuen emakumea babestu dute epaiketaren atarian
Biktimak 13 urte zituenean, 1998 eta 2001 artean, Lointek kirol taldeko Mario Lopez entrenatzaile ohiaren parteko sexu abusuak jasan zituen. Emakumeak duela urtebete salatu zuen, eta epaiketa 2025eko urtarrilaren 14tik 16ra egingo da, Bizkaiko Auzitegian. Mugimendu feministak dio saskibaloi taldeko zuzendaritzak “benetako ardurarik ez duela hartu, eta urtebete pasata erasoraren neurrirako erantzunik ez dutela eman”.
Larunbatean Gernika-Lumoko Sare Feministak manifestazioa egin du Gernikan, Lointek kirol taldeko Mario Lopez entrenatzaile eta kirol zuzendari ohia salatu zuen emakumeari babesa emateko, biktima adin txikikoa zenean pairatu zuen sexu-eraso delitu jarraituagatik. Gertakarien berri izan eta urtebetera antolatu dute martxa; “guk sinisten zaitugu eta zurekin gaude” lelopean, eta 1.400 lagunek hartu dute parte. Emakumeak salatu duenez, 1998 eta 2001 artean, 13 urte zituenean, abusuak jasan zituen.
Sexu indarkeriaren aurrean “isiltasuna betikotzen jarraitzen dutenak” daudela salatu du mugimendu feministak. Erasotzailea eta “bere konplizeez” gain, “benetako ardurarik hartu ez duen saskibaloi taldeko zuzendaritza” seinalatu dute, “gezurrak, manipulazioak eta aho txikiz aitortutako akats potoloak” gorabehera, erasotuari erreparatu ez eta “urtebete pasata erasoaren neurrirako erantzunik ez dutela eman” erakusten dutela adierazi dute.
Mobilizazioa ostean feministek gogoratu dute kirol munduan “sexu indarkeria lantzeko” mahai bat eskatu diotela behin baino gehiagotan Gernikako Udalari, eta gaurdaino erantzunik jaso gabe jarraitzen dutela.
2025eko urtarrilaren 14tik 16ra egingo dute epaiketa Bizkaiko Auzitegian. Fiskaltzak 14 urteko espetxe-zigorra eskatzen du Mario Lopezentzat, 20.000 euroko kalte-ordaina eta 10 urtez biktima bizi den udalerrira hurbiltzeko debekua. Epaiketa “ez dela samurra izango” adierazi dute, eta sexu indarkeriaren zigor kodea “ez dela nahikoa”. Hala, ebazten dena ebazten dela, “guk sinisten zaitugu eta zurekin daude” aldarrikatuko dutela ziurtatu dute.
.jpg)
Urretxindorra Ikastolako (Bilbo) eta Azkue Ikastolako (Lekeitio) bi irakasleren aurkako salaketak egin dituzte zenbait emakumek sare sozialen bidez. Horren aurrean, Urretxindorra ikastolako irakasleak astelehen honetatik aurrera klaserik ez ematea erabaki du Ikastolen Elkarteak... [+]
Zur eta lur hartu dituzte Nafarroako Berdintasun teknikariek festa girorako enpresa zenbaitek egindako proposamenak. Edalontzia estaltzeko tapak edo eta edarian drogarik dagoen ikusteko eskumuturrekoak.
Atzo hasi ziren zabaltzen Iñaki Castro musika teknikariaren kontrako salaketak '@denuncias_euskalherria' kontuan, eta dagoeneko dozenatik gora emakumeren testigantzak bildu dira.
Vicent Andrés Estellés poetaren hitzak harturik, bat naiz hainbat eta hainbat kasuren artean, eta ez kasu bakan, arraro edo ezohiko bat. Zoritxarrez, ez. Hainbaten artean, bat. Zehazki, Europako Kontseiluaren arabera, eta ibilbide handiko beste erakunde batzuen... [+]
Biarnoko Lestelle-Betharramgo ikastetxe katolikoan ikasleek urtetan sufrituriko indarkeria fisikoa eta sexu-abusuak argitara eman ostean, biktimen eta Betharramgo kongregazioko ordezkarien lehen topaketa lotu dute, biktimei entzutea helburu. "Betharram ez da libratuko... [+]
Taldeak berak adierazi du Instagram bidezko ohar batean astelehenean izan dutela Ivan Carmonaren aurkako akusazioaren berri. Neska gazte bat taberna batean ukitzeagatik da salaketa, eta taldeak “sexu-eraso arintzat” jo du.
Nafarroako Iparraldeko herri batean jazo zen dena, biktima erasotzailearekin eta emaztearekin bizi zela. Neskak 17 urte zituenean bortxatu zuen lehen aldiz akusatuak, eta urtebetez luzatu ziren sexu erasoak. Biktimak 23 urterekin salatu du dena.
Hainbat emakume-langile esplotatu eta horiei sexualki eraso egin dieten jabeen taberna pinturaz margotu zuten ezezagunek domeka gauean Getxoko Areeta auzoan. Pinturaz gainera, aldarri bat ere margotu zuten ondoko horman: "Erasoen aurrean klase batasuna".
Ertzaintza gertaera ikertzen ari da, eta oraingoz ez dago atxiloturik. Bestalde, Erandion gizon bat atxilotu dute bere bikotekidea nasatik trenbidera botatzeagatik. Nafarroako Probintzia Auzitegian berriz, astelehenez hasiko da bikotekide ohiari sexu erasoak egiteaz akusatutako... [+]
Gasteizko sententzia horrez gain, asteburuan gutxienez beste lau sexu eraso salatu dituzte; hiru Gasteizen eta bat Donostian.
Ehun bat pertsona bildu ziren larunbatean Luhusoko plazan Itaia emazte antolakundeak eta Luhusoko besta komiteak jakinarazi duten bortxaketa salatzeko.
Neska gazteak agertzen dira irudietan eta Telegram bidez zabaltzen dituzte. Irailaren 1ean kanpaina bat abiatuko dute sare sozialen bidez, gobernuak neurriak hartu ditzan.
Hil arte bizirik sentitzearen beharraz ari da Olatz Mercader. Gaixorik egon izan delako bere bertsio gutxitua hurbilegi ikusi duenak badaki zein garrantzitsuak diren konpromisoa, grina eta desioa.
Gertaera abuztuaren 18ko goizaldean izan zen Donostiako Alde Zaharreko kalezulo batean, Ertzaintzak adierazi duenez. Egun horretan emakume batek beste sexu-eraso bat salatu zuen Donostian, gizon batek “diskoteka baten inguruan ukituak egin zizkiola” esanez.