Mondragoneko buruek gogor hitz egin dute Ulma eta Oronaren kontra
Abenduaren 16an egingo dute Ulmak eta Oronak Mondragon Taldetik irteteko bozketa, eta aurreko egunetan, Mondragoneko buruek EiTBren hedabide publikoen bidez mezu gogorrak jaurti dituzte bi kooperatiben jokabideaz: "Mondragon eurek gabe ere ondo joango da", adierazi du Iñigo Ucin korporazioko presidenteak.
Giroa lehendik ere gori bazen, aste honetan are gehiago sakatzea erabaki du Mondragonek, eta bere buruek hainbat elkarrizketa eskaini dizkiete EiTBri –ostiralean Ulma eta Orona kooperatibetako bazkideek taldetik irteteko egingo duten bozketatik egun gutxitara–. Hedabide honek tarte luze eta zabala eman die gainera.
Hala, astelehenean Leire Muguerza elkarrizketatu zuten Euskadi Irratiko Faktoria saioan. Mondragon Korporazioko Batzorde Iraunkorreko presidenteak, Oronak eta Ulmak taldetik irtetea erabakiz gero, euren arteko harremanak jasango dituen ondorioez ohartarazi zuen: "Ez da gauza bera kanpoan ala barruan egotea". Muguerzaren esanetan, harremana "beste enpresa batzuekin dugun bera izango da".
Gainera, Lagun Aro edo Mondragon Unibertsitateak kooperatiba horiei zerbitzuak eskaintzeko aukera ere erakunde horien baitan geratuko dela azaldu zuen, "autonomoak" direlako.
Bi egun geroago hedabide publiko berak beste elkarrizketa bat egin dio Iñigo Ucin Mondragoneko presidenteari. ETB2-ko 12 minutos saioan, EiTB Mediako albistegietako buru Arantza Ruizen galderei erantzun die Ucinek: "Bazekiten eskatzen zuten prozedura onartezina zela epe motzean".
Mondragonek bere barruko kooperatibetan prozesua nola izan den azaltzen zabaldutako gutunaz galdetuta –Orona eta Ulma guztiz haserretu dira gutun horrekin– esan duten guztia "egia" dela azaldu du Ucinek: "Hala ere, esan dugun edozer beti hartu dute modu oldarkorrean".
Mondragon korporazioko presidenteak onartu du Orona eta Ulma irteten badira galera handia izango dela eta 70.000 langile ingurutan geratuko dela taldea, baina "eurek gabe ere ondo joango da", adierazi du.
Bi presidenteen hitzetatik ondoriozta daiteke ia egintzat jotzen dutela Ulma eta Orona Mondragonetik irtengo direla. Hala ere, taldearen irudia kalteturik ez irteteko kanpainarekin jarraitzen du Mondragonek. Esaterako, TuLankide hedabidean bideoa paratu dute, hainbat kooperatibatako kideen hitzak jasoz; Mondragonen zergatik dauden azaltzen dute bertan.
Bilboko Euskalduna jauregian egindako urteroko kongresuan Mondragoneko lehendakariaren errelebo aldaketa irudikatu dute, orain arte taldeko buru izandako Iñigo Ucinek eta hemendik aurrera kargu hori hartuko duen Pello Rodriguezek. Horrez gain, hurrengo urteetarako bide... [+]
Europako Parlamenturako hauteskundeen biharamunean idazten ditut lerro hauek, garai ilunak, Internazional Erreakzionarioaren garaipena europar legebiltzarrerako hauteskundeetan. Lehenagotik ere bazetorren bolada, eta bizi dugun fase kontserbadorearen berrespena da, baina... [+]
Ordiziako Orkli kooperatibak 50.000 euroko funtsa jarriko du "komunitatetik sortutako ekimenak" laguntzeko. Orklidea izena jarri diote programari eta Euskal Herri osoko proiektuak aurkeztu daitezke.
Ekonomia Sozial Eraldatzailearen Sareak, Olatukoopek, hamar urte bete ditu, eta larunbatean festa egin dute Donostian, sareko kide eta partaideen artean. Ekonomia eta kooperatibismoa beste ikuspegi batez landu litezkeela aldarrikatu (eta frogatu) dute: herrigintzatik, herritar... [+]
Mondragon taldeko banaketa kooperatiba baikor azaldu da 2023an izandako etekinekin; inflazioak eta kostuen gorakadak jotako testuinguru batean "sendotasunez" erantzun duela azaldu du. Espainiako Estatuan hedatzen jarraitzeko ahalmena eman dio horrek eta 74 supermerkatu... [+]
Olatukoopek beste hainbat eragilerekin batera garatu duen proiektu nagusienetako bat KoopFabrika da, ekintzailetza soziala bultzatzeko helburuz 2017an sorturiko programa, eta gaur egun oraindik martxan dagoena.
Hasiera batean, lehenengo ideia izan zen ekonomia... [+]
Gizartea eraldatzeko helburuz jaio zen Ekonomia Sozial Eraldatzailearen mugimendua Euskal Herrian duela hamar urte, Olatukoop sarean bilduta. Denbora honetan ez da gutxi egindakoa: hamaika kooperatiba eta ekimen jarri dituzte martxan, eta sarea zabaldu egin da. Baina erronkak... [+]
Bizitegi molde kooperatiboak zabalduz doaz Ipar Euskal Herrian. Euskal Hirigune Elkargoko azken biltzar nagusian Nicole Etxamendi, Itsasuko hautetsiak "Bizi lagun" kooperatibak kontutan hartu behar zirela eta alternatiba ona direla azpimarratu zuen.
Niretzat Talaios kooperatibaren eta Olatukoopen bitartez kooperatibismoan eta ekonomia eraldatzailean jardutea zer den galdetzen didatenean, erantzuten dut izan dela lanaren eta kolektiboaren bitartez emantzipaziorako bideari ekiteko aukera. Eta bide horretan, oso garrantzitsua... [+]
Martxoaren 22an, Frantziako Tourra hasteko 100 egun falta zirenean, Bilboko San Mames estadioan lur hartu zuen Juan Mari Aburto alkateak. Hainbat lagunek osatutako tropelaren erdian zihoan, Bilbaobizi alokairu-zerbitzuaren logoa zuen bizikleta elektriko gorri batean, erakusteko... [+]
Andaluziako Marinaleda herrian dagoen Los Humosos lursaila saldu nahi du Andaluziako Juntak. Duela hamarkada batzuk lur horiek okupatu zituztenetik kooperatiba baten bidez landu dituzte hango jornalariek, baina 2021an desalojatzeko agindua jaso zuten eta horri jarritako... [+]
Uztailaren hasieran jakin dugu gure herrian langileon etxe askotan ospakizunerako ezinbesteko izan diren pastel eta gozoen De Paula lantegia itxiko dutela. Erretiroa hartuko omen dute gozogileek, eta noski, erretiroa hartuko duten langileek deskantsurako eskubide osoa dute,... [+]
Etengabe azpimarratu behar dugu jada ez garela elkarte edo kolektibo bat. Izan ginen, bai. Ez baikenuen modu kolektiborik transmaribibollo aktibistak izateko (ez, ez gara banakako aktibismoen oso aldekoak). Eta bide batez, elkartea aprobetxatzen genuen fakturatzeko ere.
Baina... [+]
Ziklo-logistikarena sektore oso txikia da oraindik Euskal Herrian, baina forma apur bat hartzen ari da azken urteotan. Oraintsu, adibidez, CoopCycle Euskal Herria sortu dute.
Mikel Martin Conde herrikide eta burkide maitea betirako agurtu dugu artikulu hau idazten hasi berritan, eta tristura kolektiboa herrian zabaldu bada ere, penarekin batera Mikelen bizitza eta borrokak ospatzeko aukera eman digu. Erakutsi digu borroken ebakipuntuetan etorkizun... [+]