Muga-zergak ezarriko ote zaizkio unibertsitateko talentuari ere?
Ipar hemisferioan ikasturtea hastearekin batera izan ohi den albiste-zaparradan argitaratu zen duela astetxo batzuk: aspaldiko urteetan ez bezala, txinatar jatorriko ikasleak (275 milatik gora) ez dira jada ugarienak Estatu Batuetako unibertsitateetako atzerriko ikaslerian; aurrea hartu die aurten 330 mila baino gehiago diren indiarrek.
Sorpresa? Ezta gutxiagorik ere: aspalditik zetorren AEBetara unibertsitate ikasketak egitera zihoazen indiar ikasleen kopuruaren goranzko joera jarraitua. Eta 2020an gailurrera iritsi zenetik beherantz abiatuta zegoen haien kide txinatarren kopurua: 19/20 ikasturtean baino ehun mila gutxiago 23/24 ikasturtean.
Aurrerago joan baino lehen, hala ere, gogoetatxo bat merezi dute zenbateko horiek. Munta kuantitatiboagatik, batetik. Bi herrialde erraldoien artean bilbatzen duten milioi erdi ikasle baino gehiago horrek Estatu Batuetako unibertsitate-sistemarako egiten duten dirutza- eta talentu-ekarpena ez delako ahuntzaren gauerdiko eztula. Eta, ikuspegia zabalduz, Asia ekialdeko herrialdeen nagusitasunak –orokorrean; eta zehatzago, haien biztanleriaren proportzioan– ere zerbait adierazten duelako.
Kualitatiboki, bestalde, nahiko argi legoke, zuzeneko ezagutza indibidualen metaketa hutsagatik besterik ez bada ere, AEBen ezaguera nahiko zabala eta doitua eduki behar dutela asiar herrialde horietako gizarteek. Aldiz, ikasketak egitera hara doan estatubatuarren zenbatekoa, inoiz joria izan ez dena, maila irrigarrietara etorrita dago gaur egun, batez ere Txinako kasuan.
AEBetako unibertsitateetara doazen ikasle txinatarren beherakadak badu zerikusia, noski, azken urte hauetan asiar itxurako pertsonek orokorrean, eta txinatarrek oso bereziki, Estatu Batuetan jasan dituzten jazarpen eta erasoekin. Eta ematen du joera hori zuzendu ordez areagotu egingo dela hastear den Trumpen bigarren agintaldiarekin. Gainera, ez dirudi galerak asko axola zaizkienik... ikasle horien ekarpenak (ekonomikoak nahiz talentuarenak) biziro estimatu ohi dituzten unibertsitateei izan ezik. Europako kideak dira, berehalakoan, taxugabekeria horren onuradunak, dagoeneko ikusten den eran.
Baina, agian, bada horren agerikoa ez den irabazle handiago bat: Txinako erregimena. Bera baino dezente lehenagokoa (XIX. mendera jo beharko litzateke estatus sozial jaso samarreko familiek semeak ikasketak egitera Mendebaldera bidaltzeko usadioaren lehen aztarnak kausitzeko) den ohitura errotu hori eragozteko batere asmorik erakutsi ez badu ere, azken urte hauetan aginte txinatarrak benetako estatu-operazioa jarri du abian atzerrian, puntako unibertsitate eta ikerketa-zentroetan, lanean ari den “talentu txinatarra etxera erakartzeko”. Halakoekin, bertako unibertsitate eta laborategien maila goreneraino altxatzeko, jakina.
Eta, tantaka, arrakasta lortzen ari da operazio hori. Ikasleria, etorriko da jarraian.
Batez ere, talentuari ere muga-zergak ezartzea komeni dela ebazten badu norbaitek.
Ari da mundu guztia kontuak ateratzen Trump 2.0 aldian norberari gerta dakiokeenaren eta munduan gerta daitekeenaren inguruan. Subjektuaren mudakortasuna ezagututa, ziur samartzat eman daitekeen aurreikuspen bakanetakoa da Estatu Batuen Txinarekiko harremanak, ekonomikoak... [+]
Inoizko okerrenean daude India eta Kanadaren arteko harreman diplomatikoak: indiar enbaxadorea eta beste bost goi diplomatiko bota ditu Ottawak joan den astean; eta, ordainetan, beste horrenbeste egin du berehalaxe New Delhiko gobernuak.
Indiako lehen ministro Modik 400 jarleku baino gehiago lortu behar ditu hauteskunde nagusietan, arrakasta dela esateko. Egungoak baino gutxiago lortuko balitu, porrota izango litzateke, koalizioak gehiengoari eutsiko balio ere. Ekainaren 4ko emaitzek erakutsiko dute korapiloaren... [+]
Europar Batasunean berriki onartu den Migrazio Itunak, asko zaildu dizkie gauzak euren herrialdetik ihesi doazen eta asiloa eskatzen duten pertsonei. Eskuin muturraren tesiak ogi tartean irentsita, migratzaileentzako kontrol neurri zorrotzagoak onartu dituzte Estrasburgon,... [+]
Indiako Poliziak bonba negar-eragileak jaurti dizkiete New Delhira bidean diren milaka nekazariei, gobernuak egin dien eskaintzari uko egin ondoren.
NewsClick ezkerreko hedabidearen sortzaile eta erredaktore burua eta Amit Chakravarty giza baliabideen arduraduna atxilotu ditu Indiako Poliziak, zenbait egoitza eta hainbat kazetariren etxebizitza ere miatu dituzte.
Brasil, Errusia, India, Txina eta Hegoafrikak osatutako aliantzak Johannesburgon egin duten azken goi-bilerako eztabaidagai nagusia izan da partaide gehiago onartzea. Saudi Arabia, Arabiar Emirerri Batuak, Iran, Egipto, Argentina eta Etiopia gonbidatu dituzte.
Duela lau hilabete, zenbait kirolarik Indiako Borroka Libreko Federazioko burua salatu zuten sexu-abusuak egiteagatik. Igandean protesta egin dute Jantar Mantaren, Indiako Parlamentutik gertu. Salatuetakoen artean daude olinpiar jokalariak, eta Poliziak atxilotu ditu hainbat.
Bi herrialde horiek Errusiako petrolio inportazioen %90 osatzen dute. Europak nabarmen jaitsi du eskaera, baina gainontzeko herrialdeen eskaerak handituta, Errusiaren esportazio osoa handitu egin da. Prezioen jaitsieraren ondorioz, ordea, Errusiak diru sarrera gutxiago jasotzen... [+]