Moral bikoitza
Bi gertakari handik AEBak astindu dituzte azken asteetan. Alde batetik, Londresen Julian Assange atxilotu dute, Chelsea Manning lagundu zuelakoan gobernuaren pasahitz bat deszifratzen. Bestalde, Muller txostena delakoa osatu egin dute, aspalditik ikusmin handia sortu duen dokumentua. Hor ikertu dute ea Donald Trumpek parte ote hartu zuen 2016ko hauteskundeetan Errusiak egindako interferentzian. Afera argitzeko oztoporik jarri al zuen ere ikergai izan dute.
Gizon horietako bat ere ez dut inola gogoko. Bata salatua izan da zenbait emakume behartu dituelakoan haiekin izandako sexu harremanetan babes-neurririk ez hartzera. Horrez gain, nagusitasun moralak dakarren nartzisismo larriak jota dago. Besteari dagokionez, zaila da jakitea kritikatzen nondik hasi ere, hainbat ekintza arbuiagarri egin baititu ez bakarrik emakumeen aurka, baita imajina daitekeen edozein giza talderen aurka ere, gizon zuri kontserbadore eta aberatsen kontra ez bada. Dena den, ez da harritzekoa jendeak biak balio desberdinen arabera epaitzea; azken finean, bata AEBetako burua dugu eta bestea aberats eta boteretsuei traba egiten ari zaie.
Muller txostenaren 300dik gora orrialdeetan zera topa daiteke: gobernuaren arabera, Trump justizia oztopatzen saiatu da (horrek impeachment edo kargugabetzea ekar liezaioke), baina ez du bere helburua lortu bere sikarioak ausartu ez zirelako. Beraz, ez dute uste erantzukizunik eskatu beharko litzaiokeenik. Assange, bestalde, bere bizilekutik bortxaz aterarazi eta espetxeratu dute AEBetara estraditatzeko asmoz, soilik hackeatze delitu arin bat gauzatzen saiatu zelako, lortu ez bazuen ere.
Ez da nire asmoa Assange defendatzea. Izan ere, uste dut ezkerrak sistematikoki zuritzeari utzi beharko liokeela. Bere identitatearen oinarriak ameskeria tekno-anarkokapitalistak eta salbatzaile-mentalitate sakona dira, eta emakumeen aurkako bortizkeriagatik jasotako salaketak sinesgarriak iruditzen zaizkit, espero genitzakeenak. Baina hor ez dago koska. Kontua da gizon hori indargabetu, atxilotu, zelatatu eta burua galtzeko moduko egoera batean jarri dutela delitu bat egiten saiatu omen delako eta, bitartean, pertsona aberats eta boteretsu bat bere ustezko krimenez desenkusatzen ari direla justu kontrako argudioa erabiliz.
Egia esan, bi arrazoibideek zentzudunak dirudite banaka aztertuta. Biak batera ikusita, ordea, boterearen funtzionamendua bere gordintasunean argi azaltzen da. Assange, terrorista ala salbatzaile politikoa? Dikotomia sinplista horretatik harago joan behar dugu eta aztertzen hasi beharko genuke gertaera horiek zer kontatzen diguten sortzen ari garen gizarteari buruz.
Otsailaren 20an eta 21ean Erresuma Batuko Justizia Auzitegi Gorenak erabakiko du Julian Assangeren estradizioak bide librea duen ala ez. Teorian bederen, hori izango da azken aukera juridikoa kazetari australiarra AEBetara estraditatuko duten ala ez erabakitzeko.
Erresuma Batuko Barne ministro Priti Patelek argi berdea eman dio Julian Assangeren estradizioari. Iragan martxoaren 14an eman zuen estradiziorako baimena herrialdeko Auzitegi Gorenak, baina orain heldu den gobernuaren iritzia falta zen.
Gobernuak erabaki behar du orain Wikileaks-eko sortzaileetako bat den Assange estraditatuko duen edo ez. Erabakiari helegitea jarriko diote bere abokatuek.
Nils Melzer NBEko torturaren inguruko kontalari bereziak Julian Assange kazetariaren kasua ikertu du. Ikerketa horren xehetasunak azaldu zituen lehen aldiz 2020ko otsailean Suitzako Republik hedabide independenteko Daniel Ryser kazetariak egindako elkarrizketa zorrotz eta... [+]
WikiLeakseko sortzaileetakoak espetxean jarraitu beharko du. Hala erabaki du astezkenean Londresen Vanessa Baraitserrek, astelehenean Assange AEBetara ez estraditatzea erabaki zuen epaile berak.
Erresuma Batuko justiziak Wikileaks-eko sortzaileetako bat, Julian Assange, AEBetara ez estraditatzea erabaki du astelehen honetan. Assangek "bere buruaz beste egiteko arriskua" aintzat hartuta erabaki du Vanessa Baraitser epaileak. AEBetako agintariak ordezkatzen... [+]
2010ean, WikiLeaksek, komunikabide handi batzuen laguntzarekin, dokumentu "sekretuen" historiako filtrazio zabalenetako bat argitaratu zuen. AEBetako inteligentzia zerbitzuen 700.000 fitxategi baino gehiago, gobernu eta estatu askoren jarduera diplomatiko eta militar... [+]
AEBen estradizio eskaeraren bigarren epaiketa hasi da astelehen honetan Londresen. Kazetariaren defentsaren arabera, irregulartasunen eta oinarrizko eskubideen urraketen zerrenda luzeak estradizioa eragotzi beharko luke.
AEBetako militarrek Irakeko zibilen aurka egindako erasoen bideoak proiektatu dituzte Erresuma Batuko parlamentuan, Julian Assange AEBetara estraditatzeko eskaerari aurka egiteko. Irudiak 2007koak dira, WikiLeaks webgunean filtratu zituen horietakoak.
Tuteran poliziaren erasoa gertatu eta Gladys Del Estal hil baina lau aste lehenago, Manuel Gutierrez Mellado Espainiako presidenteordeak AEBetako goi ordezkari batekin hitz egin zuen Bardeako tiro eremuaren inguruan. Zer ari ziren negoziatzen? Zer zegoen jokoan Erriberako bazter... [+]
Julian Assange polizia britainiarrak atxilotu aurretik da Kristinn Hrafnsson islandiarra Wikileakseko zuzendari berria. ikerketa kazetaritzan trebatua, ziur dago Neo-McCarhtysmo berri batek kazetaritzaren kontrako gerra hedatu duela. Assange AEBetara estraditatzeko agintariek... [+]
Wikileakseko fundatzaile Julian Assange polizia britainiarrak atxilotu du gaur goizean, Ekuadorko Gobernuak aterpe politikoa kendu eta Londresko agenteei baimendu dienean enbaxadan sartzea.
Norvegiako poliziak ikerketa abiatu du Arjen Kamphuis-en desagerpenaren berri izan ostean. Azken urteetan mundu osoko botere ekonomiko eta politikoek ezkutuan zeuzkaten dokumentuak sareratzeagatik ezaguna egin den Wikileaks atariaren sortzaileetako bat da.
