Mugarri izateko bidean
Ostegunean hasi eta igandera arte, Hatortxu Rocken hogeigarren edizioa ospatuko da Lakuntzan. Antolatzaileen arabera, Euskal Herrian sekula egin den elkartasun jaialdirik handiena izango da. Musika izango da nagusi, baina hitzaldiek eta mendi martxek ere izango dute tokia.
1999an ospatu zen lehendabizikoz Hatortxu Rock elkartasun jaialdia, Berriozargo frontoi txiki batean, lau lagunen ekimenez. Bi xederekin atondu zuten: euskal preso politikoek, iheslariek eta deportatuek bizi zuten egoera salatzea, eta dispertsioak kaltetutako senideei gastuak arintzea. Geroztik, jaialdiak bilakaera izugarria izan du. Hazten joan da urterik urte. Haatik, berau antolatzeko zioek bere horretan diraute. Hiltzeko jaio zen Hatortxu Rock, baina aurtengoa jada hogeigarren edizioa du. Beste edozein musika jaialdirentzat gauza handia litzatekeena, kezka iturri da kasu honetan. Izan ere, dispertsio politikak indarrean jarraitzen duela-eta dirau bizirik jaialdiak.
Gauzak hala, hogeigarren edizioa mugarri izatea nahi dute antolatzaileek. Horregatik, lau eguneko jaialdi erraldoia prestatu dute, marka guztiak apurtu, eta mahai gainean kolpea emateko. Edizio berezi honek Lakuntza izango du egoitza. 2009ko edizioa ere bertan ospatu zen, eta, orduko hartan, jaialdiaren antolatzaileak oso pozik gelditu ziren herritarren erantzunarekin. Bada, oraingoan sentipen bera izaten ari dira. Hala dio, bederen, Aitor Agirrezabalek, Hatortxu Rockeko antolatzaile eta boluntarioetako batek: “hasieratik jaso genuen lakuntzarren babesa proposamena egin genienean. Gainera, lan handia egin dute hilabete hauetan. Oso eskertuta gaude. Beren babesik gabe ezinezkoa zatekeen guretzat aurtengo edizioa antolatzea”.
Auzolana betidanik izan da Hatortxu Rocken ardatzetako bat, baina aurten are garrantzitsuago bihurtu da, jaialdiaren dimentsio erraldoia dela-eta. Antolatzaileek 6.718 boluntario lortzea zuten jomuga, baina jaialdia hasteko hiru egunen faltan oraindik 800 falta zitzaizkien aipatu zifrara iristeko. Kontuak kontu, atzo arratsaldean abiatu zen jaialdia, eta igandera arte luzatuko da. Guztira 84 musika taldek hartuko dute parte lau egunetan zehar. Taula-gainean izango dira Euskal Herriko talderik indartsuenak, baita sona handiko nazioarteko hainbat talde ere. Eskaintza musikalari dagokionez, Agirrezabalek aniztasun handia izango dela azpimarratu du. “Ezinezkoa da halako zerrenda baten aurrean zure gustukoa izango den talde mordoxka ez aurkitzea”.
Zernahi ere, aurtengo Hatortxu Rock musika jaialdi huts bat baino askoz gehiago izatea nahi dute antolatzaileek. Horregatik, eszenatokietatik at ere eskaintza zabala izanen da lau egunotan. Adibidez, mendi martxak eginen dira Beriainera eta Aralar-Arangunera. Gainera, hainbat hitzaldi ere izango dira; kasurako, larunbatean Preso politikoak eta gatazkaren konponbidea hitzaldia eskainiko dute nazioarteko hainbat ordezkarik. “Milaka pertsona bertaratuko dira Lakuntzara, eta ezin da ahaztu zergatik eta zertarako gauden hemen. Esparru hori aprobetxatu beharra dago gure mezua zabaltzeko”, azaldu du Agirrezabalek.
Igandean, ekitaldi nazionala
Ostegunetik larunbatera jaialdiak ohiko itxura izanen du, baina igandea egun berezia izango da. Orduan egingo da aurtengo edizioko ekitaldi nagusia: dispertsioaren kontrako ekitaldi nazionala, Nahikoa da… Etxera! lelopean. Berau ahalik eta jendetsuena izatea nahi dute antolatzaileek, eta, horretarako, adin guztietako jendea gonbidatu dute. “Askok jende gaztearekin eta parrandarekin lotzen dute Hatortxu Rock. Igandea eskema horretatik atera nahi dugu. Aldarrikapen egun bat izango da. Ikastolen aldeko festen antzeko itxura izango du”, azaldu du Agirrezabalek.
Ekitaldi nazionala 13:00etan hasiko da, eta ondoren herri bazkaria egingo da Lakuntzako plazan. Egun osoan umeendako hainbat jarduera izango dira, baita hainbat kontzertu ere: besteak beste, Ken Zazpiren, Gozategiren, Enkoreren eta Huntzaren doinuez gozatzeko parada egonen da. Igandean debaldekoa izango da sarrera. Ostiral eta larunbatean, ordea, 45 eurotan salduko dira eguneko sarrerak, eta egun guztietako bonoek 90 euroko prezioa izango dute. Sarrerak txarteldegian eskuratu beharko dira, joan zen igandean amaitu baitzen txartelak aldez aurretik erosteko epea.
Herria, autoendako itxita
Egunotan jaialdira milaka pertsona etorriko direnez, herria asteazkenetik dago itxita autoendako. Soilik pasea duten ibilgailuak sar daitezke herrira; alegia, lakuntzarrenak eta bertan lan egiten dutenenak. Zortzi kontrol puntu dituzte herritik atera ahal izateko, eta hiru sartzeko: Sakana fundizioko puntua, gasolindegi puntua eta hostoak puntua. Pasea ez dutenek antolakuntzak Arbizu eta Lakuntza artean egokitutako aparkalekuetan utzi dezakete autoa. Sarrerak bost euro balio ditu.
Nolanahi, antolatzaileek nahiago dute jendeak garraio publikoa erabiltzen badu. Lakuntzara autobusez eta trenez joan daitekeela azpimarratu dute –anezkak egongo dira Etxarritik Lakuntzara–. Gainera, ostiral eta larunbatean sakandarrek eskuragarri izanen dute Jaibus zerbitzua. Ohiko ordutegia izango du.
Mugarik gabeko elkartasuna
Edizio honetan kanpalekua egongo dela baliatuz, Hatortxu Rockek janari bilketa egingo du Zaporeak elkartearekin elkarlanean. Igandean janaria biltzeko postu bat jarriko dute kanpalekuaren atarian. Bildutako elikagaiak Chioseko (Grezia) errefuxiatu-kanpalekura eramango ditu aipatu elkarteak. “Ekimen honen bitartez, Hatortxu Rocketik gure elkartasuna adierazi eta ahal dugun moduan gure ekarpena egin nahi dugu Greziako kanpalekuetan pilatuta dauden errefuxiatuei laguntzeko”, adierazi dute antolatzaileek. Egunotan jaialdira joango direnei eskatu diete soberakinak ez botatzeko eta berauek Zaporeakeko kideei emateko.
Gustu guztietarako kontzertuak
Egunero eskaintza musikal anitza izango da goizean hasi eta goizaldera arte, jaialdiko guneetan. Igandean doakoa izango da sarrera.
Oholtzetatik at ere, eskaintza zabala
Aurtengo Hatortxu Rock musika jaialdi bat baino gehiago izango da. Izan ere, kontzertuez aparte, beste hainbat jarduera ere izango dira; besteak beste, hitzaldiak eta mendi martxak.
Osteguna 27
18:30 Hasiera ekitaldia herriko plazan.
19:00 Kalera-kalera martxaren amaiera.
19:15 Sakatu elektrotxaranga.
Ostirala 28
8:30 Mendi martxa Aralar-Arangunera.
12:00 Hitzaldia: Etxerat eta preso eta senideen aldeko herri ekimenak (kultur etxean).
19:00 TTEK elektrotxaranga.
Larunbata 29
8:30 Mendi martxa Beriainera.
10:00 Graffiti erakusketa gaztetxe parean.
12:00 Nazioarteko hitzaldia: preso politikoak eta gatazkaren konponbidea (kultur etxea).
19:00 Zo-Zongo! perkusio taldea.
21:00 Zo-Zongo! perkusio taldea.
Igandea 30
10:45 Artisau eta ekoizleen azoka egunean zehar (Mikel Arregi kalea).
11:00 Haur txokoa Beriain gunean.
13:00 Dispertsioaren kontrako ekitaldi nazionala, Nahikoa da… etxera! lemapean (Beriain gunean).
14:00 Herri bazkaria plazan.
15:00 Irrien Lagunak (Naiz gunean).
Artikulu hau Guaixek argitaratu du eta Creative Commons lizentziari esker ekarri dugu
Sare Herritarrak antolatuta, pasa den urtarrilaren 11n Bilboko kaleak bete zituen manifestazio jendetsuaren ondoren, berriz sortu da eztabaida, euskal presoei salbuespen legeriarik aplikatzen ote zaion. Gure iritzia azaltzen saiatuko gara.
Espetxe politikan aldaketa nabarmena... [+]
Irakurlea dagoeneko jakitun dateke Euskal Herrian askatasunaren alde egon den eta dagoen gatazka politikoaren ondorioz urte luzetan kartzelan, erbestean edota deportazioan bizi behar izan duten euskaldunak, etxerako bidean, beren bizitza berregiten hasteko izaten dituzten... [+]
Urte hasiera honetan ere Bilboko kaleak bete ditu Sare Herritarrak larunbatean Bilbon antolatutako manifestazioak. Presoei ezartzen zaizkien salbuespeneko lege eta tratamenduekin amaitzea eskatu dute amaierako ekitaldian, eta memoria “kolektibo” bat eraikitzea... [+]
Larunbat honetan egingo da Bilbon euskal preso politikoen aldeko urteroko manifestazioa. Gero eta preso gutxiago dago, baina 2011n ETAk bere jarduera armatua eten zuenean inork gutxik irudikatuko zuen handik hamabost urtera oraindik gatazka haren ondorioz espetxeratutako... [+]
Jar gaitezen 2025erako proposamen politiko gisa, Espainiako Auzitegi Kolonialaren (AN) epai guztiak berrikusten hasteko eta makila bakoitzak bere belari eusteko.
Unionismoarekin lerrokatutako alderdi, sindikatu eta gizarte-erakunde gehienek, eta ez bakarrik horrela... [+]
Datorren larunbaterako, urtarrilaren 11rako, Sare Herritarrak euskal presoen eskubideen aldeko manifestazioa deitu du, beste urte batez, Bilbon. Aukera paregabea da gure herriarentzat elkarbizitzaren bidean aurrera egiteko, hainbat hamarkadatan liskar bortitzetan murgilduta egon... [+]
Konponbide prozesuari eta etxeratze prozesuari behin betiko amaiera emateko aldarrikatuko dute, eta euskal preso behin betiko etxean nahi dituztela. Laguntza ekonomikoa jasotzeko Bizumkada Nazionala ekimena jarri dute martxan.
Merino 2001. urtean atxilotu zuten, eta dispertsioa jasan du, zigorraren zati handi bat Euskal Herritik kanpoko kartzelatan igaro baitzuen baldintza “zailetan”. Orain, askatasuna berreskuratu du.
Hatortxu Rock jaialdiko 29. edizioa egingo da larunbatean Atarrabian. Sarrerak jada agortuta daude, baina txandak osatzeko laguntza behar da oraindik.
Antolatzaileek iragarri dutenez, ohiko jaialdia eginen dute abenduaren 28an eta 2025eko uztailean lau eguneko jaialdi berezi baten bidez agurtuko dute behin betiko jendea, "erreminta berriei bide emateko". Orotara, hamazazpi taldek eskainiko dute kontzertua larunbatean.
Berangoko euskal preso politikoa Zaballako espetxean dago gaur egun eta bertatik helarazitako idazkian Euskal Preso Politikoen Kolektiboa utzi duela iragarri du.
Zerk harritu zintuen gehien kartzelatik atera zinenean? Galdetu didate maiz azken urte eta erdian.
Bilboko kaleak turista eta bi hankadun txakurrez lepo daudela ikusteak, adibidez? Edo egoera politikoaren aldaketak? Lehenengoak akitu eta amorratu nau, badago zer borrokatzen... [+]
Fermin Muguruzak kontzertua eskaini zuen pasa den larunbatean Martuteneko kartzelan, Iñaki Pikabea 'Piti' eta Joseba Sarrionandia ETAko kideek espetxe horretatik ihes egin eta 39 urtera. Orain, kontzertua dela-eta hainbat jenderen kexak jaso ostean, Eusko... [+]