Euskaraz hitz egiteko eskatzeagatik Ertzaintzak identifikatu zuen pertsona Mozal Legeaz zigortu dute... gaztelania hutsez
Euskaraz hitz egiteko eskatzeagatik pertsona bat identifikatu zuen Donostian Ertzaintzak maiatzean. Hilabete batzuen buruan, Mozal Legea aplikatu eta 600 euroko isuna jarri diotela jakinarazi dute. Gutuna gaztelania hutsean bidali diote. Eztabaida hartan gertatu zena grabatuta geratu zen ARGIAren bideoan.
"Ekimenaren antolatzaileak identifikatzen ari zirela eta ni agenteen eta antolatzaileen artean jarri nintzela diote, beren jarduna oztopatzen", adierazi dio Eneka Alvarez zigortuak ARGIAri. Gezurra dela dio, bideoan ere ikusten baita nola beste kide batek poliziari adierazten dion dagoeneko identifikatuta dauzkatela arduradunak.
Bizitza Da Handiena borroka sozialen astean gertatu zen ekimena. Eragile sozialek egindako ekintzen artean, Ernaik turistifikazioaren kontrako prentsaurreko bat egin zuten irekitzear zen hotel baten parean. Ekimena amaitzean, Ertzaintzako patruila bat gerturatu zen, eta lehenik eta behin prentsaurrekoan hitz egin zutenak identifikatzera. Berehala sortu zen hika-mika, eta agenteak inguruan ziren herritar eta kazetariak identifikatzeari ekin zioten.
Bertan zen isuna jaso duen gazte antolakundeko kidea. Honek euskaraz mintzatzeko eskatu zien ertzainei, eta agenteek identifikatzeko eskatu zioten, gazteleraz. ARGIAko kazetari Lander Arbelaitzek bideo batean jaso zuen momentua:
Jazoera tarteko, Hizkuntz Eskubideen Behatokiak salaketa jarri zuen, eta Eusko Jaurlaritzako Segurtasun Sailak formalki erantzun zion. Bideoan ageri ziren herritarren eskubideak errespetatu ez zirela onartu, eta agenteek barkamena eskatu zutela adierazi zuen Ertzaintzako burutzak.
Ertzaintzak gutun formala bidali zuen handik hilabete batzuetara Hizkuntz Eskubideen Behatokira, adieraziz, barkamena eskatzen zutela herritarren hizkuntza eskubideak ez betetzeagatik: “Donostiako Ertzain-etxeko burutzak berariaz zehaztu du ez zela errespetatu aipatu bideoan agertzen diren herritarren eskubideak, agente jarduleekin harremanak euskaraz izatekoa, nahiz eta gertatutakoa tentsiodun polizia-jarduera batean gertatu zen eta azkenean agenteetako bat euskaraz mintzatu zitzaion”.
Ondoren, Ertzain-etxeko burutzak adierazi zuen agenteek barkamena eskatu zutela: “Jardueran esku hartu zuten ertzainei eta unitateko aginte-koadroari jardunbide egokia zein den jakinarazi zaie, eta berariaz eskatu digute beraien partez barkamena helarazteko”.
Behatokiak adierazi zuen beharrezko norabidean emandako urratsa izan zela, baina herritarrak, aitortzatik harago bere eskubideen bermea merezi duela. Behatokiak zorionak eman zizkien ahaldundutako euskaldunei eta bide horretan jarraitzera gonbidatu zituen.
Barkamenak barkamen, zortzi hilabete ostean Mozal Legearekin jasotako isuna medio, “aurpegira barre” egin dietela adierazi du Donostiako Ernaik.
Behatokia: "Erabat bidegabea da"
ARGIA Hizkuntz Eskubideen Behatokiarekin harremanetan jarri da eta lehen balorazio azkar bat eskaini du Garbiñe Petriatik. "Erabat sinesgaitza egiten zaigu. Hizkuntza eskubideen urraketa jasan duen herritarrari 600 euroko isuna jarriko diote? Bere garaian Ertzaintzak bidali zigun gutunean zioten ez zituztela hizkuntza eskubideak errespetatu eta "jardunbide egokia" eman zietela iskanbila honetan parte hartu zuten ertzainei. Hau al da jardunbide egokia?
Behatokiak adierazi du juridikoki zer egin daitekeen begiratuko dutela isuna bertan behera uzteko. "Hau ezin da horrela geratu".
Sare sozialetan Ertzaintzak bidali zuen gutuna sareratu dute.
"... AGINTE KOADROARI JARDUNBIDE EGOKIA ZEIN DEN JAKINARAZI ZAIE eta berariaz eskatu digute beraien partez BARKAMENA HELARAZTEKO". Eskubide urraketa aitortu eta 600€ isuna jartzea al da JARDUNBIDE EGOKIA? #Bidegabekeria honi aurre egiteko bidea aztertuko dugu. pic.twitter.com/EdwAxtYFSD
— Hizk. Esk. Behatokia (@behatokia) 2019(e)ko urtarrilaren 28(a)
Apirilean Jaurlaritzako Segurtasun Sailak gazte antolakundeko 133 kideri jarritako isunen harira manifestua aurkeztu du Ernaik. Euskal Herriko 32 eragile sozial, sindikatu eta alderdi politikok egin dute bat idatziarekin. Isunek antolakundea “itoarazi eta politikoki... [+]
Urriak 29 goizean egin da Gasteizen, Arabako Mendiak Askeko ordezkari moduan identifikatu eta Mozal Legearen bidez jarri zioten isunari buruzko epaiketa. Lurraren defentsan ari diren kideak atarian batu dira elkartasuna adierazteko eta zera adierazi dute: "Nahikoa da esan... [+]
Harreman bertikal eta asimetrikoen adibideak asko dira, eta beti ez zaigu rol bera egokitzen. Horrela, zenbaitetan, batzuek erabakitzen dute eta erabakitakoa gauza dadin lan egingo dute; gainontzekoen funtzioa da “goian” hartutako erabakiak gauzatzea edota onartzea... [+]
Asteartean EH sareko partaide batek Mozal Legearen bidez jasotako isun baten harira epaiketa izango du. Mendian, sarraskitu nahi dituzten mendi horietan ibiltzearren eta lurraldearen, lurraren, zaintzan eta defentsan aritzearren ertzaintzaren jazarpena jasan zuen. Beste behin... [+]
Iturrietako Mendietako lehen mendi martxa antolatzen ari zirela, 2021ean, kide bat identifikatu zuen ordezkari gisa ertzaintzak eta Mozal Legearen bidez isuna ezarri zion. "Muntai poliziala" salatu du Arabako Mendiak Askek eta zera aldarrikatu du: "Lurraren eta... [+]
Foru Legebiltzarraren arabera, “oinarrizko eskubideak eta askatasunak murrizten dituen legea da, eta zigor-atal neurrigabea du, demokrazia aurreratu bati ez dagokiona”.
Amaiur Egurrola Ernairen bozeramaileak azaldu du Ernairen aurkako operazioari erantzuteko bildu direla, “baina batez ere gazteria independentista kalean dagoela esateko”. Eusko Jaurlaritzak ia 300.000 euroko isuna ezarri die Ernaiko 133 kideri, Aitor Zelaia eta... [+]
Astearte goizean iragarri du Díazek Mozal Legearen “indargabetzea”, baina eguerdian Pilar Alegría Espainiako Gobernuko bozeramaileak eta Enrique Santiago Sumarreko bozeramaile laguntzaileak adierazi dute 36. artikuluko arau-hauste batzuetara mugatuko... [+]
20 lagun baino gehiago elkartzeko baimena eskatu behar dela dio legeak, eta apirilaren 25ean Altsasun 22 lagun elkartu zirela argudiatuta zigortu dute ekimena. Aldatu Gidoiak salatu du “politikan parte hartzea eragozteko” legea dela.
Segurtasun Sailak Ernaiko gazteen aurka egin du, eta zigor desproportzionatua ezarri die bidezko protesta bat egiteagatik, hala nola Aitor eta Galder lankideen espetxeratze arbitrarioaren kontra egiteagatik. Herritarren Segurtasunerako Lege eztabaidagarria erabili du... [+]
Aske antolakundeak aldarrikatu du elkartasuna eta amnistiaren aldeko borroka ez dela delitua. Eta, Ertzaintzak indarkeria erabiltzeko duen inpunitatea kritikatu du. Antolakundekoei jarri dizkieten isunak ordaintzeko, urriaren 5ean antolatuko duten elkartasun egunerako deia... [+]
"Ernai ekonomikoki itotzen eta politikoki deuseztatzen" saiatzea leporatu dio gazte antolakundeak Jaurlaritzari ostegun goizean Bilbon egindako agerraldi jendetsuan. Jakinarazi dutenez, Aitor Zelaia eta Galder Barbadoren espetxeratze agindua salatzeko Bilbon eta... [+]
2021eko protesta batean Poliziaren jarduna grabatu eta zabaltzeagatik, Mozal Legea urratu izana leporatu zion udaltzainak kazetariari. Salaketan hainbat gezur esan zituen agenteak, grabatutako bideoan egiazta daitekeenez. Agiriak faltsutzeagatik kazetariak kereila jarri zuen... [+]