Muga-zergen mehatxuarekin, Trumpen esanetara ipini dira Mexiko eta Kanada
Muga-zergak ez ipintzearen truke, AEBen eskakizunak konplitzeko konpromisoa hartu dute: bakoitzak 10.000 soldadu ipiniko ditu mugan, AEBen segurtasunaren izenean.
Mehatxua erreal bihurtzen hasi eta ordu gutxira, dena gibelaturik geratu da inguruko estatuak Donald Trumpen menera ipintzeko. Asteleheneko lehen orduan indarrean ipini ziren Kanadari eta Mexikori ipinitako %25eko muga-zergak, eta bi estatu horiek txanpon berarekin erantzun zieten, kantitate bertsuko muga-zergak ipinita produktu estatubatuarrei, baina egoerak ez du luzamendu gehiagorik izan: bai Kanadako eta bai Mexikoko presidenteek, Trumpekin hitz egin ostean, alde bietako muga-zergak atzeratzeko akordioa erdietsi dela iragarri dute. Gutxienez, hilabete iraungo dute horrela.
Akordio biak, dena den, bistako umiliazio bana izan dira: AEBen segurtasunaren izenean, 10.000 soldadu jarriko ditu Mexikok eta beste hainbeste Kanadak AEBekiko mugan, droga-trafikoa eta migratzaileen joan-etorria gerarazteko. Trukean, Trumpek ez du muga-zergarik ipiniko, ezta Kanadak eta Mexikok ere.
Garaipen gisa saldu dute jokaldia Kanadak eta Mexikok. "AEBekin koordinazioa hobetu" egingo dutela hitzeman dute, fentaniloaren trafikoa eteteko asmoz, eta, bereziki Mexikoko soldaduek "migratzaile ilegalak geldiarazteko lana" izango dute. Muga-zergak saihestea izan da Mexikoren hasiera-hasierako helburua. Izan ere, AEBak dira bere bazkide komertzial handiena.
Kolonbiarekin, berdin
Orain dela astebete gauza bertsua egin zuten AEBek Kolonbiarekin. Trumpek mehatxu egin zuen %25 eta %50 arteko muga-zergak ipintzearekin, baina azkenean hor ere "akordioa erdietsi" zen, eta Kolonbiak, azkenean, hasiera batean onartu nahi ez zituen deportazioak baietsi zituen.
Txinarekin traturik ez
Mexikorekin, Kanadarekin eta Kolonbiarekin ez bezala, Txinarekin ez dago akordiorik. Astelehenaz geroztik indarrean dira AEBek Txinari ipinitako muga-zergak, eta Txinak kantitate berarekin erantzungo die AEBei otsailaren 10etik aitzina: %10eko muga-zergak ikatz eta gas estatubatuarrei, eta aldiz, %15ekoa petrolioari, nekazaritza-makineriari eta zilindro handiko automobilei.
Bestalde, Google ikertuko du Txinako Merkatuaren Erregulaziorako Administrazioak. Askoz ere gehiago arrazoitu gabe, esan dute Monopolioen Aurkako Legea urratu dezakeela Googlek, alegia, monopolio bihurtu delakoan. Baina orain Google ikertzea ez da sinbolikoki zigortzea baino gehiago. Izan ere, 2010etik legez kanpokoa da bere erabilpena Txinan. Erabili daiteke, tranpa eginda, VPN on bat erabilita.
AEBetako presidentearen Gazako palestinarrak kanporatzeko asmoak aurkako erreakzio ugari eragin ditu nazioarteko nahiz herrialdeko politikan, baita Alderdi Errepublikanoan ere. Gehienek "garbiketa etnikoa" sustatzea egotzi diote, baina Trumpek bere asmoa berresten... [+]
Zutabe hau idazten nengoela, gaia aldatu behar izan dut, nire arreta osoa harrapatu dutelako Trumpen muga-zergek. Azalpen gutxi beharko duzue, leku guztietan da berria, Txinako produktuei %10eko zerga eta Kanadako eta Mexikoko produktuei %25eko muga-zergak jarri dizkie. Trumpek... [+]
Benjamin Netanyahu Israelgo lehen ministroaren bisitarekin batera egin ditu adierazpenak AEBetako presidenteak, Etxe Zurian. Zerrendan bizi diren 1,8 milioi palestinarrak Egipto edota Jordaniara lekualdatzea proposatu du.
Donald Trumpek agindutako muga-zergak indarrean sartu dira: Kanadak eta Mexikok %25ekoak izango dituzte eta Txinak %10ekoa. Kanadak zifra bereko arantzelekin erantzungo du. Mexikok arbuiatu du AEBko Gobernuak esan izana organizazio kriminalekin loturak dituela herrialde horrek... [+]
Ekimenak erreferendum eskaera egin du eta Shirley Weber estatu idazkariak onartu. Orain, prozesuari jarraipena emateko, 546.000 sinadura lortu behar dituzte datorren uztailerako. Marcus Evansek egin du eskaera.
ChatGPT ez da dagoeneko "hainbesterako". Lehiakide biziago, eskuragarriago eta merkeago bat jarri zaio parean AEBetako eta mundu mailako liderrari: enpresa txinatar baten eskutik ikusi du argia DeepSeekek. Dantzan jarri da mundua, eta ez espresuki onerako. Mikrotxipen... [+]
Su-etenaren akordioarekin barnean, Israelgo armadak Netzarim korridorea ireki du. Ia urtebeteko erbestealdiaren ondoren, milaka palestinar euren etxeetara abiatu dira bidaia emozional sakonean. Trumpek gazatarrak Egiptora eta Jordaniara desplazatzea proposatu du, eremua erabat... [+]
AEBko John C. Coughenoiur epaileak onartu du Washington, Arizona, Illinois eta Oregon estatuek elkarrekin aurkeztutako helegitea, eta horren arabera atzera bota du Donal Trumpek AEBn jaiotako migratzaile ez legezkoen seme-alabak kanporatzeko dekretua.
Donald Trumpen agintaldia hasi da politika atzerakoiak ezartzen woke edo DEI izan daitekeen guztiaren kontra, eta baita neurri teknologikoak iragarriz. Lehen unetik, karguaren zina egin zuenetik, teknologiako erraldoien buruak lehen lerroan egotea deigarria izan zen: bereziki... [+]
Groenlandia, X. mendearen amaiera. Lehen esploratzaile eta kolono eskandinaviarrak uhartera iritsi ziren. Baina XV. menderako kokaleku horiek abandonatuta zituzten eta jatorrizko inuitak geratu ziren. Baina 1721an, Hans Egede misiolariak espedizio bat antolatu zuen eta kolonoak... [+]
Stargate izeneko proiektuarentzat 500.000 milioi dolarreko inbertsioa iragarri du AEBetako presidente izendatu berriak. OpenAI, SoftBank eta Oracle konpainiek hartuko dute parte.
Bere agintaldiaren azken egunetan Joe Biden AEBetako presidenteak egikaritu duen barkamen-zaparrada historikoak zeresanik eman behar luke, halakoen onuradun ezagunenetako batzuen kasuan behintzat ezinbestez egin beharko litzatekeen irakurketagatik. Edo ez al da justiziaren... [+]
"Ameriketako Estatu Batuen gainbehera aldia amaitu da", esanez abiatu du kargu hartze ekitaldiko diskurtsoa Donald Trumpek. Besteak beste, trans eta pertsona ez-bitarren eskubideak deuseztatuko dituela promestu du, baita energia berriztagarrien aldeko politikekin... [+]
Donald Trumpek asteleheneko 18:00etan (12:00ak Washingtonen) egingo dio zin AEBetako presidente izateari. Europako eta beste hainbat herrialdetako eskuin muturreko estatu buruak gonbidatu ditu inbestidura ekitaldira. Egun bakar bat lehenago emandako mitinean aurreratu duenez,... [+]