Mosul Turkiaren lurra dela aldarrikatuz, aliatuen arteko tirabirak piztu ditu Erdoganek
Irakeko Mosul Estatu Islamiarrari kendu nahi dioten aliatuen artean lehenbiziko tirabirak sortu dira, astelehenean Turkiako lehendakari Recep Tayyip Erdoganek aldarrikaturik Irakeko hiri nagusi hori historikoki turkiarrena dela. Bagdadeko gobernua haserretu da, zer esanik ez kurduak, eta AEBetako gobernua ari da saiatzen ekaitz berri honek ez dezan Mosul inguratzen duen armada heterogeneoa ahuldu.
Uneotan Turkiako armada gerran sartuta dago bai Sirian eta bai Iraken, eta bien etorkizuna negoziatuko den mahaian egotea nahi duela azpimarratzeko Erdoganek astelehenean aipatu zuen 1920an bere parlamentuak aho batez hartuko erabakia, Turkiak aldarrikatzen dituen lur historikoak izendatzen dituena, tartean Siriako Alepo, Irakeko Mosul eta bi herrialdeetako Kurdistan oso-osorik. "Inork ez du lortuko Mosulgo ekuaziotik kanpo uztea Turkia", esan zuen Erdoganek.
Armada turkiarrak 700 militarretik gora dauzka gaur Irakeko lurretan, baina gainera turkomanoz eta beste suniz osatutako miliziak ere babesten ditu. Teorian horiek ari dira elkarlanean AEBko militarrekin, Irakeko armada eta miliziekin eta Kurdistan autonomoko pexmerga milizianoekin. Hauen artean sortu dute haserrea Erdoganen hitzek. Kurduek nekez daukate laguntzea beren izatea bera ukatzeaz gain odoletan itotzen saiatzen den Turkiarekin.
Baina orain, gainera, arriskuan jartzen dio egonkortasuna Irakeko gobernu-buru Haider al-Abadiri ere, turkiarren aurrean ahul azaltzen bada gainera etorriko zaizkiolako Irakeko indar asko, tartean bera bezala xiita izanik posizio bortitzagoak defendatzen dituen Nuri al-Maliki. Horiek guztiak lasaitu eta Erdogani mihia zaintzeko eskatzera doa bihar, ostirala 21, Ash Carter AEBetako Defentsa ministroa Ankarara: "Ahaleginak egingo ditugu tentsio horiek ez dezaten sortu garaipen militarra ahulduko duen egoera kaotiko bat".
Bitartean, Errusiak eta Siriak su etena ezarri dute Alepoko zeruetan. Eta beren kezka azaldu dute Mosuletik ihesi doazen jihadistak Siriako Estatu Islamiarra indartzera doazelako, Raqa hirira nagusiki. Erdoganek Alepo turkiarrei dagokiela esateak arrazoi ematen diela sentituko zuten.
20 urte bete ditu argazki honek, baita AEBek, Europako bere mariatxiek lagunduta, Irak inbaditu zutela. “Suntsipen handiko armak” hondatzea eta herrialdea “askatzea” izan ziren argudioak. Herrialde bat birrindu egin zuten: milioi erdi irakiar baino... [+]
Turkiak operazio militar berria abiatu zuen igandean Bashurren, PKK (Kurdistango Langileen Alderdia) desegiteko argudioarekin. Kurdistango Askapen Mugimenduak salatu du Ukrainako gerraren testuinguruan Kurdistanen aurkako erasoak areagotzen ari dela Turkia, eta horrez gain,... [+]
Gudarako droneen teknologian milioika dolarreko inbertsioak egin ostean, “historiako aire kanpaina zehatzena” iragarri zuen Barack Obama, AEBetako presidenteak. 2014tik gaur arte Pentagonoak bildutako dokumentuak aztertuta, ordea, “aire guda hau inteligentzia... [+]
2001eko urrian, irailaren 11n World Trade Centerren aurkako erasoak gertatu eta hilabetera, Amerikako Estatu Batuetako Aire Armadako pilotu batek historia egin zuen: drone moderno batekin (The Predator) eraso hilgarria egin zuen lehen pertsona izan zen. Ordutik, droneak XXI... [+]
Persiako Golkoa, 1991ko otsailaren 28a. Golkoko Lehen Gerra amaitu zen, AEBak buru zuen koalizioaren garaipenarekin. Gerra hartan komunikabideak arma estrategiko bihurtu ziren, "gerra garbiaren" kontzeptu berria indartzeko eta iritzi publikoak erasoei zilegitasuna eman... [+]
Google Arts & Culture plataformak, The Art & Soul of Mosul izeneko ekimenaren bidez, hiri hartako ondarea digitalki berregin du eta hiru dimentsiotako ereduak eskaintzen ditu azken urteotako gerran galdutakoa bisitatzeko.
Uztail bukaera honetan Bagdadeko Tahrir plazan errepikatzen dabiltzan manifestazioetan gertatu dira ezbeharrak. Aurreko gobernuak bideratu errepresio bortitzaren tonua dute hilketa hauek.
2019ko urritik 2020ko martxoaren 21era 490 hildako, 7.793 zauritu eta 123 bahiketa egon direla salatu du NBEk. 2019ko urrian hasi ziren protestak Iraken, gobernuaren dimisioa, parlamentuaren desegitea eta sistema politikoaren erreforma helburu. Lehen ministro ohiaren dimisioaren... [+]
Jasan dituen gerren ondorioz, Irakeko osasun sistema jota dago eta koronabirusaren epidemia bati ezingo lioke aurre egin. Hala ohartarazi dute agintariek.
Irango Goardia Iraultzaileak dozena bat misil jaurti ditu Iraken AEBek dauzkaten bi baseren kontra. AEBetako agintariek berretsi dute erasoa izan dela eta Irango atzerri ministro Javad Sarifek esan du bere herrialdearen "autodefentsa neurri gisa" eginak izan direla... [+]
Deialdia "Ekialde Hurbileko gerra berri baten aurka eta AEBetako indar militarrak ateratzearen alde" egin zela azaldu dute antolatzaileek.
Ameriketako Estatu Batuetako Defentsa sailetik jakinarazi dute erasoak Iranen etorkizuneko planak "gutxiestea" zuela helburu.
Enbata zakar baten gisa hedatu da munduan zehar protesta-haizea 2019an. Gobernu eta eredu sozio-ekonomiko oso ezberdinetako herrialdeetako kaleak sutu dituzten matxinadok 1848ko eta 1968ko matxinada sail salbuespenezkoekin alderatu ditu zenbait adituk. Nola interpretatu horien... [+]