Mozal Legea ezarri diote Zumaiako mugimendu feministari

  • Aspaldi ikusi gabeko manifestazioak izan ziren Zumaian martxoaren 8an, Emakumearen egunean. Bai eguerdian bai arratsaldean jendetzak hartu zuen parte Mugimendu Feministak deitutako ekitaldietan. Ekintza horiek izan dute bere alde negatiboa, izan ere, bi une horietan egindako mobilizazioengatik isunak jaso dituztela adierazi du gaur Mugimendu Feministak, “Zumaiako arteria nagusia moztu” izanagatik, alegia.

Artikulu hau CC BY-SA 3.0 lizentziari esker ekarri dugu.

2018ko maiatzaren 13an - 10:56
Zarata mediatikoz beteriko garai nahasiotan, merkatu logiketatik urrun eta irakurleengandik gertu dagoen kazetaritza beharrezkoa dela uste baduzu, ARGIA bultzatzera animatu nahi zaitugu. Geroz eta gehiago gara, jarrai dezagun txikitik eragiten.

Udaltzaingoaren aurrean egin dute agerraldia "Mozal legearen" aplikatze hori salatzeko. Gogoratu dute martxoaren 8ko egun horretan ez zela inolako arazorik egon "hainbeste herritar elkartuta argazkia ateratzeko elkartu ginen unean. Eta guztiok ikusi genuen moduan, Udaltzaingoak trafikoa bideratu zuen, inolako momentutan inor ez zen gerturatu ezer esatera. Gainera, arratsaldeko manifestazioan, aurreikusitako bidea jarraitu zen inolako aldaketarik gabe, txostenean jasotzen denaren aurka. Zarauzko Ertzainetxean egindako txostena dela jartzen badu ere, momentuan bertan Zumaiako Udaltzaingoa bakarrik zegoen bertan".

Ekitaldian hiru puntu nabarmendu dituzte. Batetik, ez dutela isuna ordainduko, "isunaren oinarrian dagoen legea bera zilegia ez dela ulertzen dugulako eta egun horretan egindako mobilizazioek inolako zigorrik merezi ez dutela uste dugulako". Gero, Zumaiako Udalari eta Udaltzaingoari eskatzen diote isun honen harira azalpenak eman ditzaten. "Duela denbora gutxi Zumaiako Udaleko alderdi politiko guztiak herritar bati Mozal Legean oinarritua jarritako isunaren aurka aurkeztutako idatzia adostu zuten. Zergatik eman diozue bide oraingoan mugimendu sozialen eta eskubide zibil eta politikoen aurka diseinatutako legeari?". Amaitzeko, maiatzaren 17an egingo den udal-plenora gai hau eramango dutela ere aurreratu dute, eta herritar orori dei egiten diote egun horretan plenora hurreratu daitezen. 

Beraien lana "oztopatzeko intentzioz" ari direla uste du Mugimendu Feministak. Beraien esanetan, mugimendua "inoiz baino indartsuago" dago, eta iragarri dute maiatzaren 19an tren estaziora bideko tunela berriro margotuko dutela, "Berriro margotuko dugu emakumeok* herriko puntu beltz moduan definitutako pasabidea". 

Hemen duzue ekitaldiko bideoa:

Albiste hau Baleikek argitaratu du eta Creative Commons lizentziari esker ekarri dugu


Kanal honetatik interesatuko zaizu: Mozal legearen mehatxua
Guardia Zibilak Aldatu Gidoia ekimena isundu du, Mozal Legea aplikatuta

20 lagun baino gehiago elkartzeko baimena eskatu behar dela dio legeak, eta apirilaren 25ean Altsasun 22 lagun elkartu zirela argudiatuta zigortu dute ekimena. Aldatu Gidoiak salatu du “politikan parte hartzea eragozteko” legea dela.


Mozal legea eta EAJ: maitasunezko edo gorrotozko istorio bat?

Segurtasun Sailak Ernaiko gazteen aurka egin du, eta zigor desproportzionatua ezarri die bidezko protesta bat egiteagatik, hala nola Aitor eta Galder lankideen espetxeratze arbitrarioaren kontra egiteagatik. Herritarren Segurtasunerako Lege eztabaidagarria erabili du... [+]


153.600 euroko isuna Askeri, euskal presoen alde egindako martxa batengatik

Aske antolakundeak aldarrikatu du elkartasuna eta amnistiaren aldeko borroka ez dela delitua. Eta, Ertzaintzak indarkeria erabiltzeko duen inpunitatea kritikatu du. Antolakundekoei jarri dizkieten isunak ordaintzeko, urriaren 5ean antolatuko duten elkartasun egunerako deia... [+]


Ia 300.000 euro eskatu dizkio Ernairi isunetan Jaurlaritzak: “Orain arte jasandako erasorik larriena da”

"Ernai ekonomikoki itotzen eta politikoki deuseztatzen" saiatzea leporatu dio gazte antolakundeak Jaurlaritzari ostegun goizean Bilbon egindako agerraldi jendetsuan. Jakinarazi dutenez, Aitor Zelaia eta Galder Barbadoren espetxeratze agindua salatzeko Bilbon eta... [+]


Artxibatu egin dute Ahotsa.info-ko kazetari bat gezurrekin salatu zuen udaltzainaren aurkako kereila

2021eko protesta batean Poliziaren jarduna grabatu eta zabaltzeagatik, Mozal Legea urratu izana leporatu zion udaltzainak kazetariari. Salaketan hainbat gezur esan zituen agenteak, grabatutako bideoan egiazta daitekeenez. Agiriak faltsutzeagatik kazetariak kereila jarri zuen... [+]


2023-03-15 | Axier Lopez
Espainiako Gobernuak ez du hitza bete: Mozal Legeak indarrean jarraituko du

2015ean PPk gehiengo absolutuz ezarri zuen Mozal Legea. Oinarrizko zenbait eskubide urratzen dituen arau sorta horrek kontrakotasun handia bildu zuen Espainiako Estatuko mugimendu sozial eta alderdi politikoen artean, baita nazioartean ere. Lege hori "ezbairik gabe derogatu... [+]


Otsaileko lehen osoko bilkuran onartu nahi dute Espainiako Kongresuan ‘Mozal Lege’ berria

Dagoeneko erreformaren %96 adostuta dute Espainiako Kongresuan erreforma lantzen ari diren alderdiek, eta datorren astean akordio batera iritsiko dira, El Plural.com-en irakurri dugunez.


Laudioko Gaztetxearen aldeko elkartasun jaialdiak antolatu dituzte Laudion, Bilbon eta Gasteizen

Laudioko Gaztetxearen kaleratzearen ondorio ekonomikoei aurre egiteko elkartasun jaialdiak antolatu dituzte Orbeko Etxean, Zazpi Katu Gaztetxean eta Gasteizko Gaztetxean. Ertzaintzak 'mozal legea' ezarri zien sei gazteri ekainaren 13ko protesten harira, 4.000 euroko... [+]


2022-12-16 | Iñaki Agirre
“Ez dugu ekimen erreformistarik nahi, Mozal Legearen indargabetzea eskatzen dugu”

Hogei eragile sozialek baina gehiagok eginiko deialdiak dozenaka pertsona bildu ditu ostegun ilunabarrean Donostian adierazpen askatasuna aldarrikatu eta Mozal Legearen indargabetzea eskatzeko. Lege horren bitartez, Hego Euskal Herrian 2020tik hona 30.000 zigor baina gehiago... [+]


2022-11-25 | Ahotsa.info
Ahotsa.info-k kereila kriminala aurkeztu du, Mozal Legea erabilita, bere kazetari baten aurkako salaketa faltsua egin zuen udaltzainaren aurka

Iñigo Orduña Ahotsa.info-ko kameraria protesta bat grabatzen ari zenean, udaltzain batek salatu egin zuen. Kontakizun faltsua egin zuen salaketan, kazetariaren aurkako zigorra larriagotzeko asmoz. Dena grabatuta geratu zen, poliziaren gezurrak agerian geratuz... [+]


Laudioko Udaltzaingoak Tubacexeko langile bati jarritako 3.000 euroko isuna epaitegira helduko da

Azaroaren 21ean izango da Administrazio Epaitegian hitzordua. Alde batean Tubacexeko grebalarietako bat egongo da, eta bestean Laudioko Udaltzaingoa. Poliziak leporatzen dio langileari hesi batzuk jartzea errepidean grebaren azken egunean eta beharginak akusazioa ukatzen du.


2022-07-18 | Jon Torner Zabala
Mozal Legeaz zigortu dute Nafarroako 0-3 Plataformako bozeramailea, haiekin elkartasunez ateratako argazki batengatik

Mozal Legea urratu duelakoan, Altsasuko Guardia Zibilak isuna ezarri dio Nafarroako 0-3 Plataformako bozeramaile Eider Garderi, haurtzaindegietako gatazkarekin elkartasunez ateratako argazki batengatik, legez kanpoko elkarretaratzea egotzita.


Munillaren agurrean, Mozal legeaz zigortua

Otsailean apezpikua agurtzeko Donostian egin zen performancea ikusten izan zen Beatriz Goñi. Orain, zigortu egin dute identifikarazi zutenean ahoz adierazi zuelako bere NAN zenbakia. Identifikatzeari uko egitea egotzita, 700 euroko isuna jarri dio Ertzaintzak.


Eguneraketa berriak daude