Poloniako filiala hartzekodunen lehiaketan sartu du Fagorrek
Mondragonek erreskatatuko ez duela jakinarazi ostean, Fagor Etxetresnek hartzekodunen borondatezko konkurtsoa aurkeztu dute gaur, Poloniako Fagor Mastercook S.A. filialarentzat. Donostiako Lehen Merkataritza arloko auzitegian egin du kooperatibak eskaera.
Kooperatibaren hitzetan, Fagor Mastercook hartzekodunen lehiaketan sartu izanak ez du eraginik Fagor Etxetresnengan, pasa den urriaren 16an, bere borondatez hartzekodunen aurre lehiaketan sartu zenez, lehiaketa legeak babesten duelako. Kooperatibak lanean jarraitzen du, behar duen finantziazioa aurkitzeko, Goiena.net-k dioenez.
Mondragon Korporazioaren ezezkoa
Fagor Etxetresnen bideragarritasun plana aurrera eraman ahal izateko diru gehiago ez duela jarriko jakinarazi du Mondragon Korporazioak. "Finantziazioak ez luke Fagorren etorkizuna bermatuko", esan du.
Prentsa oharrean dioenez, "kooperatibak aurkeztutako proiektuak ez ditu merkatuaren beharrak asetzen".
"Aho batez" hartu du erabakia Mondragonek.
Fagor Etxetresnak kooperatibak, bestalde, ohartarazi du Mondragonen zein erakunde publikoen laguntzarik jasotzen ez badu, hartzekodunen konkurtsoa deitu beharko duela, eta, ondorioz, bere jarduera guztiak desagertuko direla.
4.000 langile baino gehiagori eragingo lieke itxierak
Fagorren behin betiko itxierak, bertako langileei eta haien hornitzaileei eragingo lieke, baita Arrasateko eta inguruko komertzioei ere, besteren artean. Zuzenean ala zeharka, 4.000 lanpostu baino gehiago geratuko lirateke kolokan.
Fagorrek konfiantza berretsi du kooperatiba-ereduan: "Sistema kooperatiboaren oinarri diren elkartasun balioei eutsiz, enplegu guztiak mantenduko direla, birkokapenen zein jarduera berrien sorreraren bidez, eta baita aurre-erretiro eta aldez aurretiko erretiro duinak lortuko direla egoera horretan leudekeen bazkideentzat", dio plazaratutako oharrean.
Langileek manifestazioa deitu dute gaur Arrasaten, "enpleguaren defentsan". Fagor Etxetresnek San Andresen duten lantegitik aterako dira 18:00etan, Herriko Plazan amaitzeko.
Jaurlaritza: "Soilik alde guztien konpromisoarekin izango litzateke egingarria bideragarritasun plana"
"Eusko Jaurlaritza behin eta berriz azaldu da Fagor Etxetresnen etorkizunarekin konprometitzeko gertu, betiere bi baldintza betez gero: bideragarritasun plan egiazkoa eta egingarria izatea; eta Mondragon Korporazioak bideragarritasun plan hori onartzea eta plan hori abian jartzeko beharrezko diru ekarpenak egitera konprometitzea. Soilik alde guztien konpromisoarekin izango litzateke egingarria bideragarritasun plana". (Jaurlaritzaren balorazioa osorik, Goiena.net atarian)
Erreakzio eta iritzi gehiago, Mondraberri.com-ek argitaratuak:
Joxe Murgia eta beste bazkide kooperatibista batzuk: "Aldaketak sistema kooperatiboan".
LABek Fagorrentzako soluzioak eskatzen dizkie instituzioei eta erakunde finantzieroei.
Inazio Azkarragaurizar (Arrasateko alkatea): “Ez da trasteak bata besteari botatzeko garaia”
Beterri Saretuz eraldaketa egitasmoak gonbidatuta, Debagoiena 2030 sareko Aritz Ameztegik hitzaldia eman du Andoainen asteazkenean. Eskualde batean eraldaketa lortzeko nola eragin litekeen gako batzuk eskaini ditu.
Biriketako minbizian eta %95eko ezgaitasunean amiantoak izandako eragina onartu zion Gizarte Segurantzak langile bati, baina helegitea jarri zuen Fagor Ederlan enpresak. Donostiako epaitegi batek ez du helegitea onartu eta amiantoaren biktimen elkarteak enpresari eskatu dio... [+]
Gipuzkoako Lurralde Auzitegiak Mondragon absolbitu du Bergarako epaitegiak 2018ko uztailean emandako epaia berretsiz eta preskripzioan oinarrituz erabakia. Ordainduk eta Eskuratuk salatutako engainurik ez zela egon ebatzi du. Mondragon epaiarekin "pozik" azaldu da;... [+]
Herritarrek aukera izan dute dokumental baten bidez Jose Maria Arizmendiarrietaren bizitza eta lana ezagutzeko: Arizmendiarrieta, gizon kooperatiboa.
Ordaindu eta Eskuratu elkarteen eta Mondragon Korporazioaren arteko epaiketako ahozko bistaren azken eguna izan da gaurkoa. Bi aldeetako abokatuek ondorioak aurkeztu dituzte epailearen aurrean, eta lau egunak nola joan diren ikusita, esan daiteke demandatzaileen aldeko ebazpen... [+]
Fagor Etxetresnetako eta Edesako hainbat bazkide ohik, Ordaindu eta Eskuratu plataformetan baturik, Mondragonen kontra ipinitako demandaren epaiketa hasi da gaur, maiatzak 7, Bergaran. EAEko orain arteko demandarik handiena da. 954 bazkide ohik 47 milioi euro erreklamatzen... [+]
Astearte goizean aurkeztu du Edesa Industrialek hartzekodunen arteko hitzarmenerako aurre proposamena epaitegian. Likidazioa saihesteko eta industria jarduerarekin jarraitzeko duten asmoen barruan dagoela adierazi dute bidalitako oharrean. Edesa Industrialeko langileek "ez... [+]
CNA Group-eko filiala den Edesa Industrialek gaur goizean aurkeztu du hartzekodunen lehiaketa Donostiako merkataritza auzitegian. Dituen zorrak 100 milioi eurotik gorakoak dira.
Berrikuntza sozialean lanean ari diren hainbat ekimen ezagutzeko aukera izango da urriaren 25eko jardunaldietan. ARGIAk zuzeneko emisioa eskainiko du.
Edesa Industrialeko langileen etorkizuna Luxenburgon finkaturik dagoen talde horren eskuetan dago. Baina ELA eta LAB sindikatuek salatu dutenez, apenas daukagu daturik konglomeratu horren inguruan.
Iragarritako moduan, CNA taldearen Edesa Industrialeko zuzendaritzak gaur aurkeztu du enplegua suntsitzeko EREa, langile guztiendakoa. Ostiralean jakinarazi zen bezala, zuzendaritza Edesa Industrial eta Geyser-Gastech enpresetako ordezkariekin batu da; bilera horretan enpresako... [+]
Ez dute CNAk egindako proposamena onartu, euren ustez “xantaia” egiten ari delako eta konpainia katalanak “txeke zuri bat” besterik ez duelako nahi.
Zuzendaritzak kaleratze gutxiago egiteko aukera azaldu du enpresa batzordearekin egindako bileran, baina aldi berean dio "gehienez" 160 lanpostu mantendu ditzakeela, hasierako proposamenean bezala.
12:00etan dute hitzordua bihar, eguena, Fagor CNAko langileen ordezkariek CNA Taldeko zuzendaritzakoekin, negoziazioari ekiteko. “Enpresa bat ez da konpontzen murrizketekin”; hori abiapuntu, 350 lanpostuak eta enpresaren bideragarritasuna defendatzera bertaratuko... [+]
Konpainiak katalanak aurkeztu du Edesa Industrialentzako bideragarritasun plana: produkzioa doitu, Garagartzako planta itxi eta langileen erdia kalera.