Mugako pasabideen itxiera salatu dute Lizarietan
Euskal Herrian mugarik ez! lelopean, pasabideen itxiera salatu dute 200 pertsona inguruk Lizarietako lepoan. EH Baik eta EH Bilduk deitu dute protesta eta alderdi horietako hautetsi, parlamentari eta ordezkari politikoak bertaratu dira. Sara, Etxalar, Bera, Zugarramurdi eta Urruñako alkateak ere izan dira bertan, besteak beste.
Igandean egindako protestan, “Europar akordioek babesten duten herritarren mugimendu askatasuna ez dela betetzen ari” nabarmendu du Pernando Barrena europarlamentariak eta bide beretik Nikolaks Blain EH Baiko bozeramaileak “terrorismoaren kontrako aitzakiapean hesi batzuk inposatzen dizkigutela” salatu du. Izan ere, urtarrilaren 14an Frantziako gobernuak pasabideak ixtea erabaki zuen “terrorismoaren aurkako borroka” argudiatuta.
Honek, mugaren bi aldeetako jendearengan dituen eraginak azaleratu ditu. “Gure egunerokotasunean ondorio zuzenak dituzte. Gure bizitzen egunerokoa eta usaiak zapaltzen dituzte”. “Jendeak ez du ulertzen nola borrokatzen den terrorismoa zortzi muga itxita gainontzekoak irekita daudelarik”.
Alderdi abertzaleek sinadura bilketa abiatu dute “pasabideak berriz irekitzea eta dispositibo militar eta poliziala altxatzea exijitzeko” eta dagoeneko 1.200 sinadura baino gehiago lortu dituzte. “Zentralismoaren aitzinean, inoiz baino behar handiagoa sentitzen dugu nazio eta herri bezala bizitzeko, erabakitzeko eta, baliabide eta tresnak indartzeko”, adierazi zuten.
Neurria ezartzeko "ekintza terroristen gorakada eta migratzaileen fluxu irregularra errazten duten sare kriminalen igoera" argudiatu ditu Frantziak. Azaroaren 1etik apirilaren 30era bitartean egongo da indarrean. Horren berri eman dio Frantziako Gobernuak Europar... [+]
Mugek itotzen gaituzte. Ondo esanda, mugek itotzen naute; izan ere, izango da baten bat zeina mugen estuasunean bertan gozo ederki sentituko den. Ni itotzen naute baina, harrigarria, mugak desegin daitezke. Lursail baten mugak, auzo baten mugak, udal baten mugak, eskualde baten... [+]
Pertsona migratzaile asko eraman ditu Aritzek bere autoan, Poliziak ez ditzan harrapatu, gaueko iluntasunean ez daitezen galdu eta batetik bestera seguru ibili daitezen. Bereziki gogoan ditu Irundik Hendaiara muga gurutzatzen lagundu eta etxean lotan izan zituen emakumea eta... [+]
Espainiako Gobernuak dio "behin-behinekoa" izango dela itsasoaren erdian sortuko duten kartzela. 600 metroko luzera du uharteak, eta Almeriako kostaldearen eta Marokoko Tres Forcasen artean dago. Militarrek erabiltzen dute.
Datozen egunetan onartu nahi du Europar Batasunak Migrazio eta Asiloaren Ituna. Bachué elkartea, Ongi Etorri Errefuxiatuak eta Amnistia Internacional itunaren aurka agertu dira eta elkarretaratzea ere egin dute protesta gisa, Gobernu Ordezkariordetzaren aurrean.
Europako Justizia Auzitegiak (EBJA) erabakia hartu du mugako barne-kontrolak berrezartzeko Frantziako Gobernuaren politikari buruz. Bidasoaren mugan ohikoak diren zenbait praktika. hala nola muga igarotzeko debekuak eta berehalako itzulketak, ez direla legearen araberakoak... [+]
Irailaren 21eko ebazpenak dio europarra ez denak epe jakin bat duela lurraldea bere borondatez uzteko, eta Frantziak ez du hori betetzen.
Mendi martxa, bizikleta igoera, hitzaldi, bazkari, txaranga, kontzertu eta DJ, egitarau oparoa osatu dute Baigorriko Basaizea elkarteak, Baztango Gazte Asanbladak eta Erratzuko gazte batzuk. Izpegiko bideetan istripuak saihesteko xedez autobus zerbitzuak izanen dira, Baigorritik... [+]
94.000 migratzaile inguru heldu dira Italiara 2023. urte hasieratik. Medicos Sin Fronterasen arabera, 13.300 pertsona itzuli edo atxikitu dituzte mugan: egunero 80 pertsona inguru. Immigrazio politiketan irregulartasunak eta “kontrol arrazistak” salatu dituzte... [+]
Larunbatean elkarretaratzea egin dute Baionan Darmanin inmigrazio-lege proiektua, mugak ixtea eta hiru atxiloketak salatzeko. Bertan eman zuen bere lekukotza atxilotuetako batek, Kazetak jaso duenez. Bederatzi hilabetez Poliziak bereziki zelatatu dituzte, telefonoa pintxatu... [+]
Satlantis Microsats enpresa bizkaitarrak aldarrikatzen du gaurko “Gerra Hotz Berrian” Mendebaldeari laguntzen diola: berak darama lidergoa Europako Defentsa Programaren esparruan 4,8 milioi euroko dirulaguntza jaso duten bi proiektutan. Eusko Jaurlaritzak eta... [+]
Atentatu batzuen harira 2015ean mugak ixteko agindua eman zuenetik, Frantziako Gobernuak behin eta berriz luzatu du agindu hori, eta eragile ugarik salatu du mugetako kontrol etengabea, batez ere migratzaileak jomuga dituena. Orain, botere judizialaren organo garrantzitsu den... [+]
Herritar txuri batek Irun eta Hendaia arteko muga zeharkatu du oinez birritan: lehenbizikoan ez du eragozpenik izan; bigarrenean, aurpegia beltzez margotu ostean, Poliziak gerarazi du. Askatasunak “berreskuratzeko” euskal errepublikaren ezinbestekotasuna aldarrikatu... [+]