Datorren uztailaren 1ean bi urte beteko dira Mozal Legea indarrean sartu zenetik. Bi urte oinarrizko eskubide zibil eta politikoen aurka eta, zer esanik ez, azken urteotan herri mugimenduok garatu ditugun mobilizazio moduen aurka legea estutu zutenetik. Eta bi urte eta gero zer?
11.000 isun baino gehiago jaso ditugu Hego Euskal Herrian. 11.000 isun baino gehiago Ertzaintzaren eta Foruzaingoaren eskutik. Eta hori gutxi balitz, ezin dugu ahaztu 2016ko Apirilean Nafarroako Legebiltzarrak Mozal Legea arbuiatu zuela eta berdin egin zuela Gasteizkoak ere 2016ko Ekainean. Hala ere, salbuespen lege hau aplikatzen jarraitu dute, gure eskubide zibil eta politikoak zapaltzen jarraitu dute.
Baina nondik dator lege hau? Eskubide Zibil eta Politikoen urraketa ez da atzoko kontua. Ia estatu guztietako gobernuek izan dute disidentziak isilarazteko joera, batez ere herritarrek antolatzeko, adierazteko edo mobilizatzeko eskubideak praktikan jartzen dituztenean. Urraketa hauen helburua argia da, indarrean dagoen jendarte eredua neurri batean edo bestean eraldatu nahi duen jendartea zigortzea, beldurtzea, autozentsuraraztea...
Euskal Herrian hori oso ondo ezagutzen dugu, hamarkadak daramatzagu Eskubide Zibil eta Politikoen urraketa egiturazkoa bizitzen. “Demokrazian” frankismotik eratorritako salbuespen arkitekturaren zutabe oso garrantzitsuek zutik iraun zuten. 90.hamarkadaren ondarrean eta bereziki 2001etik aurrera, eraikina zaharberritu eta zutabe berriak eraiki zituzten, hala nola, alderdien legea, mugimendu herritarrak legez kanporatzea, komunikabideen itxierak, mobilizazioen debekua edota iritzi delituen biderkatzea.
Horiek guztiek, salbuespen neurriak izanik, ez zuten batere zentzurik, are gutxiago egungo testuinguruan salbuespen arkitekturari zutabeak gehitzen jarraitzeak. Izan ere, 5 urte igaro dira ETAren jardun armatua euskal eszenatokitik desagertu zela. Askoren harridurarako ordea, horri erantzun beharra argudiatuta mantendu edo sortu ziren salbuespen neurriak ez dira indargabetuak izan. Are gehiago, urteotan disidentzia zahar eta berrien aurkako neurri berriak garatu ditu Espainiar Estatuak. Entzutetsuenak Mozal Legea eta Zigor Kodearen erreforma.
Eleak/Libretik datuok jasota, Nafarroako parlamentura eta Gasteizkora jo genuen. Gasteizko Legebiltzarraren erantzunaren zain bagaude ere, Nafarroako Legebiltzarrean izan ginen Ekainaren 6an. Horren emaitza indar politikoen gehiengoa Mozal Legea indargabetzearen alde agertzea izan zen. Gauzak horrela, batetik, Mozal Legearen aurkako jarrera publikoa berrestea adostu zuten; bestetik, oinarrizko eskubideak urratzen dituen lege honen aplikazioa berriz ematekotan, salaketa publikoa egin eta zigortuari babesa adierazteko konpromisoa hartu zuen. Azkenik, Mozal Legea ez aplikatzeko konpromisoa eta horretarako bideak jorratzeko konpromisoa hartzea onartu zuten.
Berri pozgarria azken hau, baina lege honek indarrean jarraitzen duen bitartean, eta lehendik ere indarrean dauden salbuespen legediek jarraitzen duten bitartean erantzun bat ematea beharrezkoa dela uste dugu.
Bere egunean, Eskubide Zibil eta Politikoen aldeko borrokatzeko, Erraminta Kutxa aurkeztu genuen. Horren emaitza ikusgarrienak izan ziren Euskal Herrian antolatutako Aske Gune eta Herri Harresiak. Gero, Errepresioaren Aurkako Gida Liburua kaleratu genuen beste eragileekin batera, gure eskubideen bortxaketaren aurrean nola jokatu behar genuen azaltzeko. Eta, orain, Mozal Legearen aurrean desobedientzia bideratzeko Protokoloa kaleratu dugu. Beste hitzetan esanda, Eskubide Zibil eta Politikoen defentsa mikro-desobedientziaren eta ekintza zuzenaren bidetik jorratzen hasi gara.
Bide horretan, deialdi garrantzitsua dugu datorren Uztailaren 1ean Donostian eta Gasteizen, guztion artean Mozal Legearen indargabetzea eskatzeko. Baina hori ez da lan bakarra izango, salbuespen legeen aurka eta gure Eskubide Zibil eta Politikoen alde mobilizatzen jarraitu behar dugu, lege injustuen aurrean desobedientzia zibila erreala bihurtu arte. Ekin diezaiogun lanari!
Mozal Legeari ez!!!
Maialen Begiristain, Joseba Alvarez, Joxe Aldasoro eta Ione San Ildefonso Eleak-Libre Mugimenduko kideak dira.
Bidali zure iritzi artikuluak iritzia@argia.eus helbidera
Bidali zure iritzi artikuluak iritzia@argia.eus helbide elektronikora
ARGIAk ez du zertan bat etorri artikuluen edukiarekin. Idatzien gehienezko luzera 4.500 karakterekoa da (espazioak barne). Idazkera aldetik gutxieneko zuzentasun bat beharrezkoa da: batetik, ARGIAk ezin du hartu zuzenketa sakona egiteko lanik; bestetik, egitekotan edukia nahi gabe aldatzeko arriskua dago. ARGIAk azaleko zuzenketak edo moldaketak egingo dizkie artikuluei, behar izanez gero.
Beharbada ez duzu jakingo nor den Donald Berwick, edo zergaitik aipatzen dudan artikuluaren izenburuan. Gauza bera gertatzen zaie, agerikoa da, abian den Osasun Itunean parte hartzen ari diren gehienei. Ez dakite zer den Berwicken Helburu Hirukoitza, are gutxiago eredu hau... [+]
Aurreko egunetan Larraitz Ugarte abokatuak idatzitako La motosierra puede ser tentadora artikuluak zeresan handia eman du sektore zabal batean. Administrazio publikoaren barruan ohikoak diren egoera batzuk mahai gainean jartzen ditu, tartean efizientzia falta, ardura eta kontrol... [+]
Garrantzitsua al da hizkuntza bat zuzen erabiltzea? Zer puntutaraino da hain beharrezkoa gramatika menderatzea edo hiztegi zabal bat edukitzea? Betidanik entzun izan ohi dut hizkuntzaren garrantzia, baina pentsatzen jarri ostean, ondorio batera iritsi naiz. Pentsatzeak askotan... [+]
Aspaldian bisitatzen ez nuen eta hainbertze gustatzen zitzaidan leku batera joan nintzen aurrekoan. Bertan nengoela, gustura sentitu nintzen eta zera pentsatu nuen: hau da nire leku kuttuna. Kuttuna, kuttuna, kuttuna; hitza jira eta biraka etxerako bidean. Kuriositateak jota... [+]
Nerabeek eta gazteek, ibilbide akademikoan zehar, behin baino gehiagotan jasoko dute lagungarria izango zaien ikasketetarako edo-eta lanbiderako orientabidea. Gidaritza eskaini behar zaie, zalantzez beterik egon ohi baitira erabaki garrantzitsuak hartu behar dituzten bakoitzean,... [+]
Jada bizpahiru aste izango dira irakurri nuenetik, Maialen Akizuren zutabe batean. Aner Peritzek telebistan esandakoak zekartzan: “Bertsolaritza da gizon zis heteroekin ez harremantzera eraman nauena, bertsolaritza delako disidente egin nauena, eta, era berean,... [+]
Beldur hori bada. Badirudi Donald Trump etorri dela Washingtoneko bulego borobila luzerako okupatzera. Bigarren mandatua du, baina bere hurbileko aholkulariei, ez dela txantxetan ari berretsiz gainera, Konstituzioan zenbaki bakan batzuk aldatzeko bere xede zurruna aipatzen die,... [+]
Ansorena´tar Joseba Eneko.
Edonori orto zer den galdetuz gero, goizaldea erantzungo, D´Artagnanen mosketero laguna edo ipurtzuloa, agian. Baina orto- aurrizkiak zuzen adierazten du eta maiz erabiltzen dugu: ortodoxia, ortopedia, ortodontzia... Orduan (datorrena... [+]
“Erresilientzia poltsa”, “biziraupen eskuliburua”, “ebakuazio bizkar-zakua”: hara nolakoak entzun daitezkeen agintarien ahotan azken asteetan.
Iragan hilabeteko adierazpenen artean, Europako Batasunak herritarrei eskatu die... [+]
Ez da Aberri Eguna, Aberri Aukera da euskaldunok behar duguna. Urtean behin errepikatzen dira balizko alderdi zein talde abertzaleen deialdiak, data hauetan, Euskaldunon aberria Euskadi/Euskal Herria da aldarriaren inguruan. Egun bateko kontua izaten da, hala ere. Eta ez batera... [+]
Joan den astean topaketa polit bat izan dut, aspaldi ikusten ez nuen emakume talde batekin, eta egitearen inguruan aritu gara berbetan, teknologia eta sorkuntza espazioei lotuta.
Emakume hauetako nagusiena, jubilatzeko mugan dagoena, programatzailea da eta kodea programatzen... [+]
Hainbatetan esan izan didate arkitektoen lanaren gauzarik indartsuena dela ekoizten duguna betikotu egiten dela. Eraikinaren betikotasunak gizakiaren presentzia tenporala gainditzen duela eta geroko etorkizunean iraunkor egingo gaituela. Eta liburu batekin gertatzen ez den... [+]
Desengainu handia hartu dute euskal feminista askok jakin dutenean Chimamanda Ngozi Adichie idazleak haurdunaldia esternalizatu duela, alegia, surrogate batek ernaldu duela bere haurra, diru truke. Guztiok izan beharko genuke feminista saiakeraren egilea da Adichie, besteak... [+]
Gure hizkuntzaren aurkako beste eraso bat jasan behar izan dugu Nafarroako Gobernuko Hezkuntza Departamentuaren eskutik; PAI programan euskararen aurkako aldaketa bat egitera behartu gaituzte. Azken urteotan, legeak hala aginduta, D ereduko ikastetxe berriek PAI programa sartu... [+]
